ಕ್ಯಾನ್ಸರ್ ಅನ್ನು ತಡೆಗಟ್ಟುವ ವ್ಯಾಯಾಮ ವಿಧಗಳು

ನಡಿಗೆ:

ವ್ಯಾಯಾಮದ ಒಂದು ಉತ್ತಮ ವಿಧಾನವಾಗಿದೆ ನಡಿಗೆ. ನಿಮ್ಮ ನಡಿಗೆಯು ನಿಮ್ಮ ಹೃದಯ ಮತ್ತು ಮನಸ್ಸನ್ನು ಒತ್ತಡದಿಂದ ಮುಕ್ತಗೊಳಿಸಿ ಶಾಂತಗೊಳಿಸುತ್ತದೆ. ದಿನಕ್ಕೆ ಕನಿಷ್ಟ ಪಕ್ಷ 30 ನಿಮಿಷಗಳಾದರೂ ನೀವು ನಡೆಯಲೇಬೇಕು.

ಜಾಗಿಂಗ್:

ಜಾಗಿಂಗ್ ಅಥವಾ 45 ನಿಮಿಷಗಳಷ್ಟು ಕಾಲ ಓಡುವುದು ಕ್ಯಾನ್ಸರ್ ಅನ್ನು ತಡೆಗಟ್ಟುವಲ್ಲಿ ಸಹಕಾರಿ. ನೀವು ಓಡಿದಾಗ ನಿಮ್ಮ ಹೃದಯ ಬಡಿತ ವೇಗಗೊಳ್ಳುತ್ತದೆ ಮತ್ತು ನಿಮ್ಮ ಬೆವರು ನಿಮ್ಮ ದೇಹದ ವಿಷಕಾರಿ ಅಂಶಗಳನ್ನು ಹೊರಹಾಕುತ್ತದೆ.

ಈಜುವಿಕೆ:

ಈಜುವಿಕೆ ನಿಮ್ಮನ್ನು ದಿನಪೂರ್ತಿ ಸಕ್ರಿಯಗೊಳಿಸುವ ವ್ಯಾಯಾಮದ ವಿಧಾನವಾಗಿದೆ. ನೀವು ಯಾವುದೇ ವಯಸ್ಸಿನಲ್ಲಿ ಈ ವ್ಯಾಯಾಮ ವಿಧಾನವನ್ನು ಅನುಸರಿಸಬಹುದು. ಒಂದು ಅಥವಾ ಎರಡು ಗಂಟೆ ಈಜಿ ನಂತರ ನಿಮ್ಮ ಜೀವನ ಶೈಲಿಯ ಬದಲಾವಣೆಯನ್ನು ನೀವೇ ಸ್ವತಃ ಆನಂದಿಸಿ.

ಸೈಕ್ಲಿಂಗ್:

ನಿಮ್ಮ ಮನೆಯ ಸದಸ್ಯರ ಅಥವಾ ಸ್ನೇಹಿತರ ಸೈಕಲ್ ಅನ್ನು ಬಳಸಿಕೊಂಡು ಬೆಳಗ್ಗಿನ ಜಾವ ಸೈಕ್ಲಿಂಗ್ ಮಾಡಿ, ಬೆಳಗ್ಗಿನ ಜಾವದ ಉತ್ತಮ ಹವೆ ನಿಮ್ಮ ಶ್ವಾಸಕೋಶಗಳಿಗೆ ಉತ್ತಮವಾಗಿರುತ್ತವೆ. ಇದರಿಂದ ಶ್ವಾಸಕೋಶದ ಕ್ಯಾನ್ಸರ್ ನಿರ್ಮೂಲನೆಗೊಳ್ಳುತ್ತದೆ.

ಥೈಚಿ:

ನಿಮಗೆ ಥೈಚಿಯ ಬಗ್ಗೆ ಜ್ಞಾನವಿಲ್ಲದಿದ್ದರೆ ನಿಮ್ಮ ನಗರದಲ್ಲಿರುವ ಥೈಚಿ ತರಗತಿಗಳನ್ನು ಸೇರಿಕೊಳ್ಳಿ. ಇದೊಂದು ಚೈನೀಸ್ ಪದ್ಧತಿಯ ವ್ಯಾಯಾಮ ಕ್ರಮವಾಗಿದ್ದು ನಿಧಾನವಾಗಿರುವ ಚಲನಾ ವ್ಯಾಯಾಮಗಳಿಂದ ನಿಮ್ಮ ಆರೋಗ್ಯವನ್ನು ಸುಧಾರಿಸುತ್ತದೆ. ಕ್ಯಾನ್ಸರ್ ನಿವಾರಣೆಯಲ್ಲಿ ಈ ವ್ಯಾಯಾಮದ ಪಾತ್ರ ಮಹತ್ವದ್ದಾಗಿದೆ.

ಹೈಕಿಂಗ್:

ಕ್ಯಾನ್ಸರ್ ಅನ್ನು ಬುಡದಿಂದಲೇ ನಿವಾರಿಸುವ ಸಾಮರ್ಥ್ಯ ವ್ಯಾಯಾಮದ ಒಂದು ವಿಧಾನವಾಗಿರುವ ಹೈಕಿಂಗ್‌ಗಿದೆ. ಒತ್ತಡವನ್ನು ಮತ್ತು ಕ್ಯಾನ್ಸರ್ ಪರಿಣಾಮವನ್ನು ಈ ವ್ಯಾಯಾಮ ಪ್ರಕಾರ ನಿರ್ಬಂಧಿಸುತ್ತದೆ. ಹೈಕಿಂಗ್ ಮಾಡುವಾಗ ನಿಮ್ಮ ದೇಹ ಅದಕ್ಕೆ ತಕ್ಕಂತೆ ಸ್ಪಂದಿಸುತ್ತಿರುತ್ತದೆ ಇದರಿಂದ ರೋಗಮುಕ್ತ ಶರೀರ ಆರೋಗ್ಯ ಕೂಡ ನಿಮ್ಮದಾಗುತ್ತದೆ.

ರೋಲರ್‌ ಬ್ಲೇಡಿಂಗ್:

ದೇಹದ ಎಲ್ಲಾ ಸ್ನಾಯುಗಳು ಮತ್ತು ಮೂಳೆಗಳಿಗೆ ಚೆನ್ನಾಗಿ ವ್ಯಾಯಾಮ ನೀಡುವ ಒಂದು ವ್ಯಾಯಾಮ ಪ್ರಕಾರ ರೋಲರ್‌ಬ್ಲೇಡಿಂಗ್. ಮಕ್ಕಳು ಮಾತ್ರವಲ್ಲದೆ ದೊಡ್ಡವರೂ ಕೂಡ ಈ ವ್ಯಾಯಾಮವನ್ನು ಮಾಡಬಹುದಾಗಿದೆ.

ನೃತ್ಯ:

ದಿನಕ್ಕೆ 30 ನಿಮಿಷಗಳಷ್ಟು ಕಾಲ ನಿಮ್ಮ ಮೆಚ್ಚಿನ ಹಾಡಿಗೆ ನೃತ್ಯ ಮಾಡಿ ನಿಮ್ಮ ದೇಹವನ್ನು ಕ್ರಿಯಾಶೀಲವಾಗಿಡುವುದೂ ಕೂಡ ವ್ಯಾಯಾಮದ ವಿಧಾನವಾಗಿದೆ. ಈ ವ್ಯಾಯಾಮವನ್ನು ಅನುಸರಿಸಿ ಆರೋಗ್ಯದಿಂದಿರಿ.

ಯೋಗ:

ನಿಮ್ಮ ಮನಸ್ಸು, ದೇಹ ಮತ್ತು ಆತ್ಮಕ್ಕೆ ಯೋಗ ತುಂಬಾ ಉತ್ತಮ. ನೀವು ಯೋಗವನ್ನು ಅನುಷ್ಠಾನಿಸಿಕೊಂಡಾಗ ನಿಮ್ಮ ದೇಹದ ವಿಷಕಾರಿ ಅಂಶಗಳು ನಿಮ್ಮಿಂದ ದೂರಾಗುತ್ತವೆ. ನಿಯಮಿತವಾಗಿ ಯೋಗವನ್ನು ರೂಢಿಸಿಕೊಂಡು ಸ್ವಾಸ್ಥ್ಯವನ್ನು ಕಾಪಾಡಿಕೊಳ್ಳಿ.

ಟೆನ್ನೀಸ್:

ನೀವು ಚಟುವಟಿಕೆಯಿಂದ ಇರಲು ಸಹಾಯ ಮಾಡುವ ಒಂದು ಉತ್ತಮ ಕ್ರೀಡೆಯಾಗಿದೆ ಟೆನ್ನೀಸ್. ನಿಮಗೆ ಸುತ್ತಮುತ್ತಲೂ ಓಡಾಡುವಂತೆ ಮಾಡುವ ಮತ್ತು ಹೆಚ್ಚುವರಿ ಕ್ಯಾಲೋರಿಗಳನ್ನು ದೇಹದಿಂದ ಹೊರಹಾಕಿ. ವಿಷಕಾರಿ ಅಂಶಗಳನ್ನು ಬೆವರಿನ ಮೂಲಕ ತೊಡೆದುಹಾಕುವ ಕ್ರೀಡೆ, ವ್ಯಾಯಾಮ ಪ್ರಕಾರ ಟೆನ್ನೀಸ್ ಆಗಿದೆ.