ಆಹಾರ ತಿಂದು ವ್ಯಾಯಾಮ ಮಾಡಬಹುದಾ?

Diet Fitness

oi-Reena

By Hema S

Published: Friday, April 20, 2012, 14:44 [IST]

ಜಿಮ್‌ಗೆ ಹೋಗುವವರು ಮತ್ತು ಆಟಗಾರರು ಖಾಲಿ ಹೊಟ್ಟೆಯಲ್ಲಿ ಅಭ್ಯಾಸ ಮಾಡುತ್ತಾರೆ. ಕ್ಯಾಲೋರಿ ಕರಗ ಬೇಕೆಂದರೆ ಖಾಲಿ ಹೊಟ್ಟೆಯಲ್ಲಿ ಮಾಡಬೇಕು ಎನ್ನುವುದು ಕೆಲವರ ಅಭಿಪ್ರಾಯವಾದರೆ, ಇನ್ನು ಕೆಲವರು ವ್ಯಾಯಾಮ ಮಾಡುವ ಮೊದಲು ಅಲ್ಪ ಆಹಾರ ಸೇವಿಸಬೇಕೆಂದು ಹೇಳುತ್ತಾರೆ. ಈ ರೀತಿಯ ವಾದದಲ್ಲಿ ಯಾವುದು ಸರಿ ಎಂದು ತಿಳಿಯಲು ಮುಂದೆ ಓದಿ.

ಖಾಲಿ ಹೊಟ್ಟೆಯಲ್ಲಿ ವ್ಯಾಯಾಮ ಮಾಡುವುದರಿಂದ ದೇಹದಲ್ಲಿರುವ ಕ್ಯಾಲೋರಿ ಕರುಗುವುದು. ಆಹಾರ ತಿಂದು ವ್ಯಾಯಾಮ ಮಾಡಿದಾಗ ಅಷ್ಟೆ ಪ್ರಮಾಣದ ಕ್ಯಾಲೋರಿ ಕರುಗುತ್ತದೆ ಎಂದು ಅಮೆರಿಕದ ಫಿಟ್ ನೆಸ್ ನಿಯತಕಾಲಿಕವು ಹೇಳಿದೆ. ಆದರೆ ಆಹಾರವನ್ನು ಸ್ವಲ್ಪ ಪ್ರಮಾಣದಲ್ಲಿ ತೆಗೆದುಕೊಳ್ಳಬೇಕು. ತುಂಬಾ ಪ್ರಮಾಣದಲ್ಲಿ ತೆಗೆದುಕೊಂಡರೆ ವ್ಯಾಯಾಮ ಮಾಡಲು ಸಾಧ್ಯವಾಗುವುದಿಲ್ಲ.

ಅಲ್ಲದೆ ವ್ಯಾಯಾಮ ಮಾಡುವ ಮೊದಲು ಸ್ವಲ್ಪ ಆಹಾರ ತಿಂದರೆ ಸಿಗುವ ಮತ್ತೊಂದು ಪ್ರಯೋಜನವೆಂದರೆ ವ್ಯಾಯಾಮ ನಂತರ ತಿನ್ನುವ ಆಹಾರದ ಪ್ರಮಾಣ ಕಡಮೆಯಾಗುವುದು. ಮೊದಲೆ ಸ್ವಲ್ಪ ತಿಂದಿರುವುದರಿಂದ ಅಷ್ಟಾಗಿ ಹಸಿವು ಆಗುವುದಿಲ್ಲ. ಅದೇ ಖಾಲಿ ಹೊಟ್ಟೆಯಲ್ಲಿ ವ್ಯಾಯಾಮ ಮಾಡಿದರೆ ವಿಪರೀತ ಹೊಟ್ಟೆ ಹಸಿವು ಆಗುವುದರಿಂದ ಹೆಚ್ಚಿನ ಆಹಾರ ತಿನ್ನುವ ಸಾಧ್ಯತೆ ಹೆಚ್ಚು.

ವ್ಯಾಯಾಮ ಮಾಡುವ ಮೊದಲು ಒಂದು ಗ್ಲಾಸ್ ಜ್ಯೂಸ್ ಅಥವಾ ಮಿಲ್ಕ್ ಶೇಕ್ ಕುಡಿದರೆ ಬೇಗನೆ ಸುಸ್ತಾಗುವುದಿಲ್ಲವಾದ್ದರಿಂದ ಅಧಿಕ ಹೊತ್ತು ವ್ಯಾಯಾಮ ಮಾಡಬಹುದು. ಕೈಕಾಲುಗಳ ಮಾಂಸಖಂಡಗಳು ಎದ್ದುಕಾಣುವಂತಹ (ಸಿಕ್ಸ್ ಪ್ಯಾಕ್) ದೇಹ ಬಯಸುವವರು ಮೊಟ್ಟೆ ಮತ್ತು ಮಿಲ್ಕ್ ಶೇಕ್ ಕುಡಿದು ವ್ಯಾಯಾಮ ಮಾಡುವುದು ಒಳ್ಳೆಯದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.