ಪುರುಷರ ದೇಹದ ಸದೃಢತೆಗಾಗಿ ಫಲಪ್ರದ ಟಿಪ್ಸ್

ಒತ್ತಡವನ್ನು ಕಡಿಮೆ ಮಾಡಬೇಕು

ಕೆಲಸದಲ್ಲಿ ಒತ್ತಡ ಇರುವುದು ಸಾಮಾನ್ಯ. ಅಂತಹ ಒತ್ತಡವನ್ನು ಜೊತೆಯಲ್ಲಿಯೆ ಇಟ್ಟುಕೊಂಡು ಇರಬಾರದು. ಅವುಗಳಿಂದ ಆದಷ್ಟು ಬೇಗ ಹೊರಬೇಕು. ಅದಕ್ಕಾಗಿ ಯೋಗ ಮತ್ತು ವ್ಯಾಯಾಮ ಒಳ್ಳೆಯದು. ಧ್ಯಾನ ಮತ್ತು ಥೆರಪಿಗಳಿಂದ ಒತ್ತಡವನ್ನು ಕಡಿಮೆ ಮಾಡಬಹುದು.

ತಿನ್ನುವ ಆಹಾರದ ಮೇಲೆ ನಿಗಾ ಇರಲಿ

* ಎಣ್ಣೆ ಪದಾರ್ಥ, ತುಂಬಾ ಖಾರ ಮತ್ತು ಫ್ರೈ ಮಾಡಿರುವ ಪದಾರ್ಥಗಳನ್ನು ಹೆಚ್ಚಾಗಿ ಸೇಸಬಾರದು.

* ಕಾರ್ಬೋಹೈಡ್ರೇಟ್ ಇರುವ ಆಹಾರವನ್ನು ಮಿತಿಯಲ್ಲಿ ಸೇವಿಸಬೇಕು.

* ಪ್ರೊಟೀನ್ ಪದಾರ್ಥಗಳನ್ನು ಹೆಚ್ಚಾಗಿ ಸೇವಿಸಬೇಕು.

* ಹಣ್ಣು ಮತ್ತು ತರಕಾರಿಗಳನ್ನು ಹೆಚ್ಚಾಗಿ ಸೇವಿಸಬೇಕು.

* ಮೈದಾ ಪದಾರ್ಥಗಳನ್ನು ಹೆಚ್ಚಾಗಿ ಸೇವಿಸಬಾರದು.

* ಮದ್ಯಪಾನ ಕುಡಿಯುವವರಾದರೆ ಮಿತಿಯಲ್ಲಿ ಇರಲಿ.

ನಡೆಯುವುದು ಹಾಗೂ ನಿಧಾನಗತಿಯಲ್ಲಿ ಓಡುವುದು

* ಕೆಲಸ ಮಾಡುತ್ತಿರುವಾಗ ಮದ್ಯದಲ್ಲಿ ಸ್ವಲ್ಪ ವಿಶ್ರಾಂತಿ ತೆಗೆದು ಸ್ವಲ್ಪ ದೂರ ನಡೆದಾಡಿ ( ರೂಮಿನಲ್ಲಿಯೆ ನಡೆದಾಡಬಹುದು).

* ಬೆಳಗ್ಗೆ ಎದ್ದು ಅರ್ಧ ಗಂಟೆ ನಡೆಯುವುದು ಒಳ್ಳೆಯದು. ನಡೆಯುವುದರಿಂದ ಟೆನ್ಷನ್ ಕಡಿಮೆಯಾಗುವುದು. ಅಲ್ಲದೆ ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಕಡಿಮೆಯಾಗಿ ದೇಹದ ತೂಕವನ್ನು ಮಿತಿಯಲ್ಲಿಡಬಹುದು.

* ರಾತ್ರಿ ಊಟದ ನಂತರ ಸ್ವಲ್ಪ ದೂರ ನಡೆಯುವುದು ಒಳ್ಳೆಯದು.

* ಪುಶ್ ಅಪ್ ವ್ಯಾಯಾಮ ಮಾಡುವುದು ಶರೀರಕ್ಕೆ ತುಂಬಾ ಒಳ್ಳೆಯದು.

ಆಟ ಅಡುವುದು

* ಇಷ್ಟವಿರುವ ಆಡಿ. ಇದರಿಂದ ಮನಸ್ಸಿಗೆ ಸಂತೋಷ ದೊರೆಯುವುದು. ದೇಹಕ್ಕೂ ಒಳ್ಳೆಯ ವ್ಯಾಯಾಮ. ಟನ್ನೀಸ್, ಕ್ರಿಕೆಟ್, ಹಾಕಿ ಇವುಗಳನ್ನು ಆಡುವುದರಿಂದ ದೇಹದ ತೂಕ ನಿಯಂತ್ರಣದಲ್ಲಿಡಬಹುದು ಮತ್ತು ಮನರಂಜನೆ ಕೂಡ ದೊರೆಯುವುದು.

* ಈಜುವುದು ತುಂಬಾ ಒಳ್ಳೆಯ ವ್ಯಾಯಾಮವಾಗಿದೆ. ಕೈ ಕಾಲುಗಳ ಸ್ನಾಯುಗಳು ಬಲವಾಗುತ್ತದೆ.

ನೀರು ಕುಡಿಯುವುದು

ದೇಹದ ಆರೋಗ್ಯಕರ ಸ್ಥಿತಿಗೆ ಹಾಗೂ ಸ್ನಾಯು ಬಲಕ್ಕೆ ಮುಖ್ಯವಾಗಿ ದಿನದಲ್ಲಿ ಅಧಿಕ ನೀರನ್ನು ಕುಡಿಯುವುದು ಅತ್ಯಗತ್ಯ. ವ್ಯಾಯಾಮವನ್ನು ಮಾಡಿದ ನಂತರ ಸಾಕಷ್ಟು ನೀರನ್ನು ಕುಡಿಯಿರಿ. ನಿಮ್ಮ ವ್ಯಾಯಾವದ ಸಂದರ್ಭದಲ್ಲಿಯೂ ಕೂಡ ಪ್ರತಿ 10-20 ನಿಮಿಷಗಳಿಗೊಮ್ಮೆ ನೀರನ್ನು ಕುಡಿಯುತ್ತಿರಿ.

ಪ್ರೊಟೀನ್

ಸ್ನಾಯುಬಲವನ್ನು ಹೆಚ್ಚಿಸುವಂತಹ ವ್ಯಾಯಾಮವನ್ನು ಮಾಡಿದಾಗ ಹಾಗೂ ಭಾರವನ್ನು ಎತ್ತುವ ವ್ಯಾಯಾಮ ಕ್ರಮವನ್ನು ಮಾಡಿದಾಗ ನಿಮ್ಮ ದೇಹಕ್ಕೆ ಪ್ರೊಟೀನ್ ಅಂಶ ಅತ್ಯಗತ್ಯವಾಗಿ ಬೇಕೆಬೇಕು. ಪ್ರೋಟೀನ್ ಯುಕ್ತ ಆಹಾರವನ್ನು ಅಧಿಕವಾಗಿ ಸೇವಿಸುವುದರಿಂದ ಸ್ನಾಯುಗಳ ಬಲವನ್ನು ಹೆಚ್ಚಿಸುವ ಅಮೈನೋ ಆಮ್ಲವು ದೇಹದಲ್ಲಿ ಉತ್ಪಾದನೆಯಾಗುತ್ತದೆ.

ಸರಿಯಾದ ವ್ಯಾಯಾಮ ವಿಧಾನ

ಸ್ನಾಯುಬಲವನ್ನು ಹೆಚ್ಚಿಸಲು ವ್ಯಾಯಾಮಗಳು ಅಗತ್ಯ. ಆದರೆ ಅದಕ್ಕಿಂತ ಪ್ರಮುಖ ವಿಷಯವೆಂದರೆ ವ್ಯಾಯಾಮವನ್ನು ಸರಿಯಾದ ವಿಧಾನದಲ್ಲಿ ಸರಿಯಾದ ಕ್ರಮದಲ್ಲಿ ಮಾಡಬೇಕು.