ಕೊಲೆಸ್ಟ್ರಾಲ್ ಕರಗಿಸಲು ಹೆಚ್ಚು ಈರುಳ್ಳಿ ತಿನ್ನಿ

Diet Fitness

oi-Sumalatha

By Sumalatha

Published: Friday, December 9, 2011, 11:14 [IST]

ದೇಹದಲ್ಲಿರುವ ಅಧಿಕ ಕೊಲೆಸ್ಟ್ರಾಲ್ ಕರಗಿಸಿ ಫಿಟ್ ಆಗಿರಬೇಕೆಂದರೆ ಇಲ್ಲೊಂದು ಸರಳ ಉಪಾಯವಿದೆ. ನಿಮ್ಮ ಆಹಾರದಲ್ಲಿ ಈರುಳ್ಳಿ, ಆಲಿವ್ ಹೆಚ್ಚು ಬಳಸಿಕೊಂಡರೆ ಸಾಕು. ಬೊಜ್ಜಿನ ಮಟ್ಟ ಕ್ರಮೇಣ ಕಡಿಮೆಯಾಗುತ್ತೆ. ಜೊತೆಗೆ ಆಗಾಗ್ಗೆ ಗ್ರೀನ್ ಟೀ ಕುಡಿದರೆ ಫಲಿತಾಂಶ ಇನ್ನೂ ಬೇಗನೆ ಸಿಗುತ್ತದೆ.

ಕ್ವೀನ್ಸ್ ಲ್ಯಾಂಡ್ ವಿಶ್ವವಿದ್ಯಾಲಯದ ಪ್ರೊ. ಲಿಂಡ್ಸೆ ಬ್ರೌನ್ ಇಲಿಗಳ ಮೇಲೆ ನಡೆಸಿದ ಸಂಶೋಧನೆ, ಈರುಳ್ಳಿ ಮತ್ತು ಆಲಿವ್ ಎಲೆಯ ಅಂಶದಿಂದ ದೇಹದಲ್ಲಿ ಬೊಜ್ಜು ಕರಗುವುದಷ್ಟೇ ಅಲ್ಲ, ಹೃದಯ ಮತ್ತು ಲಿವರ್ ಸ್ವಾಸ್ಥ್ಯವೂ ಹೆಚ್ಚು ಸುಧಾರಿಸುತ್ತದೆ ಎಂದು ತಿಳಿದುಬಂದಿದೆ. ಅಷ್ಟೇ ಅಲ್ಲ, ಸಕ್ಕರೆ ಕಾಯಿಲೆಗೂ ಇದು ಹೆಚ್ಚು ಪರಿಣಾಮಕಾರಿ.

ಈ ರೀತಿಯ ತರಕಾರಿಗಳು ರಕ್ತನಾಳಗಳಲ್ಲಿ ಸೇರಿಕೊಳ್ಳುವ ಕೊಬ್ಬನ್ನು ಹೀರಿಕೊಂಡು ಬೊಜ್ಜು ಅಲ್ಲಲ್ಲಿ ತುಂಬಿಕೊಳ್ಳುವುದನ್ನು ನಿವಾರಿಸುತ್ತದೆ. ಬೊಜ್ಜಿನ ಮಟ್ಟ ಕುಗ್ಗಿಸಲು ಕಡಿಮೆ ತಿನ್ನುವ ಅಭ್ಯಾಸ ರೂಢಿಸಿಕೊಳ್ಳುವುದಕ್ಕಿಂತ ಆರೋಗ್ಯಕ್ಕೆ ಪೂರಕ ಆಹಾರ ಸೇವಿಸುವುದು ಒಳ್ಳೆಯದು ಎಂದು ಬ್ರೌನ್ ತಿಳಿಸಿದ್ದಾರೆ.

ಈರುಳ್ಳಿ ಮತ್ತು ಆಲಿವ್ ಎಲೆಯಲ್ಲಿನ ರುಟಿನ್ ಎಂಬ ಫ್ಲೇವನಾಯ್ಡ್ ಬೊಜ್ಜು ಕರಗಿಸುವಲ್ಲಿ ತುಂಬಾ ಸಹಕಾರಿ. ಈ ಫ್ಲೇವನಾಯ್ಡ್ ಗಳು ಸೇಬು, ಟೀ, ಕೆಂಪು ವೈನ್ ನಲ್ಲಿ ಕೂಡ ಇದೆ. ಆದ್ದರಿಂದ ಕೊಲೆಸ್ಟ್ರಾಲ್ ಕರಗಿಸಲು ಇಂತಹ ಆಹಾರ ಸೇವನೆ ಹೆಚ್ಚು ಸಹಕಾರಿ. ಈ ಅಧ್ಯಯನವನ್ನು ನ್ಯೂಟ್ರಿಷನ್ ಮತ್ತು ಫಾರ್ಮಸ್ಯುಟಿಕಲ್ ಬಯೋಟೆಕ್ನಾಲಜಿ ನಿಯತಕಾಲಿಕೆಯಲ್ಲಿ ಪ್ರಕಟಿಸಲಾಗಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.