30 ದಿನದಲ್ಲಿ ಸಣ್ಣಗಾಗಲು ಏರೊಬಿಕ್ಸ್ ಮಾಡಿ

Diet Fitness

oi-Staff

By Super

Updated: Thursday, March 14, 2013, 11:57 [IST]

ಡ್ಯಾನ್ಸ್ ಮಾಡುವುದು ಕೂಡ ಅತ್ಯುತ್ತಮ ವ್ಯಾಯಾಮ. ಸಂಗೀತದೊಂದಿಗೆ ಹೆಜ್ಜೆ ಹಾಕುತ್ತಾ ವ್ಯಾಯಾಮ ಮಾಡುವ ಏರೊಬಿಕ್ಸ್ ದೇಹದಲ್ಲಿರುವ ಅಧಿಕ ಕ್ಯಾಲೊರಿಗಳನ್ನು 30 ದಿನಗಳಲ್ಲಿ ಕರಗಿಸುತ್ತದೆ. ಏರೊಬಿಕ್ಸ್ ವ್ಯಾಯಾಮಕ್ಕೆಂದು ಜಿಮ್ ಗಳಿಗೇ ಹೋಗಬೇಕಿಲ್ಲ. ಮನೆಯಲ್ಲೇ ಮಾಡಿದರೆ ಹೆಚ್ಚು ಸಮಯ ಉಳಿಯುತ್ತದೆ.

ಏರೊಬಿಕ್ಸನ್ನು 20 ನಿಮಿಷ ಅಥವಾ 40-1 ಗಂಟೆಯವರೆಗೂ ಅನುಸರಿಸಬಹುದು. ಬೆಳಗ್ಗೆ, ಸಂಜೆ ಎರಡೂ ಹೊತ್ತು ಏರೊಬಿಕ್ಸ್ ಮಾಡಬಹುದು. ನಯವಾದ ಸಂಗೀತದೊಂದಿಗೆ ಕ್ಯಾಲೊರಿ ಕರಗಿಸಲು ಏರೊಬಿಕ್ಸ್ ಅನುಸರಿಸುವುದು ಹೇಗೆ?

ಮನೆಯಲ್ಲೇ ಏರೊಬಿಕ್ಸ್ ವ್ಯಾಯಾಮದ ವಿಧಾನ:
1. ಮೊದಲು 10 ನಿಮಿಷ ವೇಗವಾಗಿ ಹಿಂದಕ್ಕೆ ಮುಂದಕ್ಕೆ ನಡಿಗೆ ಅಥವಾ ಜಾಗ್ ಮಾಡಬೇಕು.
2. ಆನಂತರ ಬಾಗುವ ವ್ಯಾಯಾಮವನ್ನು ಮಾಡಬೇಕು. ಮೇಲಕ್ಕೆ, ಕೆಳಕ್ಕೆ, ಅಕ್ಕಕ್ಕೆ ಪಕ್ಕಕ್ಕೆ ಹಿಂದಕ್ಕೆ, ಮುಂದಕ್ಕೆ ಎಲ್ಲಾ ಕಡೆಯೂ ಬಾಗಬೇಕು. ಕಾಲುಗಳ ಚಲನವಲನ ಹೆಚ್ಚಿರಬೇಕು.
3. ಕುರ್ಚಿಯ ಸಹಾಯದಿಂದ ವ್ಯಾಯಾಮವನ್ನು ಅನುಸರಿಸಬೇಕು. ಕುರ್ಚಿಯ ಮೇಲೆ ಕೂತು ನಿಲ್ಲುವುದನ್ನು 12 ಬಾರಿ ಮಾಡಬೇಕು. ಇದರಿಂದ ತೊಡೆ, ಕಾಲು ಮತ್ತು ಸೊಂಟದಲ್ಲಿನ ಸ್ನಾಯುಗಳು ಗಟ್ಟಿಗೊಳ್ಳುತ್ತದೆ. ಅಲ್ಲಿ ಸೇರಿಕೊಂಡ ಬೊಜ್ಜೂ ಕರಗಲು ಅನುವಾಗುತ್ತದೆ.
4. ಈಗ ಹೃದಯದ ಸ್ವಾಸ್ಥ್ಯಕ್ಕೆ ಅನುಕೂಲವಾಗುವ ವ್ಯಾಯಾಮವೊಂದನ್ನು ಅನುಸರಿಸಿ. ಓಡುವುದು ಅಥವಾ ಜೋರಾಗಿ ನೃತ್ಯ ಮಾಡುವುದು ಇದಾಗಿದೆ. ಈ ವ್ಯಾಯಾಮದಿಂದ ಹೃದಯದ ಬಡಿತ ಹೆಚ್ಚಾದಂತೆನಿಸುತ್ತದೆ.
5. ಕೊನೆಯಲ್ಲಿ ಹಾಡನ್ನು ನಿಲ್ಲಿಸಿ ಒಂದೆಡೆ ಕೂತು ದೀರ್ಘ ಉಸಿರಾಟ ನಡೆಸಬೇಕು. ಇದರಿಂದ ದೇಹ ಮತ್ತು ಮನಸ್ಸೂ ಎರಡೂ ರಿಲ್ಯಾಕ್ಸ್ ಆಗುತ್ತದೆ. ಕೆಲವು ನಿಮಿಷ ಧ್ಯಾನ ಮಾಡಿದರೆ ದಿನವಿಡೀ ಚೈತನ್ಯದಿಂದಿರಲು ಅನುವಾಗುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.