ತೂಕ ಇಳಿಸಿಕೊಳ್ಳಲು ಬೆಳಗಿನ ತಿಂಡಿ ಹೇಗಿರಬೇಕು?

Diet Fitness

oi-Sumalatha

By Sumalatha

Published: Thursday, December 15, 2011, 11:13 [IST]

ಇಡೀ ದಿನದಲ್ಲಿ ಬೆಳಗಿನ ತಿಂಡಿಯೇ ತುಂಬಾ ಮುಖ್ಯ. ಎಷ್ಟೋ ಜನರು ಬೆಳಗಿನ ತಿಂಡಿ ಬಿಟ್ಟರೆ ತೂಕ ಕಳೆದುಕೊಳ್ಳುವುದು ಸುಲಭ ಎಂದು ಯೋಚಿಸುತ್ತಾರೆ. ಆದರೆ ಇದು ತಪ್ಪು. ಕೆಲವು ತಿಂಡಿಗಳನ್ನು ಬ್ರೇಕ್ ಫಾಸ್ಟ್ ಗೆ ಸೇವಿಸುವುದರಿಂದ ಉತ್ತಮ ಆರೋಗ್ಯದೊಂದಿಗೆ ತೂಕವನ್ನೂ ಕಳೆದುಕೊಳ್ಳಬಹುದು. ಕೆಲವೇ ವಾರಗಳಲ್ಲಿ ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುವ ಬ್ರೇಕ್ ಫಾಸ್ಟ್ ಪದ್ಧತಿ ಯಾವುದೆಂದು ಇಲ್ಲಿ ತಿಳಿಯಿರಿ.

ತೂಕ ಕಳೆದುಕೊಳ್ಳಲು ಆರೋಗ್ಯಕರ ಬ್ರೇಕ್ ಫಾಸ್ಟ್ ಹೇಗಿರಬೇಕು?

1. ಮೊದಲು ತಿಂಡಿಯ ಸಮಯವನ್ನು ನಿಗದಿಗೊಳಿಸಿ. ನಿರಂತರವಾಗಿ ಆ ಸಮಯವನ್ನು ಪಾಲಿಸಿ. ಸಮಯ ವ್ಯತ್ಯಾಸವಾದರೆ ತೂಕ ಇಳಿಸಿಕೊಳ್ಳುವ ಸಾಧ್ಯತೆಯನ್ನು ಕಳೆದುಕೊಂಡಂತೆ.

2. ಓಟ್ ಮೀಲ್ ತೂಕ ಇಳಿಸಿಕೊಳ್ಳಬಯಸುವವರಿಗೆ ಒಳ್ಳೆ ಬ್ರೇಕ್ ಫಾಸ್ಟ್. ಇದು ಆರೋಗ್ಯಕರ ಮಾತ್ರವಲ್ಲ, ಹೊಟ್ಟೆಯನ್ನೂ ತುಂಬಿಸುತ್ತೆ. ಓಟ್ ಮೀಲ್ ನೊಂದಿಗೆ ಕೆಲವು ತರಕಾರಿ ಬಳಸಿ ಬಿಸಿಯಾಗಿ ತಿಂದರೆ ರುಚಿಯೂ ಸಿಗುತ್ತೆ.

3. ಬೆಳಗ್ಗೆ ಎರಡು ಬಾಳೆ ಹಣ್ಣು ತಿಂದರೆ ದಿನವಿಡೀ ಹಸಿವಾಗದಂತೆ ತಡೆಯುತ್ತೆ. ಬಾಳೆ ಹಣ್ಣಿನೊಂದಿಗೆ ಯಾವುದಾದರೂ ಹಣ್ಣಿನ ಜ್ಯೂಸ್ ಕುಡಿಯಬಹುದು. ಆದರೆ ಬಾಳೆ ಹಣ್ಣು ಸೇವಿಸುವವರು ಜಂಕ್ ಫುಡ್ ಮತ್ತು ಎಣ್ಣೆ ಪದಾರ್ಥವನ್ನು ಸೇವಿಸದಿದ್ದರೆ ಬೇಗನೆ ಫಲಿತಾಂಶ ಹೊಂದಬಹುದು.

4. ಬೇಯಿಸಿದ ಮೊಟ್ಟೆ ಬೆಳಗ್ಗಿನ ತಿಂಡಿಗೆ ಒಳ್ಳೆ ಆಯ್ಕೆ. ಬ್ರೆಡ್ ಟೋಸ್ಟ್ ಜೊತೆ ಬೇಯಿಸಿದ ಮೊಟ್ಟೆ ತಿಂದರೆ ಬೆಳಗ್ಗಿನ ತಿಂಡಿ ಆರೋಗ್ಯಕರವಾಗಿರುವುದಲ್ಲದೆ ತೂಕವನ್ನೂ ಇಳಿಸಿಕೊಳ್ಳಬಹುದು.

5. ಕಾರ್ನ್ ಫ್ಲೇಕ್ಸ್ ಕೂಡ ಬಹುತೇಕ ಜನರು ತೂಕ ಇಳಿಸಿಕೊಳ್ಳಲು ಬೆಳಗಿನ ತಿಂಡಿಗೆ ತಿನ್ನುತ್ತಾರೆ. ತೂಕ ಕಡಿಮೆ ಮಾಡಿಕೊಳ್ಳಲು ಇದು ಹೆಚ್ಚು ಪರಿಣಾಮಕಾರಿ. ಕೆನೆ ತೆಗೆದ ಹಾಲು ಅಥವಾ ಹಣ್ಣಿನ ಜ್ಯೂಸ್ ನೊಂದಿಗೂ ಕಾರ್ನ್ ಫ್ಲೇಕ್ಸ್ ತಿಂದರೆ ಹೊಟ್ಟೆಯನ್ನೂ ತುಂಬಿಸುತ್ತದೆ.

6. ತರಕಾರಿ ಸ್ಯಾಂಡ್ ವಿಚ್ ತೂಕ ಕಡಿಮೆ ಮಾಡಿಕೊಂಡು ತೆಳ್ಳಗೆ ಕಾಣಲು ಹೆಚ್ಚು ಸಹಕಾರಿ. ತರಕಾರಿ ಸ್ಯಾಂಡ್ ವಿಚ್ ಗೆ ಸಕ್ಕರೆ ಬೆರೆಸಬಾರದು. ಕಡಿಮೆ ಕೊಬ್ಬಿನಂಶದ ಚೀಸ್ ಬಳಸಿ ತಿನ್ನಬಹುದು.

ಈ ಆರೂ ಆಹಾರಗಳು ಬ್ರೇಕ್ ಫಾಸ್ಟ್ ಗೆ ಉತ್ತಮ. ಆದರೆ ಬೆಳಗ್ಗೆ ಹೊತ್ತು ಇವುಗಳನ್ನೂ ತುಂಬಾ ತಿನ್ನಬಾರದು. ಇದರಿಂದ ದೇಹದ ಶಕ್ತಿ ಜೀರ್ಣಕ್ರಿಯೆಯಲ್ಲಿಯೇ ವ್ಯಯಿಸಿಹೋಗುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.