ಹಾಟ್ ಲುಕ್‌ನಲ್ಲಿ ಹ್ಯಾಂಡ್ಸಮ್ ಬಾಯ್ ರಣಬೀರ್ ಕಪೂರ್

ಸಾವರಿಯಾ ಚಿತ್ರದಿಂದ ತನ್ನ ಸಿನಿ ಪ್ರಯಾಣವನ್ನು ಆರಂಭಿಸಿದ ಕಪೂರ್ ಕುಡಿ ರಣಬೀರ್ ಕಪೂರ್‎ರ ಮುದ್ದು ಮುಖ ಯಾರಿಗೆ ತಾನೇ ನೆನಪಿಲ್ಲ ಹೇಳಿ. ಬಾಲಿವುಡ್‎‌ನಲ್ಲಿ ಕಪೂರ್ ವಂಶವೆಂದರೆ ಪ್ರಸಿದ್ಧಿಯನ್ನು ಪಡೆದುಕೊಂಡಿತ್ತು. ಇನ್ನು ರಣಬೀರ್‎ಗಂತೂ ತುಂಬು ಕುಟುಂಬದ ಪ್ರೋತ್ಸಾಹ ಬೇರೆ. ಆದರೆ ಆರಂಭದಲ್ಲಿ ಸಾಕಷ್ಟು ಎಡರು ತೊಡರುಗಳನ್ನು ಕಂಡುಕೊಂಡ ಈ ನಟ ಒಂದು ಕಾಲದಲ್ಲಂತೂ ಹಾಸ್ಯಸ್ಪದವಾಗಿದ್ದರು.

ಆದರೆ ಮೈಕೊಡವಿಕೊಂಡು ನಟನೆಯ ಕೌಶಲ್ಯಗಳನ್ನು ಕೆಲವೇ ಸಮಯಗಳಲ್ಲಿ ಕಲಿತುಕೊಂಡು ಬಾಲಿವುಡ್ ಅಂಗಳದಲ್ಲಿ ದೃಢ ಹೆಜ್ಜೆಯನ್ನಿಟ್ಟಿದ್ದು ಈಗ ಇತಿಹಾಸವಾಗಿದೆ. ಇನ್ನು ಅವರ ಸ್ಟೈಲ್ ಸೆನ್ಸ್ ಅಂತೂ ಪರ್ಫೆಕ್ಟ್ ಎಂದೇ ಹೇಳಬಹುದು. ಯೇ ದಿಲ್ ಹೇ ಜರಾ ಮುಶ್‎ಕಿಲ್ ಚಿತ್ರದ ಚಿತ್ರೀಕರಣವನ್ನು ಮುಗಿಸಿ ಲಂಡ‎ನ್ ನಿಂದ ಮರಳಿ ಬರುತ್ತಿರುವಾಗ ತಮ್ಮ ಸುಂದರ ದಿರಿಸಿನಿಂದ ವಿಮಾನ ನಿಲ್ದಾಣದಲ್ಲಿ ಕಂಡುಬಂದಿದ್ದಾರೆ.

ಹಾಟ್ ಆಗಿ ಕಾಣಿಸುತ್ತಿದ್ದ ರಣಬೀರ್ ನೀಲಿ ಬಣ್ಣದ ಚೆಕ್ಸ್ ಶರ್ಟ್ ಅನ್ನು ಧರಿಸಿದ್ದರು ಮತ್ತು ಗಾಢ ವರ್ಣದ ಡೆನಿಮ್ ಪ್ಯಾಂಟ್ ಇದಕ್ಕೆ ಜೋಡಿಯಾಗಿತ್ತು. ದಿರಿಸಿಗೆ ಸಾಥ್ ನೀಡಿದ್ದು ನ್ಯೂಯಾರ್ಕ್ ಸಿಟಿ ಕ್ಯಾಪ್ ಆಗಿದೆ. ರಣಬೀರ್‎ರ ಡೆನೀಮ್ ಮತ್ತು ಚೆಕ್ಸ್ ಲುಕ್ ಯಾರಿಗೆ ಇಷ್ಟವಾಗುವುದಿಲ್ಲ ಹೇಳಿ? ನಿಮ್ಮ ಅಭಿಪ್ರಾಯವನ್ನು ನಮಗೂ ತಿಳಿಸಿ.