ದಿಲ್‎‌ವಾಲೆಯ ದಿಲ್‌‎ದಾರ್ ಹುಡುಗ ವರುಣ್ ಧವನ್ ಸ್ಟೈಲ್

ಇತ್ತೀಚಿನ ದಿನಗಳಲ್ಲಿ ಬಾಲಿವುಡ್ ಯುವ ಜೋಡಿಗಳಿಗೆ ಹೆಚ್ಚು ಮಣೆ ಹಾಕುತ್ತಿದ್ದು ಅವರಿಗಾಗಿಯೇ ಭಿನ್ನ ಚಿತ್ರಕಥೆಗಳನ್ನು ನಿರ್ದೇಶಕರು ಸಿದ್ಧಪಡಿಸುತ್ತಿದ್ದಾರೆ. ಈ ಕಥೆಗಳಿಗೆ ಅನುಸಾರವಾಗಿಯೇ ಚಿತ್ರ ನಾಯಕರೂ ಅಮೋಘವಾಗಿ ಅಭಿನಯಿಸಿ ತಮ್ಮ ಕಲಾಪ್ರತಿಭೆಗಳನ್ನು ಪ್ರದರ್ಶಿಸುವುದರ ಜೊತೆಗೆ ಚಿತ್ರದ ಯಶಸ್ಸಿಗೂ ಕಾರಣವಾಗುತ್ತಿದ್ದಾರೆ. ಇನ್ನು ಈ ನಟರು ಸುಂದರರಾಗಿದ್ದರಂತೂ ಮುಗಿದೇ ಹೋಯಿತು. ಯುವ ಮನಸ್ಸುಗಳಲ್ಲಿ ಬೇಗನೇ ಅಚ್ಚೊತ್ತಿಬಿಡುತ್ತಾರೆ.

ಇಂತಹ ಹ್ಯಾಂಡ್‎‌ಸಮ್ ಹುಡುಗರ ಪಟ್ಟಿಗೆ ಸೇರಿದವರಾಗಿದ್ದಾರೆ 2012ರಲ್ಲಿ ಸ್ಟೂಡೆಂಟ್ ಆಫ್ ದ ಇಯರ್ ಚಿತ್ರದಲ್ಲಿ ನಟಿಸಿದ ವರುಣ್ ಧವನ್. ಕರಣ್ ಜೋಹರ್ ನಿರ್ದೇಶನದ ರೊಮ್ಯಾಂಟಿಕ್ ಸಿನಿಮಾ ಇದಾಗಿತ್ತು. ತಮ್ಮ ಸಿನಿ ಜೀವನವನ್ನು ಈ ಚಿತ್ರದ ಮೂಲಕ ಆರಂಭಿಸಿದ ವರುಣ್ ನಂತರ ಹಿಟ್ ಚಿತ್ರಗಳ ಯಶಸ್ಸಿನ ಕಥೆಯನ್ನೇ ಬರೆದರು. ಮೇ ತೇರಾ ಹೀರೊ, ಹಂಪ್ಟಿ ಶರ್ಮಾ ಕೀ ದುಲ್ಹನಿಯಾ, ಬದ್ಲಾಪುರ್, ಎಬಿಸಿಡಿ 2, ದಿಲ್‌‎ವಾಲೇ ಹೀಗೆ ಸಾಲು ಸಾಲು ಚಿತ್ರಗಳಲ್ಲಿ ಅವರು ಅಭಿನಯಿಸಿದ್ದಾರೆ.

ಇನ್ನು ಫ್ಯಾಷನ್ ವಿಷಯದಲ್ಲೂ ಮುಂದಿರುವ ಧವನ್ ಮೋಹಕವಾಗಿ ಸಿದ್ಧರಾಗಿ‎ ಕಾರ್ಯಕ್ರಮಕ್ಕೆ ಹಾಜರಾಗುತ್ತಾರೆ. ಇತ್ತೀಚೆಗೆ ಬಿಡುಗಡೆಯಾಗಿರುವ ಜೇಮ್ಸ್ ಬಾಂಡ್ ಚಿತ್ರ ಫ್ಲಿಕ್ ಸ್ಪೆಕ್ಟ್ರೆಯ ವಿಶೇಷ ಸ್ಕ್ರೀನಿಂಗ್‌‎ಗಾಗಿ ವರುಣ್ ಆಗಮಿಸಿದ್ದರು. ಸ್ಮೋಕ್ ಗ್ರೇ ಸ್ವೆಟ್ ಶರ್ಟ್ ಅನ್ನು ಧರಿಸಿ ಗಾಢವಾದ ನೀಲಿ ಡೆನಿಮ್ ಶಾರ್ಟ್ಸ್‌‎ಗಳನ್ನು ಇವರು ಧರಿಸಿದ್ದರು. ನಿಜಕ್ಕೂ ವರುಣ್ ಅವರ ಕ್ಯಾಶುವಲ್ ಲುಕ್ ನಮಗೆ ಇಷ್ಟವಾಗಿದೆ.

ಶಾರುಖ್ ಖಾನ್, ಕಾಜಲ್ ಮತ್ತು ಕೃತಿ ಸೇನಾನಿ ತಾರಾಗಣದ ತಮ್ಮ ಮುಂದಿನ ಚಿತ್ರ ದಿಲ್‌‎ವಾಲೆಯ ಬಿಡುಗಡೆಯ ಸಂಭ್ರಮದಲ್ಲಿ ವರುಣ್ ಧವರಿದ್ದಾರೆ. ರೋಹಿತ್ ಶೆಟ್ಟಿ ನಿರ್ದೇಶಿಸಿರುವ ಈ ಚಿತ್ರ ಡಿಸೆಂಬರ್ 18 ರಂದು ಚಿತ್ರಮಂದಿರಗಳಿಗೆ ಅಡಿ ಇಡಲಿದೆ. ಬೋಲ್ಡ್ ಸ್ಕೈ ಈ ವಿಶೇಷ ಸಂದರ್ಭದಲ್ಲಿ ತಾರಾ ಪ್ರತಿಭೆಗೆ ಶುಭಕೋರುತ್ತಿದೆ.
Read in english - Celeb Sighting: Varun Dhawan At Lighbox, Mumbai