ಮುಖದ ಸೌಂದರ್ಯ ಹೆಚ್ಚಿಸಲು 7 ಬಗೆಯ ಓಟ್ಸ್ ಫೇಸ್ ಪ್ಯಾಕ್!

ಜೇನು, ಹಾಲು ಮತ್ತು ಓಟ್ಸ್ ರವೆಯ ಮುಖಲೇಪ

ಸಾಮಾಗ್ರಿಗಳು: ಓಟ್ಸ್ ರವೆ, ಜೇನು, ಹಾಲು ಮತ್ತು ಮೊಸರು

ವಿಧಾನ: ಈ ಮುಖಲೇಪ ಎಲ್ಲಾ ಬಗೆಯ ತ್ವಚೆಯವರಿಗೂ ಸೂಕ್ತವಾಗಿದೆ.ಒಣಚರ್ಮದವರು ಹಾಲನ್ನು ತಪ್ಪದೇ ಸೇರಿಸಬಹುದು ಆದರೆ ಎಣ್ಣೆತ್ವಚೆಯವರು ಇದನ್ನು ಆಯ್ಕೆಯಾಗಿಸಿಕೊಳ್ಳಬಹುದು. ನಾಲ್ಕು ದೊಡ್ಡ ಚಮಚ ತಾಜಾ ಮೊಸರು ಮತ್ತು ಹಾಲನ್ನು ಎರಡು ದೊಡ್ಡ ಚಮಚ ನುಣ್ಣಗಾಗಿ ಪುಡಿಯಾಗಿಸಿದ ಓಟ್ಸ್ ವರೆಯೊಂದಿಗೆ ಬೆರೆಸಿ ಇದಕ್ಕೆ ಎರಡು ದೊಡ್ಡ ಚಮಚ ಜೇನು ಬೆರೆಸಿ ಚೆನ್ನಾಗಿ ಮಿಶ್ರಣ ಮಾಡಿ. ಅಷ್ಟೇ, ಮುಖಲೇಪ ಸಿದ್ಧ! ಈ ಲೇಪವನ್ನು ಈಗತಾನೇ ತೊಳೆದುಕೊಂಡ ಮುಖಕ್ಕೆ ದಪ್ಪನಾಗಿ ಹಚ್ಚಿ ಸುಮಾರು ಹದಿನೈದರಿಂದ ಇಪ್ಪತ್ತು ನಿಮಿಷ ಬಿಡಿ. ಬಳಿಕ ಉಗುರು ಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ. ಹಾಲು ಮತ್ತು ಜೇನು ತ್ವಚೆಗೆ ಅಗತ್ಯವಿದ್ದ ಆರ್ದ್ರತೆಯನ್ನು ಒದಗಿಸಿದರೆ ಮೊಸರು ಒಂದು ನೈಸರ್ಗಿಕ ಬಿಳಿಚುಕಾರಕವಾಗಿರುವ ಕಾರಣ ಚರ್ಮವನ್ನು ತಂಪಗಾಗಿಸಿ ಸಹಜವರ್ಣ ಪಡೆಯಲು ನೆರವಾಗುತ್ತದೆ.

ಲಿಂಬೆ, ಹಾಲು ಮತ್ತು ಓಟ್ಸ್ ರವೆಯ ಮುಖಲೇಪ

ಸಾಮಾಗ್ರಿಗಳು: ಹಸಿ ಹಾಲು, ಓಟ್ಸ್ ರವೆ ಮತ್ತು ಲಿಂಬೆರಸ

ವಿಧಾನ: ಎರಡು ದೊಡ್ಡ ಚಮಚ ಓಟ್ಸ್ ರವೆಯನ್ನು ಕೊಂಚ ನೀರಿನಲ್ಲಿ ಬೆರೆಸಿ ಬಿಸಿಮಾಡಿ. ನೀರು ಕುದಿಯಲು ಪ್ರಾರಂಭವಾದೊಡನೆ ಉರಿ ಆರಿಸಿ ಹಾಗೇ ತಣಿಯಲು ಬಿಡಿ. ತಣಿದ ಬಳಿಕ ಇದಕ್ಕೆ ಎರಡು ದೊಡ್ಡ ಚಮಚ ಹಸಿ ಹಾಲು ಮತ್ತು ನಾಲ್ಕು ದೊಡ್ಡ ಚಮಚ ಲಿಂಬೆರಸ ಬೆರೆಸಿ ಚೆನ್ನಾಗಿ ಮಿಶ್ರಣ ಮಾಡಿ. ಈ ಲೇಪವನ್ನು ಈಗತಾನೇ ತೊಳೆದ ಮುಖದ ಮೇಲೆ ದಪ್ಪನಾಗಿ ಹಚ್ಚಿಕೊಂಡು ಸುಮಾರು ಇಪ್ಪತ್ತರಿಂದ ಇಪ್ಪತ್ತೈದು ನಿಮಿಷ ಹಾಗೇ ಬಿಡಿ. ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ.

ಬಾದಾಮಿ, ಓಟ್ಸ್ ರವೆಯ ಮುಖಲೇಪ

ಸಾಮಾಗ್ರಿಗಳು: ಓಟ್ಸ್ ರವೆ, ಬಾದಾಮಿ, ಜೇನು ಮತ್ತು ಹಾಲು ಅಥವಾ ಮೊಸರು. ವಿಧಾನ: ಮಿಕ್ಸಿಯ ಚಿಕ್ಕ ಜಾರ್ ನಲ್ಲಿ ಬಾದಾಮಿಯನ್ನು ಚಿಕ್ಕದಾಗಿ ಪುಡಿ ಮಾಡಿ, ಇದಕ್ಕೆ ರವೆ ಸೇರಿಸಿ ಮತ್ತೊಮ್ಮೆ ಪುಡಿಮಾಡಿ. ಈ ಮಿಶ್ರಣಕ್ಕೆ ನಿಮ್ಮ ಆದ್ಯತೆಯ ಪ್ರಕಾರ ಮೊಸರು ಮತ್ತು ಜೇನನ್ನು ಬೆರೆಸಿ ಮುಖಕ್ಕೆ ಹಚ್ಚಿಕೊಳ್ಳಿ. ಸುಮಾರು ಹದಿನೈದು ನಿಮಿಷ ಅಥವಾ ಒಣಗಿ ಪಕಳೆಯೇಳುವವರೆಗೂ ಹಾಗೇ ಬಿಟ್ಟು ಬಳಿಕ ಕೊಂಚ ನೀರಿನೊಂದಿಗೆ ವೃತ್ತಾಕಾರದಲ್ಲಿ ಮಸಾಜ್ ಮಾಡುತ್ತಾ ತೊಳೆದುಕೊಳ್ಳಿ

ಓಟ್ಸ್ ರವೆ ಮತ್ತು ಪಪ್ಪಾಯ ಹಣ್ಣಿನ ಮುಖಲೇಪನ

ಸಾಮಾಗ್ರಿಗಳು: ಪಪ್ಪಾಯ ಹಣ್ಣು, ಓಟ್ಸ್ ರವೆ ಮತ್ತು ಬಾದಾಮಿ ಎಣ್ಣೆ.

*ಮೊದಲು ಪಪ್ಪಾಯ ಹಣ್ಣಿನ ತಿರುಳನ್ನು ಸಂಗ್ರಹಿಸಿ. ಓಟ್ಸ್ ರವೆಯನ್ನು ನುಣ್ಣಗೆ ಪುಡಿಮಾಡಿ ಇದನ್ನು ಪೊಪಾಯಿ ತಿರುಳಿನೊಂದಿಗೆ ಚೆನ್ನಾಗಿ ಮಿಶ್ರಣ ಮಾಡಿ. ಇದಕ್ಕೆ ಒಂದು ಚಿಕ್ಕ ಚಮಚ ಬಾದಾಮಿ ಎಣ್ಣೆ ಬೆರೆಸಿ. ಒಂದು ವೇಳೆ ನಿಮಗೆ ಬಾದಾಮಿ ಎಣ್ಣೆ ಇಷ್ಟವಿಲ್ಲದಿದ್ದರೆ ಅಥವಾ ಲಭ್ಯವಿಲ್ಲದಿದ್ದರೆ ನಿಮ್ಮ ಇಷ್ಟದ ಬೇರಾವುದೇ ಅವಶ್ಯಕ ತೈಲವನ್ನು ಬೆರೆಸಬಹುದು. ಈ ಮುಖಲೇಪದಿಂದ ಮುಖದ ತ್ವಚೆಯನ್ನು ನಯವಾಗಿ ಉಜ್ಜಿಕೊಳ್ಳುತ್ತಾ ಹಾಗೂ ನಯವಾಗಿ ಮಸಾಜ್ ಮಾಡಿಕೊಳ್ಳುತ್ತಾ ಲೇಪವನ್ನು ಮುಖಕ್ಕೆ ಹಚ್ಚಿಕೊಳ್ಳಿ. ಸುಮಾರು ಎರಡು ನಿಮಿಷಗಳವರೆಗೆ ಹೀಗೇ ಮಸಾಜ್ ಮಾಡಿ. ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ.

ಓಟ್ ಮೀಲ್, ಅಡುಗೆ ಸೋಡ ಮತ್ತು ನೀರು

*1 ಟೇಬಲ್ ಚಮಚ ಬೇಯಿಸಿದ ಓಟ್‌ಮೀಲ್ 1/2 ಟೀ ಚಮಚ ಬೇಕಿಂಗ್ ಸೋಡ ಮತ್ತು 3 ಟೀ ಚಮಚ ನೀರನ್ನು ಸೇರಿಸಿ.

*ಮಿಶ್ರಣವನ್ನು ಮುಖಕ್ಕೆ ಅನ್ವಯಿಸಿ 10 ನಿಮಿಷಗಳ ಕಾಲ ಆರಲು ಬಿಡಿ. ನಂತರ ತಿಳಿಯಾದ ಸ್ಕಿನ್ ಟೋನರ್ ಮತ್ತು ಬೆಚ್ಚಗಿನ ನೀರಿನಿಂದ ತೊಳೆಯಿರಿ. *ವಾರಕ್ಕೊಮ್ಮೆ ಇದನ್ನು ಅನ್ವಯಿಸು ವುದರಿಂದ ಮುಖದ ಮೇಲಿರುವ ಕಪ್ಪು ಕಲೆಯನ್ನು ತೆಗೆಯ ಬಹುದು.

ಓಟ್ ಮೀಲ್ ಮತ್ತು ಮೊಸರು

*1 ಟೀ ಚಮಚ ಬೇಯಿಸಿದ ಓಟ್ ಮೀಲ್‌ಗೆ, 2 ಟೀ ಚಮಚ ಮೊಸರನ್ನು ಸೇರಿಸಿ. *ಮಿಶ್ರಣವನ್ನು ಮುಖಕ್ಕೆ ಅನ್ವಯಿಸಿ 10 ನಿಮಿಷಗಳ ಕಾಲ ಆರಲು ಬಿಡಿ. *ನಂತರ ಬೆಚ್ಚಗಿನ ನೀರಿನಿಂದ ತೊಳೆಯಿರಿ. *ವಾರಕ್ಕೊಮ್ಮೆ ಇದನ್ನು ಅನ್ವಯಿಸುವುದುರಿಂದ ಚರ್ಮವು ಮೃದು ಹಾಗೂ ಕೋಮಲತೆಯನ್ನು ಪಡೆದುಕೊಳ್ಳುತ್ತದೆ.

ಓಟ್ ಮೀಲ್ ಮತ್ತು ಬಾದಾಮಿ ಎಣ್ಣೆ

*1 ಟೀ ಚಮಚ ಬೇಯಿಸಿದ ಓಟ್‌ಮೀಲ್ 1 ಟೇಬಲ್ ಚಮಚ ಬಾದಾಮಿ ಎಣ್ಣೆಯನ್ನು ಸೇರಿಸಿ.

*ಈ ಮಿಶ್ರಣವನ್ನು ಮುಖಕ್ಕೆ ಅನ್ವಯಿಸಿ ಸ್ವಲ್ಪ ಸಮಯಗಳ ಕಾಲ ಆರಲು ಬಿಡಿ. *ನಂತರ ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಬಳಿಕ ಮಾಯಿಶ್ಚರೈಸರ್ ಕ್ರೀಮ್ಅನ್ನು ಅನ್ವಯಿಸಿ.

*ವಾರಕ್ಕೆ ಎರಡು ಬಾರಿ ಇದನ್ನು ಅನ್ವಯಿಸುವುದುರಿಂದ ಚರ್ಮವು ಹೊಳಪು ಹಾಗೂ ಕಾಂತಿಯಿಂದ ಕೂಡಿರುತ್ತದೆ.