ಬ್ಯೂಟಿ ಟಿಪ್ಸ್: ಬೆಲ್ಲ ಬಳಸಿ ಸೌಂದರ್ಯ ಹೆಚ್ಚಿಸಿ!

ಕಾಂತಿಯು ಚರ್ಮಕ್ಕೆ

ಬೆಲ್ಲದಲ್ಲಿ ಗ್ಲೈಕೊಲಿಕ್ ಆಮ್ಲವಿದ್ದು, ಇದು ಚರ್ಮದ ಕಾಂತಿ ವೃದ್ಧಿಸುವಲ್ಲಿ ಪ್ರಮುಖ ಪಾತ್ರ ವಹಿಸುವುದು.

ಬೇಕಾಗುವ ಸಾಮಗ್ರಿಗಳು

2 ಚಮಚ ಬೆಲ್ಲದ ಹುಡಿ

2 ಚಮಚ ಜೇನುತುಪ್ಪ

ಕೆಲವು ಹನಿ ಲಿಂಬೆ

ಬಳಸುವ ವಿಧಾನ

ಬೆಲ್ಲವನ್ನು ಹುಡಿ ಮಾಡಿಕೊಳ್ಳಿ ಮತ್ತು ಇದಕ್ಕೆ ಜೇನುತುಪ್ಪ ಹಾಗೂ ಕೆಲವು ಹನಿ ಲಿಂಬೆ ರಸ ಹಾಕಿ. ಇದೆಲ್ಲವನ್ನು ಸರಿಯಾಗಿ ಮಿಶ್ರಣ ಮಾಡಿ ಮತ್ತು ಪೇಸ್ಟ್ ನ್ನು ಶುಚಿಗೊಳಿಸಿರುವ ಮುಖ ಹಾಗೂ ಕುತ್ತಿಗೆಗೆ ಹಚ್ಚಿಕೊಳ್ಳಿ. 5-10 ನಿಮಿಷ ಕಾಲ ಹಾಗೆ ಬಿಡಿ ಮತ್ತು ಸಾಮಾನ್ಯ ನೀರಿನಿಂದ ತೊಳೆಯಿರಿ.

ಮೊಡವೆ ಹಾಗೂ ಬೊಕ್ಕೆಗಳಿಗೆ

ಬೆಲ್ಲವು ಮೊಡವೆ ಹಾಗೂ ಬೊಕ್ಕೆಗಳಿಂದ ಆಗಿರುವ ಕಲೆಗಳ ನಿವಾರಣೆ ಮಾಡುವುದು.

ಬೇಕಾಗುವ ಸಾಮಗ್ರಿಗಳು

ಬೆಲ್ಲ

ಲಿಂಬೆರಸ

ಬಳಸುವ ವಿಧಾನ

ಒಂದು ಚಮಚ ಬೆಲ್ಲದ ಹುಡಿ ಮತ್ತು ಕೆಲವು ಹನಿ ಲಿಂಬೆರಸ ಬೆರೆಸಿಕೊಳ್ಳಿ. ಲಿಂಬೆರಸದ ಬದಲು ಸ್ವಲ್ಪ ನೀರು ಹಾಕಿಕೊಳ್ಳಬಹುದು. ಇದನ್ನು ಬಾಧಿತ ಜಾಗಕ್ಕೆ ಹಚ್ಚಿಕೊಂಡು ಕೆಲವು ನಿಮಿಷ ಕಾಲ ಹಾಗೆ ಬಿಡಿ. ಪ್ರತಿನಿತ್ಯ ಇದನ್ನು ಬಳಸಿಕೊಂಡರೆ ವೇಗದ ಫಲಿತಾಂಶ ಪಡೆಯಬಹುದು.

ನೆರಿಗೆ ನಿವಾರಣೆ ಮಾಡಲು

ಗ್ಲೈಕೊಸಿಲ್ ಆಮ್ಲವು ಚರ್ಮದ ಸ್ಥಿತಿಸ್ಥಾಪಕತ್ವ ಸುಧಾರಿಸಲು ನೆರವಾಗುವುದು ಮತ್ತು ಮುಖದ ಮೇಲಿನ ನೆರಿಗೆ ಹಾಗೂ ಗೆರೆ ನಿವಾರಿಸುವುದು.

ಬೇಕಾಗುವ ಸಾಮಗ್ರಿಗಳು

1 ಚಮಚ ಬೆಲ್ಲದ ಹುಡಿ

1 ಚಮಚ ಕಪ್ಪು ಚಹಾ

1 ಚಮಚ ದ್ರಾಕ್ಷಿ ರಸ

ಚಿಟಿಕೆ ಅರಿಶಿನ

ಕೆಲವು ಹನಿ ರೋಸ್ ವಾಟರ್

ಬಳಸುವ ವಿಧಾನ

ಸ್ವಲ್ಪ ಕಪ್ಪು ಚಹಾ ಮಾಡಿಕೊಂಡು ತಣ್ಣಗಾಗಲು ಬಿಡಿ. ಒಂದು ಪಿಂಗಾಣಿಗೆ ಸ್ವಲ್ಪ ಬೆಲ್ಲದ ಹುಡಿ, ದ್ರಾಕ್ಷಿರಸ, ಕಪ್ಪು ಚಹಾ, ಚಿಟಿಕೆ ಅರಶಿನ ಮತ್ತು ಕೆಲವು ಹನಿ ರೋಸ್ ವಾಟರ್ ಹಾಕಿ. ಎಲ್ಲವನ್ನು ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ ಮತ್ತು ಗಡ್ಡೆ ನಿರ್ಮಾಣವಾಗದಂತೆ ಎಚ್ಚರ ವಹಿಸಿ. ಮುಖದ ಮೇಲೆ ಈ ಮಿಶ್ರಣ ಹಚ್ಚಿಕೊಂಡು 20 ನಿಮಿಷ ಹಾಗೆ ಬಿಡಿ. ಸಾಮಾನ್ಯ ನೀರಿನಿಂದ ತೊಳೆಯಿರಿ.

ಕಲೆಗಳು ಮತ್ತು ವರ್ಣದ್ರವ್ಯ ಕುಂದುವುದನ್ನು ನಿವಾರಿಸುವುದು

ಕಲೆಗಳು, ಮುಖದ ವರ್ಣ ಕಳೆಗುಂದುವುದರಿಂದ ನಿಮಗೆ ಚಿಂತೆಯಾಗಿದೆಯಾ? ಹಾಗಾದರೆ ಈ ಪ್ಯಾಕ್ ಬಳಸಿಕೊಂಡರೆ ಎಲ್ಲವೂ ನಿವಾರಣೆಯಾಗುವುದು.

ಬೇಕಾಗುವ ಸಾಮಗ್ರಿಗಳು

1 ಚಮಚ ಬೆಲ್ಲದ ಹುಡಿ

1 ಚಮಚ ಟೊಮೆಟೊ ರಸ

ಕೆಲವು ಹನಿ ಲಿಂಬೆರಸ

ಚಿಟಿಕೆ ಅರಿಶಿನ

ಬಳಸುವುದು ಹೇಗೆ

ಪಿಂಗಾಣಿ ಸ್ವಲ್ಪಗೊಳಿಸಿ ಅದಕ್ಕೆ ಬೆಲ್ಲದ ಹುಡಿ ಹಾಕಿ. ಟೊಮೆಟೊ ರಸ ಮತ್ತು ಕೆಲವು ಹನಿ ಲಿಂಬೆರಸ ಹಾಕಿ. ಅದಕ್ಕೆ ಚಿಟಿಕೆ ಅರಿಶಿನ ಹಾಕಿ ಮತ್ತು ಎಲ್ಲವನ್ನು ಸರಿಯಾಗಿ ಮಿಶ್ರಣ ಮಾಡಿ. ಇದನ್ನು ಮುಖಕ್ಕೆ ಹಚ್ಚಿಕೊಂಡು 15 ನಿಮಿಷ ಕಾಲ ಹಾಗೆ ಬಿಡಿ. ಇದರ ಬಳಿಕ ಸಾಮಾನ್ಯ ನೀರಿನಿಂದ ತೊಳೆಯಿರಿ.

ರೇಷ್ಮೆಯಂತಹ ಕೂದಲಿಗೆ

ಬೆಲ್ಲದಲ್ಲಿ ಇರುವಂತಹ ವಿಟಮಿನ್ ಸಿ ಕೂದಲನ್ನು ಬಲಿಷ್ಠ, ಮೃಧು ಮತ್ತು ರೇಷ್ಮೆಯಂತೆ ಮಾಡುವುದು.

ಬೇಕಾಗುವ ಸಾಮಗ್ರಿಗಳು

2 ಚಮಚ ಬೆಲ್ಲದ ಹುಡಿ

1 ಚಮಚ ಮುಲ್ತಾನಿ ಮಿಟ್ಟಿ

1-2 ಚಮಚ ಮೊಸರು

ತಯಾರಿಸುವುದು ಹೇಗೆ

ಬೆಲ್ಲದ ಹುಡಿ, ಮುಲ್ತಾನಿ ಮಿಟ್ಟಿ ಮತ್ತು ತಾಜಾ ಮೊಸರನ್ನು ಸರಿಯಾಗಿ ಮಿಶ್ರಣ ಮಾಡಿ. ಈ ಪೇಸ್ಟ್ ನ್ನು ತಲೆಬುರುಡೆ ಮತ್ತು ಕೂದಲಿಗೆ ಹಚ್ಚಿಕೊಂಡು ವೃತ್ತಾಕಾರದಲ್ಲಿ ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ. 15 ನಿಮಿಷ ಕಾಲ ಹಾಗೆ ಬಿಟ್ಟು ಬಳಿಕ ಸಾಮಾನ್ಯ ನೀರಿನಿಂದ ತೊಳೆಯಿರಿ. ಉತ್ತಮ ಫಲಿತಾಂಶಕ್ಕಾಗಿ ವಾರದಲ್ಲಿ ಒಂದು ಸಲ ಇದನ್ನು ಬಳಸಿ.