ಬ್ಯೂಟಿ ಟಿಪ್ಸ್: ಮೈಕಾಂತಿ ಹೆಚ್ಚಿಸುವ ಹಳ್ಳಿಗಾಡಿನ 'ತೆಂಗಿನೆಣ್ಣೆ'

ಮೊಡವೆ

ಮಹಿಳೆಯರಂತೆ ಪುರುಷರಿಗೂ ಮೊಡವೆ ಎನ್ನುವುದು ದೊಡ್ಡ ಸಮಸ್ಯೆಯಾಗಿ ಕಾಣಿಸಿಕೊಳ್ಳುವುದು. ಮೊಡವೆಗಳು ನೋವು ಉಂಟು ಮಾಡುವುದು ಮಾತ್ರವಲ್ಲದೆ ಕೆಲವೊಂದು ಸಲ ಕನ್ನಡಿ ಮುಂದೆ ನಿಲ್ಲಲು ಹಿಂಜರಿಯುವಂತೆ ಮಾಡುವುದು. ತೆಂಗಿನೆಣ್ಣೆ ಬಳಸುವುದರಿಂದ ಪರಿಹಾರ ಸಿಗಬಹುದು. ಮೊದಲ ಮುಖ ತೊಳೆದು ಎಲ್ಲಾ ರೀತಿಯ ಕಲ್ಮಶಗಳನ್ನು ತೆಗೆದುಹಾಕಬೇಕು.

ಮೊಡವೆ

ಇದರ ಬಳಿಕ ಬಿಸಿ ನೀರಿನ ಆವಿಯನ್ನು ಮುಖಕ್ಕೆ ಕೊಟ್ಟ ನಂತರ. ಒಂದು ಚಮಚ ತೆಂಗಿನೆಣ್ಣೆಯಿಂದ ಮುಖಕ್ಕೆ ಮಸಾಜ್ ಮಾಡಿಕೊಳ್ಳಬೇಕು. ಬಿಸಿ ಟವೆಲ್ ಅನ್ನು ಒತ್ತಿಹಿಡಿದು ಹೆಚ್ಚುವರಿ ಎಣ್ಣೆಯಂಶ ತೆಗೆದುಹಾಕಬೇಕು. ಕೆಲವೇ ದಿನಗಳಲ್ಲಿ ಮುಖದ ಮೇಲಿನ ಮೊಡವೆಗಳು ಹಾಗೆ ಮಾಯವಾಗುವುದನ್ನು ಕಾಣಬಹುದು.

ನೆರಿಗೆ

ಮೂವತ್ತರ ಹರೆಯದಲ್ಲಿ ಕಣ್ಣಿನ ಕೆಳಗಡೆ ನೆರಿಗೆ ಬೀಳುವುದು ತುಂಬಾ ಭೀತಿ ಉಂಟು ಮಾಡುವುದು. ನೆರಿಗೆಯ ಭೀತಿ ಇರುವ ಮಹಿಳೆಯರು ಹಾಗೂ ಪುರುಷರು ತೆಂಗಿನೆಣ್ಣೆ ಬಳಸಿಕೊಂಡರೆ ತುಂಬಾ ಪರಿಣಾಮಕಾರಿ. ನೈಸರ್ಗಿಕದತ್ತವಾದ ತೆಂಗಿನೆಣ್ಣೆ ಬಳಸುವುದರಿಂದ ತ್ವಚೆಯಲ್ಲಿ ಮೂಡಿರುವ ನೆರಿಗೆಗಳನ್ನು ನಿವಾರಣೆ ಮಾಡಲು ತುಂಬಾ ಧನಾತ್ಮಕ ಫಲಿತಾಂಶ ನೀಡಲಿದೆ. ಮುಖವನ್ನು ಮೊದಲು ಸ್ವಚ್ಛ ಮಾಡಿಕೊಳ್ಳಬೇಕು ಮತ್ತು ಇದರ ಬಳಿಕ ತೆಂಗಿನೆಣ್ಣೆಯನ್ನು ನೆರಿಗೆ ಇರುವ ಜಾಗಕ್ಕೆ ಹಚ್ಚಿಕೊಳ್ಳಬೇಕು. ರಾತ್ರಿ ವೇಳೆ ಹೀಗೆ ಹಚ್ಚಿಕೊಂಡು ಬೆಳಿಗ್ಗೆ ಇದನ್ನು ಒರೆಸಿಕೊಂಡರೆ ಕೆಲವೇ ವಾರಗಳಲ್ಲಿ ಇದರ ಫಲಿತಾಂಶ ಪಡೆಯಬಹುದು. ಇದು ವಯಸ್ಸಾಗುವ ವೇಳೆ ಮೂಡುವ ನೆರಿಗೆ ಮತ್ತು ಕಲೆಗಳನ್ನು ನಿವಾರಣೆ ಮಾಡುವುದು.

ಮಾಯಿಶ್ಚರೈಸರ್

ತ್ವಚೆಯ ಆರೈಕೆಗೆ ತೆಂಗಿನೆಣ್ಣೆಯನ್ನು ಒಳ್ಳೆಯ ಮಾಯಿಶ್ಚರೈಸರ್ ಆಗಿ ಬಳಸಿಕೊಳ್ಳಬೇಕು. ತೆಂಗಿನೆಣ್ಣೆ ಬಳಸಿದರೆ ಅದು ನೈಸರ್ಗಿಕ ಮಾಯಿಶ್ಚರೈಸರ್ ಆಗಿ ಕೆಲಸ ಮಾಡುವುದು. ತೆಂಗಿನೆಣ್ಣೆ ಬಳಸಿಕೊಂಡು ಮುಖ ಹಾಗೂ ದೇಹಕ್ಕೆ ಸರಿಯಾಗಿ ಮಸಾಜ್ ಮಾಡಿಕೊಳ್ಳಬೇಕು. ರಾತ್ರಿಯಿಡಿ ಹಾಗೆ ಇರಲಿ ಬೆಳಿಗ್ಗೆ ಬಿಸಿ ನೀರಿನಲ್ಲಿ ಅದ್ದಿರುವ ಟವೆಲ್ ನಿಂದ ದೇಹವನ್ನು ಒರೆಸಿಕೊಳ್ಳಿ.

ಮಾಯಿಶ್ಚರೈಸರ್

ತ್ವಚೆಗೆ ಒಳ್ಳೆಯ ಫಲಿತಾಂಶ ಪಡೆಯಬೇಕಾದರೆ ಒಂದು ವಾರ ಕಾಲ ಇದನ್ನು ಬಳಸಿ. ಚಳಿಗಾಲದಲ್ಲಿ ಚರ್ಮವು ಒಣಗುವುದರಿಂದ ಇದನ್ನು ಬಳಸಿದರೆ ತುಂಬಾ ಉಪಯುಕ್ತವಾಗಲಿದೆ. ತೆಂಗಿನೆಣ್ಣೆಯ ಕೆಲವೊಂದು ಪರಿಣಾಮಕಾರಿ ಉಪಯೋಗಗಳ ಬಗ್ಗೆ ತಿಳಿಸಿದ್ದೇವೆ. ಇದನ್ನು ಬಳಸಿ ತ್ವಚೆಯ ಆರೈಕೆ ಮಾಡಿಕೊಳ್ಳಿ.