ಹಾಲಿನಂತಹ ಬಿಳುಪುಳ್ಳ ತ್ವಚೆ ನಿಮ್ಮದಾಗಬೇಕೆ?

ಸೂಕ್ಷ್ಮ ರಂಧ್ರಗಳ ಸ್ವಚ್ಛತೆಗಾಗಿ

ನಮ್ಮ ಚರ್ಮದಲ್ಲಿರುವ ಸೂಕ್ಷ್ಮರಂಧ್ರಗಳಲ್ಲಿ ಕುಳಿತಿರುವ ಕೊಳೆಯನ್ನು ನಿವಾರಿಸುವುದು ಅಷ್ಟು ಸುಲಭವಲ್ಲ. ಬರೆಯ ನೀರು ಈ ರಂಧ್ರಗಳ ಒಳಗೆ ತೂರುವುದಿಲ್ಲ. ಮಾರುಕಟ್ಟೆಯ ಪ್ರಸಾದನಗಳು ಸೂಕ್ಷ್ಮ ಚರ್ಮದವರಿಗೆ ಉರಿಯುಂಟು ಮಾಡಬಹುದು. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಸೂಕ್ಷ್ಮ ರಂಧ್ರಗಳ ಸ್ವಚ್ಛತೆಗಾಗಿ

ಆದರೆ ತಣ್ಣನೆಯ ಹಾಲು ಎಲ್ಲಾ ಬಗೆಯ ಚರ್ಮದವರಿಗೆ ಸೂಕ್ತವಾಗಿದ್ದು ಸೂಕ್ಷ್ಮರಂಧ್ರಗಳ ಒಳಗಿರುವ ಕಲ್ಮಶವನ್ನು ನಿವಾರಿಸಲು ಶಕ್ತವಾಗಿದೆ. ಈಗತಾನೇ ತೊಳೆದ ಮುಖವನ್ನು ಕೊಂಚ ಹಸಿಹಾಲಿನಲ್ಲಿ ಮುಳುಗಿಸಿದ ಹತ್ತಿಯುಂಡೆಯಿಂದ ಒರೆಸಿಕೊಳ್ಳಿ. ಇಡಿಯ ಮುಖ ಸ್ವಚ್ಛಗೊಳಿಸಲು ಅರ್ಧ ಕಪ್ ಹಾಲು ಸಾಕು.

ಸತ್ತ ಜೀವಕೋಶಗಳನ್ನು ನಿವಾರಿಸಲು

ಸ್ನಾನದ ಬಳಿಕ ಕೆರೆದುಕೊಂಡರೆ ತೆಳುವಾದ ಪುಡಿಯಂತಹದ್ದು ಹೊರಬರುತ್ತದೆ. ಇದು ಚರ್ಮದ ಸತ್ತ ಜೀವಕೋಶಗಳಾಗಿವೆ. ಒಣಗಿದ ಬಳಿಕ ಇದು ಅತಿ ಸೂಕ್ಷ್ಮವಾದ ಪುಡಿಯ ರೂಪದಲ್ಲಿ ಉದುರಿ ಹೋಗಬೇಕು. ಆದರೆ ಬೆವರು ಮತ್ತು ಚರ್ಮದ ಎಣ್ಣೆಯ ಕಾರಣ ಇದು ಅಂಟಿಕೊಂಡೇ ಇರುತ್ತದೆ.

ಸತ್ತ ಜೀವಕೋಶಗಳನ್ನು ನಿವಾರಿಸಲು

ಇದನ್ನು ನಿವಾರಿಸಲು ಹಸಿಹಾಲಿನಲ್ಲಿ ಹತ್ತಿಯುಂಡೆಯನ್ನು ಮುಳುಗಿಸಿ ಒರೆಸಿಕೊಳ್ಳಿ. ಅಲ್ಲದೇ ಹಾಲಿನಲ್ಲಿರುವ ಲ್ಯಾಕ್ಟಿಕ್ ಆಮ್ಲಕ್ಕೆ ಚರ್ಮದ ಸೆಳೆತವನ್ನು ಹೆಚ್ಚಿಸುವ ಗುಣವಿರುವುದರಿಂದ ನೆರಿಗೆಗಳು ಮೂಡುವ ಪ್ರಕ್ರಿಯೆ ನಿಧಾನವಾಗಿ ಮುಪ್ಪನ್ನು ಮುಂದೂಡಿದಂತಾಗುತ್ತದೆ.

ಚರ್ಮದ ಮೃದುತ್ವಕ್ಕೆ

ಸ್ನಾನದ ಬಳಿಕ ಮುಖ, ಕುತ್ತಿಗೆ ಭುಜಗಳನ್ನು ಹಸಿಹಾಲಿನಿಂದ ನಯವಾಗಿ ಮಸಾಜ್ ಮಾಡುವ ಮೂಲಕ ಚರ್ಮ ಅತ್ಯಂತ ಕೋಮಲವಾಗಿ ಮೃದುತ್ವದ ಅನುಭವ ನೀಡುತ್ತದೆ.

ಮುಖಲೇಪವನ್ನಾಗಿ ಬಳಸಲು

ಹಾಲು ಮುಖದ ಮೇಲೆ ಲೇಪನವಾಗಿ ನಿಲ್ಲದ ಕಾರಣ ತಣ್ಣಗಿನ ಗಟ್ಟಿಮೊಸರನ್ನು ಮುಖದ ಮೇಲೆ ದಪ್ಪನಾಗಿ ಹಚ್ಚಿ ಹತ್ತು ನಿಮಿಷ ಬಿಟ್ಟು ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ. ಇದರಿಂದ ಮುಖದ ಕಾಂತಿ ಹೆಚ್ಚುತ್ತದೆ.

ಮೊಡವೆ ನಿವಾರಿಸಲು

ಸತ್ತ ಜೀವಕೋಶಗಳನ್ನು ಹಾಲು ನಿವಾರಿಸಿದಂತೆಯೇ ಮೊಡವೆಗಳಿಗೆ ಕಾರಣವಾದ ಕಲ್ಮಶಗಳನ್ನೂ ಹಾಲು ನಿವಾರಿಸುತ್ತದೆ. ಸೂಕ್ಷರಂಧ್ರಗಳ ಒಳಗೆ ಹಾದು ಅಗತ್ಯವಿದ್ದ ನೀರು ಮತ್ತು ಇತರ ಪೋಷಕಾಂಶಗಳನ್ನು ನೀಡುತ್ತದೆ.

ಮೊಡವೆ ನಿವಾರಿಸಲು

ಇದರಿಂದ ಮೊಡವೆಗಳು ಮೂಡುವ ಸಂಭವ ಕಡಿಮೆಯಾಗುತ್ತದೆ. ವಿಶೇಷವಾಗಿ ಹದಿಹರೆಯದವರು ರಾತ್ರಿ ಮಲಗುವ ಮುನ್ನ ಕೊಂಚ ಹಾಲನ್ನು ಮುಖಕ್ಕೆ ಸಿಂಪಡಿಸಿ ಒಣಗಿಸಿ ಮಲಗಿ ಬೆಳಿಗ್ಗೆ ತೊಳೆದುಕೊಳ್ಳುವ ಮೂಲಕ ಮೊಡವೆಗಳಿಂದ ದೂರವಿರಲು ಸಾಧ್ಯ.

ಹಾಲಿನ ಸ್ನಾನಕ್ಕಾಗಿ

ಹಾಲಿನ ಸ್ನಾನ ಎಂದರೆ ನೀರಿನ ಬದಲಿಗೆ ಹಾಲನ್ನೇ ಸುರಿದುಕೊಳ್ಳುವುದೆಂದು ಅರ್ಥವಲ್ಲ. ಬದಲಿಗೆ ಒಂದು ಬಕೆಟ್ ನೀರಿಗೆ ಒಂದು ಕಪ್ ಹಾಲು ಸೇರಿಸಿದರೆ ಸಾಕು. ಈ ನೀರಿನಿಂದ ಸ್ನಾನ ಮಾಡಿಕೊಂಡರೆ ಇಡಿಯ ದಿನ ತಾಜಾತನವನ್ನು ಅನುಭವಿಸಬಹುದು ಹಾಗೂ ತ್ವಚೆಯೂ ಆರೋಗ್ಯಪೂರ್ಣವಾಗಿ ಕಳಕಳಿಸುತ್ತದೆ.

ಪಾದಗಳ ಸ್ವಚ್ಛತೆಗಾಗಿ

ಇಡಿಯ ದಿನದ ಚಟುವಟಿಕೆಯ ಬಳಿಕ ಪಾದಗಳೂ ಹೆಚ್ಚು ದಣಿಯುತ್ತವೆ. ಅಲ್ಲದೇ ಪಾದರಕ್ಷೆಗಳ ಕಾರಣ ಪಾದಗಳು ಹಸ್ತದಷ್ಟು ಗಾಳಿಗೆ ಒಡ್ಡದೇ ಇರುವುದರಿಂದ ಮತ್ತು ಸವೆಯದೇ ಇರುವುದರಿಂದ ಚರ್ಮದ ಮೇಲಿನ ಕೊಳೆ ಗಾಢವಾಗುತ್ತಾ ಹೋಗುತ್ತದೆ.

ಪಾದಗಳ ಸ್ವಚ್ಛತೆಗಾಗಿ

ಇದನ್ನು ನಿವಾರಿಸಲು ಒಂದು ಅಗಲವಾದ ಬಕೆಟ್ ಅಥವಾ ಪಾತ್ರೆಯಲ್ಲಿ ಪಾದ ಮುಳುಗುವಷ್ಟು ನೀವು ತಾಳಿಕೊಳ್ಳುವಷ್ಟು ಬಿಸಿಯಾದ ನೀರನ್ನು ತುಂಬಿ ಅದರಲ್ಲಿ ಒಂದು ಕಪ್ ಹಾಲು ಸೇರಿಸಿ. ಈ ನೀರಿನಲ್ಲಿ ಸುಮಾರು ಇಪ್ಪತ್ತು ನಿಮಿಷ ಪಾದಗಳು ಮುಳುಗಿರುವಂತೆ ಮಾಡುವ ಮೂಲಕ ಪಾದಗಳಿಗೆ ಉತ್ತಮ ಆರೈಕೆ ನೀಡಬಹುದು.