ಇನ್ನು ಹಣ್ಣಿನ ಸಿಪ್ಪೆಯನ್ನು ತ್ಯಾಜ್ಯಕ್ಕೆ ಎಸೆಯಬೇಡಿ..!

ಕಿತ್ತಳೆ ಸಿಪ್ಪೆ

ಕಿತ್ತಳೆ ಸಿಪ್ಪೆಯಲ್ಲಿಯೂ ಉತ್ತಮ ಪ್ರಮಾಣದ ವಿಟಮಿನ್ ಸಿ ಮತ್ತು ಎ ಇವೆ. ಇವು ಚರ್ಮ ಮತ್ತು ಕಣ್ಣಿನ ಆರೋಗ್ಯಕ್ಕೆ ಉತ್ತಮವಾಗಿವೆ. ಚರ್ಮದ ಬಣ್ಣವನ್ನು ನೈಜವರ್ಣಕ್ಕೆ ತರಲು ಮತ್ತು ಸಹಜಕಾಂತಿ ಪಡೆಯಲು ವಿಟಮಿನ್ ಸಿ ಉಪಯುಕ್ತವಾಗಿದೆ. ಇನ್ನೊಂದೆಡೆ ವಿಟಮಿನ್ ಎ ಚರ್ಮಕ್ಕೆ ಸೆಳೆತ ನೀಡುವ ಮೂಲಕ ನೆರಿಗೆಗಳಾಗಂತೆ ತಡೆಯುತ್ತದೆ ಹಾಗೂ ಕಲೆಗಳನ್ನು ನಿವಾರಿಸಲು ನೆರವಾಗುತ್ತದೆ. ಕಲ್ಮಶಗಳನ್ನು ನಿವಾರಿಸಿ ಮೊಡವೆಗಳಾಗದಂತೆ ತಡೆಯುತ್ತದೆ ಹಾಗೂ ಫ್ರೀ ರ್‍ಯಾಡಿಕಲ್ ಕಣಗಳ ಹಾವಳಿಯನ್ನೂ ಎದುರಿಸಿ ಹಾನಿಯಿಂದ ರಕ್ಷಿಸುತ್ತದೆ. ಕಿತ್ತಳೆ ಸಿಪ್ಪೆಯಿಂದ ಹೆಚ್ಚಿಸಿ ಮುಖದ ಬಿಳುಪು

ಬಾಳೆಹಣ್ಣಿನ ಸಿಪ್ಪೆ

ಬಾಳೆಹಣ್ಣಿನ ಸಿಪ್ಪೆಯಲ್ಲಿಯೂ ಆಂಟಿಆಕ್ಸಿಡೆಂಟುಗಳಿದ್ದು ಇದು ಕಲ್ಮಶಗಳನ್ನು ಹೊರದೂಡದೇ ಇರುವ ತೊಂದರೆಯನ್ನು (oxidative stress) ನಿವಾರಿಸುತ್ತದೆ ಮತ್ತು ಸೂರ್ಯನ ಪ್ರಖರ ಮತ್ತು ಹಾನಿಕಾರಕ ಅತಿನೇರಳೆ ಕಿರಣಗಳಿಂದ ರಕ್ಷಿಸುತ್ತದೆ. ಬಾಳೆಹಣ್ಣಿನ ಸಿಪ್ಪೆಯ ಚಮತ್ಕಾರಿಕ ಪ್ರಯೋಜನ ಅರಿಯಿರಿ!

ದಾಳಿಂಬೆ ಸಿಪ್ಪೆ

ದಾಳಿಂಬೆ ಸಿಪ್ಪೆಯಲ್ಲಿಯೂ ಹಲವು ಆಂಟಿ ಆಕ್ಸಿಡೆಂಟುಗಳಿದ್ದು ಚರ್ಮಕ್ಕೆ ಸೆಳೆತ ಮತ್ತು ಪೋಷಣೆಯನ್ನು ನೀಡುತ್ತದೆ. ಇದು ನೆರಿಗೆಗಳು ಮೂಡದಂತೆ ತಡೆಯುತ್ತದೆ. ಅಲ್ಲದೇ ಚರ್ಮ ಸಹಜವರ್ಣ ಪಡೆಯಲು ಸಹಾಯ ಮಾಡುವ ಜೊತೆಗೇ ವೃದ್ದಾಪ್ಯದ ಚಿಹ್ನೆಗಳನ್ನು ಮೂಡದಂತೆ ತಡೆಯುತ್ತದೆ. ತಿಪ್ಪೆಗೆ ಎಸೆಯೋ ದಾಳಿಂಬೆ ಸಿಪ್ಪೆಯಲ್ಲಿದೆ ಸೌಂದರ್ಯ ರಹಸ್ಯ

ಆಲುಗಡ್ಡೆ ಸಿಪ್ಪೆ

ವಾಸ್ತವವಾಗಿ ತರಕಾರಿಯಾಗಿರುವ ಆಲುಗಡ್ಡೆ ಚರ್ಮಕ್ಕೆ ಉತ್ತಮವಾದ ಪೋಷಣೆ ನೀಡುವ ಕಾರಣದಿಂದ ಈ ಪಟ್ಟಿಯಲ್ಲಿ ಸ್ಥಾನ ಗಳಿಸಿಕೊಂಡಿದೆ. ಇದರಲ್ಲಿರುವ ಪೋಷಕಾಂಶಗಳು ಚರ್ಮದ ವರ್ಣವನ್ನು ಬಿಳಿಚಿಸಲು ನೆರವಾಗುತ್ತದೆ. ವಿಶೇಷವಾಗಿ ಕಣ್ಣುಗಳ ಕೆಳಗೆ ಊದಿಕೊಂಡಂತಾಗುವ ಸ್ಥಿತಿಯನ್ನು ನಿವಾರಿಸುತ್ತದೆ. ಆಲೂಗಡ್ಡೆಯ ಮಾಯಾ ಜಾದೂಗೆ ಬೆರಗಾಗಲೇಬೇಕು!

ಲಿಂಬೆಯ ಸಿಪ್ಪೆ

ಲಿಂಬೆಯ ಸಿಪ್ಪೆಯಲ್ಲಿಯೂ ಬ್ಯಾಕ್ಟೀರಿಯಾ ನಿವಾರಕ ಮತ್ತು ಉರಿಯೂತ ನಿವಾರಕ ಗುಣಗಳಿವೆ. ಇವು ಚರ್ಮದ ಕಲ್ಮಶಗಳನ್ನು ನಿವಾರಿಸಲು ನೆರವಾಗುತ್ತವೆ. ಹಣ್ಣಿನ ತಿರುಳಿನಲ್ಲಿರುವ ಸಿಟ್ರಿಕ್ ಆಮ್ಲ ಸಿಪ್ಪೆಯಲ್ಲಿಯೂ ಇರುವುದರಿಂದ ಚರ್ಮದ ಕಾಂತಿ ಹೆಚ್ಚಿಸಲು ನೆರವಾಗುವ ಜೊತೆಗೇ ಚರ್ಮದ ಆರೋಗ್ಯಕರವಾಗಿರಲು ನೆರವಾಗುತ್ತದೆ. ಲಿಂಬೆಯ ಸೌಂದರ್ಯವರ್ಧಕ ಗುಣಗಳಿಗೆ ಬೆರಗಾಗಲೇಬೇಕು

ಸೇಬಿನ ಸಿಪ್ಪೆ

ಸೇಬಿನ ಸಿಪ್ಪೆಯಲ್ಲಿಯೂ ಪಾಲಿಫಿನಾಲ್ ಗಳೆಂಬ ಪೋಷಕಾಂಶಗಳು ಕ್ಯಾನ್ಸರ್ ಗೆ ಕಾರಣವಾದ ಫ್ರೀ ರ್‍ಯಾಡಿಕಲ್ ಎಂಬ ಕಣಗಳನ್ನು ತಡೆದು ಚರ್ಮದಲ್ಲಿ ಹೊಸ ಜೀವಕೋಶಗಳು ಹುಟ್ಟಲು ನೆರವಾಗುತ್ತದೆ. ಸೇಬಿನ ಸಿಪ್ಪೆಯೂ ಕೂಡ ಆರೋಗ್ಯಕ್ಕೆ ಉಪಕಾರಿ ಕಣ್ರೀ

ಪಪ್ಪಾಯಿ ಸಿಪ್ಪೆ

ಪಪ್ಪಾಯಿ ಸಿಪ್ಪೆಯಲ್ಲಿ ಆಲ್ಫಾ ಹೈಡ್ರಾಕ್ಸಿ ಎಂಬ ರಾಸಾಯನಿಕವಿದ್ದು ಇದು ಚರ್ಮಕ್ಕೆ ಆರ್ದ್ರತೆ ನೀಡುವ ಜೊತೆಗೆ ಚರ್ಮದ ಬಣ್ಣವನ್ನು ತಿಳಿಗೊಳಿಸಿ ಸಹಜವರ್ಣ ಪಡೆಯಲು ನೆರವಾಗುತ್ತದೆ. ಅಲ್ಲದೇ ಚರ್ಮದ ಮೇಲೆ ಇರುವ ಸತ್ತ ಜೀವಕೋಶಗಳನ್ನು ನಿವಾರಿಸಲು ನೆರವಾಗುತ್ತದೆ. ಕಾಂತಿಯುತ ತ್ವಚೆಗಾಗಿ ಈ ಪಪ್ಪಾಯಿ ಫೇಸ್ ಮಾಸ್ಕ್