ರಾತ್ರಿ ಮಲಗುವ ಮುನ್ನ ತ್ವಚೆಯ ಆರೈಕೆ ಹೀಗಿರಲಿ

ಮೇಕಪ್ ನಿವಾರಣೆ

ಒಂದು ವೇಳೆ ನಿಮ್ಮ ಕಾರ್ಯದಲ್ಲಿ ಮೇಕಪ್ ಮಾಡಿಕೊಳ್ಳುವುದು ಅನಿವಾರ್ಯವಾಗಿದ್ದರೆ ಮನೆಗೆ ಹಿಂದಿರುಗಿದ ಬಳಿಕ ಎಷ್ಟೇ ಆಯಾಸವಾಗಿರಲಿ ಅಥವಾ ಎಷ್ಟೇ ಕೆಲಸದ ಒತ್ತಡವಿರಲಿ, ಮೇಕಪ್ ತೆಗೆಯದೇ ಸರ್ವಥಾ ಮಲಗಬೇಡಿ. ಮುಖ ತೊಳೆದುಕೊಳ್ಳುವ ಮುನ್ನ ಮೇಕಪ್ ನಿವಾರಿಸುವುದು ಅನಿವಾರ್ಯ. ಇದಕ್ಕಾಗಿ ವ್ಯಾಸೆಲಿನ್, ಗುಲಾಬಿ ನೀರು ಅಥವಾ ಮೇಕಪ್ ರಿಮೂವರ್ ದ್ರಾವಣಗಳನ್ನು ಬಳಸಬಹುದು. ಬಳಿಕ ಕೈ ಕಾಲು ಮುಖಗಳನ್ನು ಸ್ವಚ್ಛವಾಗಿ ತೊಳೆದುಕೊಂಡ ಬಳಿಕವೇ ಊಟ ಮಾಡಿ ಮಲಗುವುದು ಉತ್ತಮ ಹಾಗೂ ಆರೋಗ್ಯಕರ.

ಚರ್ಮಕ್ಕೆ ಆರ್ದ್ರತೆ ನೀಡುವ ಕ್ರೀಮ್ ಹಚ್ಚಿ

ಚರ್ಮಕ್ಕೆ ಅತಿ ಅಗತ್ಯವಾಗಿರುವ ಆರ್ದ್ರತೆಯನ್ನು ವಾತಾವರಣದಿಂದಲೇ ಪಡೆಯುತ್ತದೆ. ಆದರೆ ಇಡಿಯ ದಿನ ಹೊರಗಿದ್ದು ಬಿಸಿಲಿಗೆ ಹೆಚ್ಚು ಹೊತ್ತು ಒಡ್ಡಿದ್ದರೆ ಚರ್ಮದಿಂದ ಆಗಾಧಪ್ರಮಾಣದಲ್ಲಿ ಆರ್ದತೆ ನಷ್ಟವಾಗಿರುತ್ತದೆ. ರಾತ್ರಿ ಚರ್ಮ ಹೀರಿಕೊಳ್ಳಬಹುದಾದ ಪ್ರಮಾಣ ಈ ಪ್ರಮಾಣಕ್ಕೆ ಹೋಲಿಸಿದರೆ ಅತ್ಯಲ್ಪವಾಗಿರುವ ಕಾರಣ ಆರ್ದ್ರತೆ ನೀಡುವ ಕ್ರೀಮ್ ಹಚ್ಚಿಕೊಳ್ಳುವುದು ಅಗತ್ಯ ಮತ್ತು ಅನಿವಾರ್ಯ. ನಿಮಗೆ ಸೂಕ್ತವೆನಿಸಿದ ಆರ್ದ್ರತೆ ನೀಡುವ ಕ್ರೀಮ್ (moisturiser) ಹಚ್ಚಿ ಮಲಗಿ.

ಕಣ್ಣಿನ ಕ್ರೀಮ್

ಕಿವಿಗೆ ಸಮೀಪವಿರುವ ಕಣ್ಣಿನ ಅಂಚುಗಳಲ್ಲಿ ಚರ್ಮದ ಕೊಂಚ ಸೆಳೆತ ಕೊಂಚ ಹೆಚ್ಚಾಗಿರುತ್ತದೆ. ಆದ್ದರಿಂದ ನೆರಿಗೆ ಮೂಡುವ ಸ್ಥಳಗಳಲ್ಲಿ ಈ ಅಂಚುಗಳು ಪ್ರಮುಖವಾಗಿವೆ. ಇದನ್ನು ತಡೆಯಲು ಪ್ರತಿ ರಾತ್ರಿ ಮಲಗುವ ಮುನ್ನ ಉತ್ತಮ ಗುಣಮಟ್ಟದ ಐ ಕ್ರೀಮ್ ಹಚ್ಚಿ ನಯವಾಗಿ ಮಸಾಜ್ ಮಾಡಿ ಮಲಗುವುದರಿಂದ ಈ ತೊಂದರೆಯಂದ ತಪ್ಪಿಸಿಕೊಳ್ಳಬಹುದು.

ವೃದ್ಧಾಪ್ಯ ದೂರಾಗಿಸುವ ಕ್ರೀಮ್

ಸಾಮಾನ್ಯವಾಗಿ ನಡುವಯಸ್ಸು ದಾಟುತ್ತಿರುವ ಮಹಿಳೆಯರಿಗೆ ತಮ್ಮ ಮುಖದಲ್ಲಿ ನೆರಿಗೆ ಮೂಡುವ ಪ್ರಕ್ರಿಯೆಯನ್ನು ತಡವಾಗಿಸಲು ಮಾರುಕಟ್ಟೆಯಲ್ಲಿ ಈಗ ಬಂದಿರುವ ವೃದ್ದಾಪ್ಯ ದೂರಾಗಿಸುವ ಕ್ರೀಮ್ (anti-ageing cream) ಒಂದು ವರದಾನವಾಗಿದೆ. ಸಾಕಷ್ಟು ದುಬಾರಿಯಾಗಿರುವ ಈ ಪ್ರಸಾದನವನ್ನು ಬಳಸಲು ರಾತ್ರಿಯ ಸಮಯವೇ ಪ್ರಶಸ್ತವಾಗಿದೆ. ಇದಕ್ಕಾಗಿ ಮಲಗುವ ಮುನ್ನ ಸ್ವಚ್ಛವಾಗಿ ಮುಖವನ್ನು ತೊಳೆದುಕೊಂಡು ಸ್ವಚ್ಛಬಟ್ಟೆಯಿಂದ ಒರೆಸಿಕೊಂಡ ಬಳಿಕ ಚಿಕ್ಕ ವೃತ್ತಾಕಾರದಲ್ಲಿ ಬೆರಳುಗಳಿಂದ ಮಸಾಜ್ ಮಾಡುತ್ತ ಇಡಿಯ ಮುಖಕ್ಕೆ (ತುಟಿಗಳನ್ನು ಬಿಟ್ಟು) ಈ ಕ್ರೀಮ್ ಹಚ್ಚಿ. ಒಂದು ವೇಳೆ ತಮ್ಮಲ್ಲಿ ಉಪಯುಕ್ತವಾದ ಸಲಹೆಗಳಿದ್ದರೆ ಖಂಡಿತಾ ನಮ್ಮೊಂದಿಗೆ ಹಂಚಿಕೊಳ್ಳಿ. ಇದಕ್ಕಾಗಿ ಕೆಳಗಿನ ಕಮೆಂಟ್ಸ್ ಸ್ಥಳವನ್ನು ಬಳಸಿ.