ಕಪ್ಪುಕಲೆ ನಿವಾರಿಸುತ್ತೆ ಈ ಮನೆಮದ್ದು

Skin Care

oi-Reena

By Hema S

Published: Friday, August 3, 2012, 12:32 [IST]

ಕೆಲವರ ಮುಖದಲ್ಲಿ ಕಪ್ಪು ಚುಕ್ಕಿಗಳು ತುಂಬಾ ಬಿದ್ದಿರುತ್ತದೆ. ಅದು ಮಚ್ಚೆ ಅಲ್ಲ ಅದನ್ನು , ಆದರೆ ನೋಡಲಿಕ್ಕೆ ಚಿಕ್ಕ ಚಿಕ್ಕ ಕಪ್ಪು ಮಚ್ಚೆಗಳಂತೆ ಕಂಡು ಬರುತ್ತದೆ. ಈ ರೀತಿ ಉಂಟಾದರೆ ಮುಖ ತನ್ನ ಸೌಂದರ್ಯವನ್ನು ಕಳೆದುಕೊಳ್ಳುತ್ತದೆ.

ಈ ರೀತಿ ಉಂಟಾದಾಗ ಹೆಚ್ಚಿನವರು ಕ್ರೀಮ್ ಬಳಸಿದರೆ ಹೋಗಬಹುದು ಎಂದು ನಂಬುತ್ತಾರೆ. ಆದರೆ ಈ ರೀತಿಯ ಕಪ್ಪಕಲೆಗಳಿಗೆ (Pigmentation) ಇದುವರೆಗೆ ಯಾವುದೇ ಸೂಕ್ತವಾದ ಕ್ರೀಮ್ ಕಂಡುಹಿಡಿಯಲಿಲ್ಲ! ಅನೇಕ ಕ್ರೀಮ್ ಗಳು ಬಂದಿದ್ದರೂ ಅವುಗಳು ಆಹಾರ ಮತ್ತು ಔಷಧ ಸಂಸ್ಥೆ (FDA) ಇನ್ನೂ ಒಪ್ಪಿಗೆಯನ್ನು ಪಡೆಯಲಿಲ್ಲ.

ಆದ್ದರಿಂದ ಈ ಕಪ್ಪು ಕಲೆಗಳನ್ನು ಹೋಗಲಾಡಿಸಲು ರಾಸಾಯನಿಕವಿರುವ ಕ್ರೀಮ್ ಬಳಸಿ ತ್ವಚೆ ಆರೋಗ್ಯ ಹಾಳು ಮಾಡುವ ಬದಲು ಈ ಕೆಳಗಿನ ಮನೆ ಮದ್ದುಗಳನ್ನು ಮಾಡಿ ನೋಡಿ, ಇವುಗಳು ನಿಮ್ಮ ಮುಖದಲ್ಲಿರುವ ಕಪ್ಪು ಕಲೆಗಳನ್ನು ಹೋಗಲಾಡಿಸಲು ಸಹಕಾರಿಯಾಗುವುದು.

1. ಓಟ್ ಮೀಲ್ಸ್, ಹಾಲು ಮತ್ತು ಸಕ್ಕರೆ ಇವುಗಳನ್ನು ಸಮಪ್ರಮಾಣದಲ್ಲಿ ತೆಗೆದುಕೊಂಡು ಮಿಶ್ರ ಮಾಡಿ ಪೇಸ್ಟ್ ರೀತಿ ಮಾಡಬೇಕು. ನಂತರ ಈ ಪೇಸ್ಟ್ ಮುಖಕ್ಕೆ ಹಚ್ಚಿ ಅರ್ಧ ಗಂಟೆ ಬಳಿಕ ಮುಖ ತೊಳೆಯಬೇಕು. ಈ ರೀತಿ ಒಂದು ತಿಂಗಳಿನವರೆಗೆ ಮಾಡಿದರೆ ಈ ರೀತಿಯ ಕಪ್ಪು ಕಲೆಗಳು ಮಾಯವಾಗುತ್ತದೆ.

2. ವಿನಿಗರ್ ಅನ್ನು ನೀರಿನಲ್ಲಿ ಮಿಶ್ರ ಮಾಡಿ ಅದನ್ನು ಮುಖಕ್ಕೆ ಹಚ್ಚಿ 15 ನಿಮಿಷ ಬಿಟ್ಟು ತಣ್ಣೀರಿನಿಂದ ಮುಖ ತೊಳೆಯಬೇಕು. ಈ ರೀತಿ ಮಾಡುತ್ತಾ ಬಂದರೆ ಈ ರೀತಿಯ ಕಪ್ಪು ಕಲೆಗಳನ್ನು ಹೋಗಲಾಡಿಸಬಹುದು.

3. ಕಿತ್ತಳೆ ಹಣ್ಣಿನ ಸಿಪ್ಪೆಯನ್ನು ಒಣಗಿಸಬೇಕು, ನಂತರ ಅದನ್ನು ಅರೆದು ಪೇಸ್ಟ್ ರೀತಿ ಮಾಡಿ ಹಾಲಿನಲ್ಲಿ ಮಿಶ್ರ ಮಾಡಿ ಮುಖಕ್ಕೆ ಹಚ್ಚಬೇಕು. ಈ ರೀತಿ ಮಾಡುತ್ತಾ ಬಂದರೆ ತ್ವಚೆ ಸಮಸ್ಯೆ ನಿವಾರಣೆಯಾಗಿ ಕಾಂತಿಯುತ ತ್ವಚೆ ನಿಮ್ಮದಾಗುವುದು.

4. ಬಾಳೆ ಹಣ್ಣು , ಸೀಬೆ ಹಣ್ಣು ಈ ಎರಡು ಹಣ್ಣುಗಳನ್ನು ಪೇಸ್ಟ್ ರೀತಿ ಮಾಡಿ ಮುಖಕ್ಕೆ ಹಚ್ಚಿ ಅರ್ಧ ಗಂಟೆ ಬಳಿಕ ಮುಖ ತೊಳೆಯಿರಿ.

ಈ ಮೇಲಿನ ವಿಧಾನಗಳು ಅನುಸರಿಸಿದ್ದೇ ಆದರೆ ಮುಖದಲ್ಲಿರುವ ಕಪ್ಪು ಕಲೆಗಳನ್ನು ಹೋಗಲಾಡಿಸಿ ಹೊಳಪಿನ ತ್ವಚೆ ಪಡೆಯಬಹುದು.