ಅಕಾಲಿಕ ಮುಪ್ಪು ತರುವ 3 ಆಹಾರಗಳು

Skin Care

oi-Reena

By Hema S

Published: Thursday, April 26, 2012, 10:41 [IST]

ಆರೋಗ್ಯ ಮತ್ತು ಸೌಂದರ್ಯದ ಗುಟ್ಟು ಆಹಾರಕ್ರಮದಲ್ಲಿದೆ. ಈಗೀನ ಜೀವನ ಶೈಲಿಯಿಂದಾಗಿ ಹೆಚ್ಚಿನ ಜನರು ಅಕಾಲಿಕ ನೆರೆ ಕೂದಲು ಮತ್ತು ಮುಖದಲ್ಲಿ ನೆರಿಗೆ ಮುಂತಾದ ಸಮಸ್ಯೆಯನ್ನು ಎದುರಿಸುತ್ತಿದ್ದಾರೆ. ತ್ವಚೆ ಸೌಂದರ್ಯ ಹೆಚ್ಚಿಸುವಲ್ಲಿ ಹಣ್ಣು, ಸೊಪ್ಪು, ಕ್ಯಾರೆಟ್‌ನಂತಹ ತರಕಾರಿಗಳು ಹೇಗೆ ಸಹಕಾರಿಯಾಗಿದೆಯೊ ಅದೇ ರೀತಿ ಇನ್ನೂ ಕೆಲವು ಆಹಾರಗಳನ್ನು ತಿಂದರೆ ತ್ವಚೆ ತನ್ನ ಸೌಂದರ್ಯವನ್ನು ಕಳೆದುಕೊಂಡು ಮುಖದಲ್ಲಿ ಮುಪ್ಪು ಎದ್ದು ಕಾಣಲಾರಂಭಿಸುತ್ತದೆ.

ಸೌಂದರ್ಯದ ಬಗ್ಗೆ ಕಾಳಜಿ ಇರುವವರು ಈ ಕೆಳಗಿನ ಆಹಾರಗಳಿಂದ ದೂರವಿದ್ದರೆ ತ್ವಚೆಯ ತಾರುಣ್ಯದ ಕಳೆಯನ್ನು ಬೇಗನೆ ಕಳೆದುಕೊಳ್ಳುವುದಿಲ್ಲ.

1. ಸಕ್ಕರೆ: ಸಿ ಮತ್ತು ಹಾರ್ಬೋಹೈಡ್ರೇಟ್ ಆಹಾರಗಳನ್ನು ತಿಂದರೆ ದೇಹ ಅಷ್ಟೆ ಅಲ್ಲ ತ್ವಚೆ ಕೂಡ ತನ್ನ ಸೌಂದರ್ಯವನ್ನು ಕಳೆದುಕೊಳ್ಳ ತೊಡಗುತ್ತದೆ. ಇದು ತ್ವಚೆಯಲ್ಲಿರುವ ಕೊಲೆಜಿನ್ ಮತ್ತು ಇಲಾಸ್ಟಿನ್ ರಿಪೇರಿಗೆ ಅಡಚಣೆ ಉಂಟು ಮಾಡುವುದರಿಂದ ಮುಖದ ಕಾಂತಿ ಕಡಿಮೆಯಾಗುವುದು, ಇದರಿಂದ ಬೇಗನೆ ವಯಸ್ಸಾದಂತೆ ಕಾಣುವುದು.

2. ಅಧಿಕ ಕೊಬ್ಬಿನಂಶ: ಅಧಿಕ ಕೊಬ್ಬಿನಂಶವಿರುವ ಆಹಾರಗಳಿಂದ ದೂರವಾದರೆ ಆಕರ್ಷಕ ಮೈಕಟ್ಟು ಪಡೆಯಬಹುದು. ಕೊಬ್ಬಿನಂಶ ದೇಹದಲ್ಲಿ ಬೊಜ್ಜನ್ನು ಹೆಚ್ಚಿಸುತ್ತದೆ. ಇದರಿಂದ ಬೇಗನೆ ವಯಸ್ಸಾದವರಂತೆ ಕಾಣಿಸುವಿರಿ. ಕೊಬ್ಬಿನಂಶದಲ್ಲಿ ಒಮೆಗಾ 3 ಇರುವ ಕೊಬ್ಬಿನಂಶ ಆರೋಗ್ಯಕ್ಕೆ ಒಳ್ಳೆಯದು.

3. ಮದ್ಯ ಮತ್ತು ಧೂಮಪಾನ: ಮದ್ಯ ಕುಡಿಯುವುದರಿಂದ ದೇಹದಲ್ಲಿ ನೀರಿನಂಶ ಕಡಿಮೆಯಾಗಿ ತ್ವಚೆ ಒಣ ಮತ್ತು ಬಿಗಿಯಾಗುವುದು. ಧೂಮಪಾನದಿಂದ ತುಟಿಗಳು ಕಪ್ಪಾಗಿ ಮುಖದಲ್ಲಿ ಬೇಗನೆ ನೆರಿಗೆ ಬೀಳಲಾರಂಭಿಸುತ್ತದೆ.

ಆದ್ದರಿಂದ ತ್ವಚೆ ತಾರುಣ್ಯ ಕಾಂತಿಯಿಂದ ಹೊಳೆಯಬೇಕಾದರೆ ದಿನನಿತ್ಯ ವ್ಯಾಯಾಮ ಮತ್ತು ಉತ್ತಮವಾದ ಆಹಾರಕ್ರಮ ಪಾಲಿಸಬೇಕು.