ತ್ವಚೆ ಆರೈಕೆಗೆ 4 ಅತ್ಯುತ್ತಮವಾದ ಎಣ್ಣೆ

Skin Care

oi-Reena

By Hema S

Published: Tuesday, April 3, 2012, 11:43 [IST]

ತ್ವಚೆ ಹೊಳಪು ಹೆಚ್ಚಿಸಲು ಎಣ್ಣೆಯನ್ನು ಮೈಗೆ ತಿಕ್ಕಿಕೊಳ್ಳುವುದು ಒಳ್ಳೆಯದು. ಬೇಸಿಗೆಯಲ್ಲಿ ದೂಳು ಮತ್ತು ಒಣಹವೆಯಿಂದಾಗಿ ತ್ವಚೆ ಒಣಗಲಾರಂಭಿಸುತ್ತದೆ. ತ್ವಚೆಯನ್ನು ಮಾಯಿಶ್ಚರೈಸರ್ ಅಗಿ ಇಟ್ಟುಕೊಳ್ಳ ಬಯಸುವವರು ಎಣ್ಣೆ ಮಸಾಜ್ ಮಾಡುವುದು ಒಳ್ಳೆಯದು.

ಒಣ ತ್ವಚೆ ಸಮಸ್ಯೆಯನ್ನು ಈ ಕೆಳಗಿನ ಎಣ್ಣೆಗಳಿಂದ ವಿಧಾನಗಳಿಂದ ಪರಿಹರಿಸಬಹುದು. ಪ್ರತಿಯೊಬ್ಬರಿಗೂ ತಮ್ಮದೇ ಆದ ತ್ವಚೆ ಸಮಸ್ಯೆ ಇರುತ್ತದೆ. ಆದ್ದರಿಂದ ಈ ಕೆಳಗಿನ ಎಣ್ಣೆಗಳಲ್ಲಿ ನಿಮ್ಮ ತ್ವಚೆಗೆ ಯಾವುದು ಸೂಕ್ತ ಅನಿಸುತ್ತದೆಯೊ ಅದನ್ನು ಬಳಸುವುದು ಒಳ್ಳೆಯದು.

ಟೀ ಗಿಡದ ಎಣ್ಣೆ: ಟೀ ಗಿಡದ ಎಣ್ಣೆ ತ್ವಚೆಗೆ ತುಂಬಾ ಒಳ್ಳೆಯದು. ಇದರಲ್ಲಿ ಅಕಾಲಿಕ ನೆರಿಗೆಯನ್ನು ತಡೆಗಟ್ಟುವ ಸಾಮರ್ಥ್ಯಯಿದೆ. ಆದರೆ ಈ ಎಣ್ಣೆ ಸ್ವಲ್ಪ ದುಬಾರಿಯಾದ ಎಣ್ಣೆಯಾಗಿದೆ. ಆದ್ದರಿಂದ ಟೀ ಎಣ್ಣೆಗೆ ಪರ್ಯಾಯವಾದ ಎಣ್ಣೆ ತಯಾರಿಸಲು ಈ ಕೆಳಗಿನ ವಿಧಾನಗಳನ್ನು ಅನುಸರಿಸಬಹುದು.

1. ದೇಹಕ್ಕೆ ಹಚ್ಚುವ ಎಣ್ಣೆಗೆ ಟೀ ಎಲೆ ಹಾಕಿ ಕುದಿಸಿ ಆ ಎಣ್ಣೆಯನ್ನು ಮೈಗೆ ಹಚ್ಚಬಹುದು.

2. ಈ ರೀತಿ ಮಾಡಲು ತೆಂಗಿನೆಣ್ಣೆ ಅಥವಾ ಆಲೀವ್ ಎಣ್ಣೆಯನ್ನು ಬಳಸಿಕೊಳ್ಳಬಹುದು.

3. ಆಲೀವ್ ಎಣ್ಣೆಯನ್ನು ಬಿಸಿ ಮಾಡುವಾಗ ಒಂದು ಬಟ್ಟಲಿಗೆ ಎಣ್ಣೆ ಹಾಕಿ ಅದರಲ್ಲಿ ಟೀ ಎಲೆಯನ್ನು ಮುಳುಗಿಸಿದ ಬಟ್ಟಲನ್ನು ಕುದಿಯುವ ನೀರಿನಲ್ಲಿ ಇಟ್ಟು ಎಣ್ಣೆಯನ್ನು ಕುದಿಸಬೇಕು.

ಗಂಧದ ಎಣ್ಣೆ: ಗಂಧದ ಎಣ್ಣೆ ಸುಲಭವಾಗಿ ದೊರೆಯುವುದಿಲ್ಲ. ಆದರೆ ಶುದ್ಧ ಗಂಧದ ಎಣ್ಣೆಗೆ ಬದಲಾಗಿ , ತ್ವಚೆ ಕಾಂತಿ ಹೆಚ್ಚಿಸುವ ಈ ರೆಸಿಪಿಯನ್ನು ಮಾಡಿ ಹಚ್ಚಿದರೆ ಗಂಧದ ಎಣ್ಣೆಯ ಪ್ರಯೋಜನವನ್ನು ಪಡೆಯಬಹುದು.

1. ಗಂಧದ ಪುಡಿಯನ್ನು ಕೊಂಡುಕೊಳ್ಳಬೇಕು. ನಂತರ ಇದರಿಂದ ಗಂಧದ ಎಣ್ಣೆಯನ್ನು ಮೈಕ್ರೋವೇವ್ ನಲ್ಲಿ ತಯಾರಿಸಬೇಕು. ಗ್ಯಾಸ್ ನಲ್ಲಿ ತಯಾರಿಸಲು ಹೊರಟರೆ ಎಣ್ಣೆ ತುಂಬಾ ಬಿಸಿಯಾಗಿ ಗಂಧ ತನ್ನ ಸುವಾಸನೆಯನ್ನು ಕಳೆದುಕೊಳ್ಳುತ್ತದೆ.

2. ಮೊದಲಿಗೆ ಮೈಕ್ರೋವೇವ್ ಅನ್ನು 250 ಡಿಗ್ರಿ ಉಷ್ಣತೆವರೆಗೆ ಬಿಸಿ ಮಾಡಿರಬೇಕು. ಈಗ ಮೈಗೆ ಹಚ್ಚಲು ಬಳಸುವ ಎಣ್ಣೆಗೆ (ತೆಂಗಿನೆಣ್ಣೆಯಾದರೂ ಆಗಬಹುದು) ಗಂಧದ ಪುಡಿ ಹಾಕಿ ಬೆರೆಸಿ2-3 ನಿಮಿಷ ಬಿಸಿ ಮಾಡಿದರೆ ಸಾಕು. ಈ ಎಣ್ಣೆಯನ್ನು ಡಬ್ಬಿಯಲ್ಲಿ ಹಾಕಿ ದಿನಾ ಮೈಗೆ ತಿಕ್ಕಿ ಸ್ನಾನ ಮಾಡಿದರೆ ಮೈ ಕಾಂತಿ ಹೆಚ್ಚುವುದು.