ಸೂರ್ಯನ ರಶ್ಮಿಗೆ ಬಾಡದಿರಲಿ ರೇಷ್ಮೆಯಂತಹ ತ್ವಚೆ

Skin Care

oi-Reena

By Hema S

Published: Thursday, March 8, 2012, 15:09 [IST]

ಬೇಸಿಗೆಯಲ್ಲಿ ಸೂರ್ಯನ ಕಿರಣಗಳು ತುಂಬಾ ತೀಕ್ಷವಾಗಿರುವುದರಿಂದ ಸ್ವಲ್ಪ ಹೊತ್ತು ಬಿಸಿಲಿನಲ್ಲಿ ತಿರುಗಿದರೂ ಸಾಕು ಬಣ್ಣ ಕಪ್ಪಾಗುತ್ತದೆ (ಸನ್ ಬರ್ನ್). ಹೊರಗಡೆ ಹೋಗುವಾಗ ಅಗಲವಾದ ಟೋಪಿ ಧರಿಸುವುದು ಒಳ್ಳೆಯದು. ಸಾಕಷ್ಟು ನೀರು ಕುಡಿಯಬೇಕು. ತೆಳುವಾದ ಬಣ್ಣದ ಕಾಟನ್ ಬಟ್ಟೆಗಳನ್ನು ಧರಿಸುವುದು ಒಳ್ಳೆಯದು.

ಸನ್ ಸ್ಕ್ರೀನ್ ಲೋಷನ್ ಹಚ್ಚುವುದರಿಂದ ತ್ವಚೆಗೆ ಸ್ವಲ್ಪ ರಕ್ಷಣೆ ದೊರೆಯುವುದು. ಇಷ್ಟೆಲ್ಲಾ ಮುನ್ನಚ್ಚರಿಕೆ ವಹಿಸಿದರೂ ಸನ್ ಬರ್ನ್ ಉಂಟಾದರೆ ಈ ಕೆಳಗಿನ ವಿಧಾನಗಳನ್ನು ಅನುಸರಿಸಿ ತ್ವಚೆ ಸಂರಕ್ಷಣೆ ಮಾಡಬಹುದು.

ಲೋಳೆಸರ: ಲೋಳೆಸರದಲ್ಲಿ ತ್ವಚೆಗೆ ಅವಶ್ಯಕವಾದ ಎಲ್ಲಾ ರೀತಿಯ ವಿಟಮಿನ್ ಗಳು (ವಿಟಮಿನ್ ಡಿ ಹೊರತು ಪಡಿಸಿ) ಇರುವುದರಿಂದ ಮುಖದ ಹೊಳಪು ಹೆಚ್ಚುವುದು.

ಮೊಸರು: ಸನ್ ಬರ್ನ್ ಗೆ ಮೊಸರು ಹಚ್ಚುವುದು ತುಂಬಾ ಒಳ್ಳೆಯದು. ಬಿಸಿಲಿನಿಂದ ಮುಖ ಕೆಂಪಾಗಿದ್ದರೆ ಮೊಸರು ಹಚ್ಚಿ ಅರ್ಧ ಗಂಟೆ ಬಳಿಕ ತೊಳೆದರೆ ತ್ವಚೆ ಕಪ್ಪಾಗುವುದಿಲ್ಲ.

ಆಪಲ್ ಸೈಡರ್ ವಿನಿಗರ್ ಮತ್ತು ಸೌತೆಕಾಯಿ: ಬಿಸಿಲಿನಿಂದ ಮುಖ ಕಪ್ಪಾದರೆ ಹತ್ತಿಯನ್ನು ಆಪಲ್ ಸೈಡರ್ ವಿನಿಗರ್ ನಲ್ಲಿ ಅದ್ದಿ ಮುಖವನ್ನು ಅದರಿಂದ ಉಜ್ಜಬೇಕು.
* ಸೌತೆಕಾಯಿ ಜ್ಯುಸ್ ಗೆ ಸ್ವಲ್ಪ ನಿಂಬೆರಸ ಹಾಕಿ ಅದನ್ನು ಸನ್ ಬರ್ನ್ ಆದ ಕಡೆ ಹಚ್ಚಿದರೆ ಒಳ್ಳೆಯದು.

ಓಟ್ ಮೀಲ್ಸ್, ಟೀ, ಲ್ಯಾವೆಂಡರ್: ಓಟ್ಸ್ ಸನ್ ಬರ್ನ್ ನಿವಾರಿಸುವಲ್ಲಿ ತುಂಬಾ ಪರಿಣಾಮಕಾರಿ.
* ಟೀ ಬ್ಯಾಗ್ ಬಿಸಿ ನೀರಿನಲ್ಲಿ ಹಾಕಿ ಅದನ್ನು ಸ್ವಲ್ಪ ಹೊತ್ತು ಫ್ರಿಜ್ ನಲ್ಲಿಟ್ಟು ನಂತರ ಸನ್ ಬರ್ನ್ ಆದ ಕಡೆ ಹಚ್ಚಿದರೆ ಮೈ ಕಪ್ಪಾಗುವುದಿಲ್ಲ.
* 20 ಹನಿ ಲ್ಯಾವೆಂಡರ್ ಎಣ್ಣೆಯನ್ನು ಒಂದು ಕಪ್ ನೀರಿನಲ್ಲಿ ಹಾಕಿ ಮಿಶ್ರ ಮಾಡಿ ಹಚ್ಚುವುದು ಒಳ್ಳೆಯದು.