ತ್ವಚೆಗೆ ತಾರುಣ್ಯ ತುಂಬುತ್ತೆ ಎಳನೀರು

Skin Care

oi-Reena

By Hema S

Published: Friday, December 16, 2011, 11:06 [IST]

ಹೊರಗಡೆ ಹೋದಾಗ ಬಾಯಾರಿಕೆಯಾದರೆ ನೆನೆಪಿಗೆ ಬರುವುದು ಪೆಪ್ಸಿ , ಕೋಕಾಕೋಲಾ ಎಂಬ ದೇಹಕ್ಕೆ ನಯಾ ಪೈಸೆ ಪ್ರಯೋಜವಿಲ್ಲದ ತಂಪು ಪಾನೀಯಗಳು. ಅಲ್ಲದೆ ಇಂತಹ ವಿದೇಶಿ ಪಾನೀಯಗಳನ್ನು ಕುಡಿಯುವುದು ಕೂಡ ಒಂದು ಫ್ಯಾಷನ್ .

ಆದರೆ ಎಳನೀರಿಗೆ ಸರಿಸಾಟಿಯಾಗಿ ನಿಲ್ಲಲು ತಂಪು ಪಾನಿಯಗಳಿಗೆ ಸಾಧ್ಯವಿಲ್ಲ. ನೈಸರ್ಗಿಕವಾಗಿ ಸಿಗುವ ಎಳನೀರಿನಲ್ಲಿ ವಿಟಮಿನ್, ಖನಿಜಾಂಶ, ಕಾರ್ಬೋಹೈಡ್ರೇಟ್, ಎಂಜೈಮ್ಸ್, ಸೈಟೊನ್ಯೂಟ್ರಿಯೆಂಟ್ಸ್ ಹೀಗೆ ಇದರಲ್ಲಿರುವ ಅಂಶಗಳು ದೇಹದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಇದನ್ನುಸೇವಿಸಿದರೆ ಯಾವುದೆ ಅಡ್ಡಪರಿಣಾಮವಿಲ್ಲ. ಆದ್ದರಿಂದ ಕಾಯಿಲೆ ಬಂದಾಗ ಇದನ್ನು ಕುಡಿದರೆ ದೇಹಕ್ಕೆ ಚೈತ್ಯನ್ಯ ಬರುತ್ತದೆ.

ತ್ವಚೆ ಪೋಷಣೆಯಲ್ಲಿ ಕೂಡ ಎಳೆನೀರು ಪ್ರಮುಖ ಪಾತ್ರ ವಹಿಸುತ್ತದೆ. ಅದರಲ್ಲಿ ಎಣ್ಣೆ ತ್ವಚೆಯವರಿಗೆ ಎಳನೀರು ತುಂಬಾ ಒಳ್ಳೆಯದು.

ತ್ವಚೆ ಪೋಷಣೆಗೆ ಎಳನೀರು:

1. ಇದರಲ್ಲಿರುವ ಸೈಟೊಕಿನ್ಸ್ ಮುಖವನ್ನು ತಾಜಾ ಮತ್ತು ಯೌವನದಿಂದ ಕಾಣುವಂತೆ ಮಾಡುತ್ತದೆ. ಎಳೆನೀರನ್ನು ನಿಂಬೆರಸದೊಂದಿಗೆ ಬೆರೆಸಿ ಮುಖಕ್ಕೆ ಹಚ್ಚಿದರೆ ತ್ವಚೆ ಒಣಗುವುದನ್ನು ತಡೆಗಟ್ಟಬಹುದು.

2. ದಿನವೂ ಎಳನೀರು ಕುಡಿಯುವುದರಿಂದ ದೇಹದಲ್ಲಿ ರಕ್ತ ಸಂಚಲನಕ್ಕೆ ಸಹಾಯ ಮಾಡುತ್ತದೆ. ಇದನ್ನು ಕುಡಿಯುವುದರಿಂದ ಮುಖದಲ್ಲಿ ಇರುವ ಒತ್ತಡ ಮತ್ತು ದಣಿವು ಮಾಯವಾಗುತ್ತದೆ.

3. ಎಳನೀರು ಮುಖದಲ್ಲಿನ ಕಲೆಯನ್ನು ಹೋಗಲಾಡಿಸುತ್ತದೆ. ಎಳೆನೀರಿನಿಂದ ಮುಖ ತೊಳೆದು ಹಾಗೆ ಒಣಗಲು ಬಿಡಿ. ಈ ರೀತಿ 2-3 ಸಲ ಮಾಡಿ ನಂತರ ತಣ್ಣಿರಿನಿಂದ ಮುಖ ತೊಳೆಯಬೇಕು. ಈ ರೀತಿ ಮುಖಕ್ಕೆ ದಿನದಲ್ಲಿ 2-3 ಬಾರಿ ಹಾಕಿಕೊಂಡರೆ ಮೊಡವೆ ಕಲೆಗಳು ಮುಖದಲ್ಲಿ ಉಳಿಯುವುದಿಲ್ಲ.

4. ಮುಲ್ತಾನಿಮಿಟಿಗೆ ಎಳನೀರಿನೊಂದಿಗೆ ಬೆರೆಸಿ ಮುಖಕ್ಕೆ ಹಚ್ಚಿದರೆ ಮುಖ ಹೆಚ್ಚು ಹೊಳಪನ್ನು ಹೊಂದುತ್ತದೆ.

5. ಎಳನೀರನ್ನು ಸ್ನಾನ ಮಾಡುವ ನೀರಿನೊಂದಿಗೆ ಬೆರೆಸಿದರೆ ಫಂಗಸ್ ಸೋಂಕು ಉಂಟಾಗುವುದಿಲ್ಲ.

6. ಎಳನೀರನ್ನು ಬಾಡಿಲೋಷನ್ ಜೊತೆ ಮಿಶ್ರ ಮಾಡಿ ಹಚ್ಚಿದರೆ ತ್ವಚೆ ಫೋಷಣೆಯನ್ನು ಮಾಡುತ್ತದೆ.