ಕೂದಲನ್ನು ಸಮೃದ್ಧಿಗೊಳಿಸುವ ಹಳ್ಳಿಗಾಡಿನ ಶಾಂಪೂ!

ಸೀಗೆಪುಡಿ

ಸೀಗೆಪುಡಿಯನ್ನು ನೇರವಾಗಿ ಅಥವಾ ಸೌಮ್ಯ ಶಾಂಪೂವಿನೊಂದಿಗೆ ಮಿಶ್ರಣ ಮಾಡಿ ಉಪಯೋಗಿಸುವುದರಿಂದ ಉತ್ತಮ ಪರಿಣಾಮ ದೊರಕುತ್ತದೆ. ಒಂದು ವೇಳೆ ತಲೆಹೊಟ್ಟಿದ್ದರೆ ಸೀಗೆಪುಡಿಯನ್ನು ನೀರಿನೊಂದಿಗೆ ಮಿಶ್ರಣ ಮಾಡಿ ಕೂದಲ ಬುಡಕ್ಕೆ ದಪ್ಪನಾಗಿ ಹಚ್ಚಿ. ಕೊಂಚ ಹೊತ್ತಿನ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ.

ಅಂಟುವಾಳ ಕಾಯಿ ಉಪಯೋಗಿಸಿ

ಅಂಟುವಾಳ ಅಥವಾ (Soap Nut, reetha) ಎಂದು ಕರೆಯಲ್ಪಡುವ ಕಾಯಿಗಳು ಒಣಗಿದ ಪುಡಿಯ ರೂಪದಲ್ಲಿ ಅಥವ ಕಾಯಿಯ ರೂಪದಲ್ಲಿ ದೊರಕುತ್ತದೆ. ಬಳಸಬಹುದು. ಪುಡಿಯಾಗಿದ್ದರೆ ನೀರಿನಲ್ಲಿ ನೆನೆಸಿ ಈಗತಾನೇ ಒದ್ದೆಯಾಗಿಸಿದ ಕೂದಲಿಗೆ ಹಚ್ಚಿ ಕೊಂಚ ಕಾಲ ಬಿಡಿ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ. ಕಾಯಿಯಾಗಿದ್ದರೆ ಪುಡಿಮಾಡಿ ಕೊಂಚಕಾಲ ನೆನೆಸಿಟ್ಟು ಬಳಿಕ ಕೂದಲಿಗೆ ಹಚ್ಚಿ ಕೊಂಚ ಕಾಲ ಬಿಡಿ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ. . ಈ ವಿಧಾನವನ್ನು ವಾರಕ್ಕೆರಡು ಬಾರಿ ಅನುಸರಿಸಿ.

ಲೋಳೆಸರದ ದ್ರವ

ಈಗತಾನೇ ಕೊಯ್ದ ಲೋಳೆಸರದ ಕೋಡೊಂದನ್ನು ನೇರವಾಗಿ ಅದರ ದ್ರವ ಕೂದಲ ಬುಡಕ್ಕೆ ತಲುಪುವಂತೆ ನಯವಾಗಿ ಉಚ್ಚಿ. ಕೋಡನ್ನು ಒತ್ತಿ ದ್ರವ ಒಸರುವಂತೆ ಮಾಡಿ. ಕೊಂಚ ಹೊತ್ತಿನ ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ಸ್ವಚ್ಛಗೊಳಿಸಿ. ದಿನಂಪ್ರತಿ ಉಪಯೋಗಿಸಿದರೆ ಒಂದೇ ವಾರದಲ್ಲಿ ಪರಿಣಾಮ ಕಂಡುಬರುತ್ತದೆ.

ನೆಲ್ಲಿಕಾಯಿ

ಒಂದು ಅಥವಾ ಎರದು ನೆಲ್ಲಿಕಾಯಿಗಳ ಬೀಜ ತೆಗೆದು ನುಣ್ಣಗೆ ಅರೆಯಿರಿ. ಇದಕ್ಕೆ ಕೆಲವು ಹನಿ ಗುಲಾಬಿ ನೀರನ್ನು ಸೇರಿಸಿ ಕೂದಲಿಗೆ ಹಚ್ಚಿಕೊಳ್ಳಿ. ಇದರಲ್ಲಿರುವ ಪ್ರೋಟೀನು ಮತ್ತು ವಿಟಮಿನ್ ಸಿ ಕೂದಲು ಉದುರುವುದನ್ನು ತಡೆಯುತ್ತವೆ. ಜೊತೆಗೇ ಪರಿಮಳದಿಂದಲೂ ಕೂಡಿರುತ್ತದೆ.

ಅಡುಗೆ ಸೋಡಾ

ಮೂರು ದೊಡ್ಡಚಮಚ ಅಡುಗೆ ಸೋಡಾ ವನ್ನು ಕೊಂಚ ನೀರಿನೊಂದಿಗೆ ಬೆರೆಸಿ ಚೆನ್ನಾಗಿ ಮಿಶ್ರಣ ಮಾಡಿ. ಈ ದ್ರವವನ್ನು ಈಗತಾನೇ ತೊಳೆದ ಕೂದಲಿಗೆ ಹಚ್ಚಿ ಕೊಂಚಕಾಲದ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ. ಒಂದೇ ವಾರದಲ್ಲಿ ಇದರ ಪರಿಣಾಮವನ್ನು ಪಡೆಯಬಹುದು.