ಪುರುಷರ ತಲೆಹೊಟ್ಟು ನಿವಾರಣೆಗೆ ನಿಂಬೆ!

1. ತೆಂಗಿನ ಎಣ್ಣೆ

ಪರೋಕ್ಷವಾಗಿ ಬಿಸಿ ನೀಡಿ ತೆಂಗಿನ ಎಣ್ಣೆ ಬಿಸಿ ಮಾಡಿ ಮತ್ತು ಅದನ್ನು ಹೊರತೆಗೆಯಿರಿ. ಇದಕ್ಕೆ ಎರಡು ಟೇಬಲ್ ಸ್ಪೂನ್ ತಾಜಾ ನಿಂಬೆ ರಸ ಬೆರಸಿ ನೆತ್ತಿಯ ಮೇಲೆ ಮಸಾಜ್ ಮಾಡಿ. 15 ನಿಮಿಷ ಹಾಗೆ ಬಿಟ್ಟು ಬಳಿಕ ಶಾಂಪೂ ಹಾಕಿ ತೊಳೆಯಿರಿ. ತಲೆಹೊಟ್ಟನ್ನು ನಿಧಾನವಾಗಿ ಆದರೆ ಪರಿಣಾಮಕಾರಿಯಾಗಿ ನಿವಾರಿಸಲು ವಾರದಲ್ಲಿ 2-4 ಸಲ ಹೀಗೆ ಮಾಡಿ.

2. ಹಜೆಲ್ ತೈಲ

ಒಂದು ಟೇಬಲ್ ಸ್ಪೂನ್ ಹಜೆಲ್ ತೈಲ ಮತ್ತು ಒಂದು ಟೇಬಲ್ ಸ್ಪೂನ್ ನಿಂಬೆ ರಸ ಬೆರಸಿ ಅದಕ್ಕೆ ಪರೋಕ್ಷ ಶಾಖ ನೀಡಿ ಮತ್ತು ಬಿಸಿಯಾಗಿರುವಾಗಲೇ ಅದನ್ನು ನೆತ್ತಿಗೆ ಹಾಕಿ ನಿಧಾನವಾಗಿ ಮಸಾಜ್ ಮಾಡಿ. 20 ನಿಮಿಷ ಹಾಗೆ ಬಿಟ್ಟು ಬಳಿಕ ತೊಳೆಯಿರಿ. ನಿಂಬೆ ಹಣ್ಣಿನ ತುಂಡುಗಳನ್ನು ನೆತ್ತಿಗೆ ನೇರವಾಗಿ ತಿಕ್ಕಿದರೂ ತಲೆಹೊಟ್ಟು ನಿವಾರಿಸಬಹುದು.

3. ವಿನೇಗರ್

4 ಟೇಬಲ್ ಸ್ಪೂನ್ ಸೈಡರ್ ವಿನೇಗರ್ ಮತ್ತು ಎರಡು ಟೇಬಲ್ ಸ್ಪೂನ್ ನಿಂಬೆ ರಸವು ತಲೆಹೊಟ್ಟಿಗೆ ಅತ್ಯಂತ ಪರಿಣಾಮಕಾರಿ ಮನೆಮದ್ದು. ಇದನ್ನು ಬಿಸಿ ಮಾಡಬೇಕಾಗಿಲ್ಲ. ಇದೆರಡನ್ನು ಮಿಶ್ರಣ ಮಾಡಿ ಹತ್ತಿ ತುಂಡುಗಳಿಂದ ನೆತ್ತಿಗೆ ಹಚ್ಚಿ. ನಿಯಮಿತವಾಗಿ ಹಚ್ಚುವುದರಿಂದ ತಲೆಹೊಟ್ಟು ನಿವಾರಿಸಬಹುದು.

4. ಮೊಸರು ಮತ್ತು ಜೇನುತುಪ್ಪ

ಮೊಸರು, ನಿಂಬೆರಸ ಮತ್ತು ಜೇನುತಪ್ಪವನ್ನು ಸರಿಯಾಗಿ ಮಿಶ್ರಣ ಮಾಡಬೇಕು. ಇದು ತಲೆಹೊಟ್ಟು ನಿವಾರಣೆಗೆ ಒಳ್ಳೆಯ ಮದ್ದು. ಮೂರನ್ನು ಮಿಶ್ರಣ ಮಾಡಿ ತಲೆಗೆ ಹಚ್ಚಿ 20 ನಿಮಿಷ ಬಿಡಬೇಕು. ವಾರದಲ್ಲಿ 2-3 ದಿನ ಹೀಗೆ ಮಾಡಿ.

5. ಚಹಾ

ತಲೆಹೊಟ್ಟು ನಿವಾರಣೆಗೆ ಚಹಾ ಒಳ್ಳೆಯ ವಿಧಾನ. ಅರ್ಧ ಕಪ್ ನೀರಿಗೆ ಎರಡು ಟೇಬಲ್ ಸ್ಪೂನ್ ಚಹಾ ಹುಡಿ ಹಾಕಿ ದಪ್ಪ ಚಹಾ ಮಾಡಿ. ಇದನ್ನು ಸರಿಯಾಗಿ ಸೋಸಿದ ಬಳಿಕ ಅದಕ್ಕೆ ಒಂದು ಟೇಬಲ್ ಸ್ಪೂನ್ ನಷ್ಟು ನಿಂಬೆ ರಸ ಬೆರೆಸಿ. ಬಿಸಿಯಾಗಿರುವಾಗಲೇ ಹತ್ತಿ ತುಂಡಿನಿಂದ ನೆತ್ತಿಗೆ ಹಚ್ಚಿ ಮತ್ತು 15 ನಿಮಿಷ ಹಾಗೆ ಬಿಡಿ. ಇದರ ಬಳಿಕ ನಳ್ಳಿ ನೀರಿನಲ್ಲಿ ಕೂದಲು ತೊಳೆಯಿರಿ.

6. ಬಿಸಿ ಎಣ್ಣೆ ಚಿಕಿತ್ಸೆ

ಒಂದು ಟೇಬಲ್ ಸ್ಪೂನ್ ಹರಳೆಣ್ಣೆ, ಎರಡು ಟೇಬಲ್ ಸ್ಪೂನ್ ತೆಂಗಿನ ಎಣ್ಣೆ ಮತ್ತು ಒಂದು ಟೇಬಲ್ ಸ್ಪೂನ್ ನಿಂಬೆ ರಸವನ್ನು ಬೆರೆಸಿ ಬಿಸಿ ಮಾಡಿ ನೆತ್ತಿಗೆ ಹಚ್ಚಿ ಮಸಾಜ್ ಮಾಡಬೇಕು. ಇದರ ಬಳಿಕ ಬಿಸಿ ನೀರಿನ ತೇವಾಂಶವುಳ್ಳ ಟವೆಲ್ ನ್ನು 20 ನಿಮಿಷ ಇಟ್ಟರೆ ಒಳ್ಳೆಯ ಫಲಿತಾಂಶ ಪಡೆಯಬಹುದು.

7. ಹೆನ್ನಾ ಚಿಕಿತ್ಸೆ

ನಾಲ್ಕು ಟೇಬಲ್ ಸ್ಪೂನ್ ನಿಂಬೆ ರಸ ಮತ್ತು ಕಾಫಿ, ಎರಡು ಹಸಿ ಮೊಟ್ಟೆ, ಒಂದು ಟೇಬಲ್ ಸ್ಪೂನ್ ಮೆಂತ್ಯೆ ಬೀಜದ ಹುಡಿ ಮತ್ತು ಸಾಕಷ್ಟು ಚಹಾ ಸಾರದೊಂದಿಗೆ ಹೆನ್ನಾ ಹುಡಿಯನ್ನು ಮಿಶ್ರಣ ಮಾಡಿ ದಪ್ಪ ಪೇಸ್ಟ್ ಮಾಡಿ. ಇದನ್ನು ಕೂದಲಿಗೆ ಹಚ್ಚಿ ಮತ್ತು ಒಂದು ಗಂಟೆ ಬಳಿಕ ತೊಳೆಯಿರಿ.