ಹರೆಯದಲ್ಲಿ ಮುಪ್ಪಾಗಿಸುವ ನೆರೆ ಕೂದಲಿಗೆ ಸುಲಭ ಪರಿಹಾರ

Hair Care

oi-Reena

By Hema S

Published: Thursday, January 19, 2012, 12:45 [IST]

ವಯಸ್ಸಾಗುತ್ತಿದ್ದ ಹಾಗೆ ನೆರೆ ಕೂದಲು ಬರುವುದು ಸಾಮಾನ್ಯ. ಆದರೆ ಈಗ ಬಾಲನೆರೆ ಅಥವಾ ಯೌವನ ಪ್ರಾಯದಲ್ಲಿಯೆ ನೆರೆ ಕೂದಲು ಉಂಟಾಗುವುದು ಸಾಮಾನ್ಯವಾದ ಒಂದು ಸಮಸ್ಯೆ. ಈ ಅಕಾಲಿಕ ನೆರೆ ಕೂದಲನ್ನು ಹರ್ಬಲ್ ಮತ್ತು ಮನೆ ಮದ್ದು ಬಳಸಿ ನಿವಾರಿಸಬಹುದು. ಅಕಾಲಿಕ ನೆರೆ ಕೂದಲು ಬಂದಿದ್ದರೆ ಈ ನೈಸರ್ಗಿಕ ವಿಧಾನವನ್ನು ಬಳಸಿ ಕೂದಲನ್ನು ಡೈ ಮಾಡಿದರೆ ಕೂದಲು ಕಪ್ಪಾಗುವುದರ ಜೊತೆಗೆ ಸೊಂಪಾಗಿ ಬೆಳೆಯುವುದು.

ಅಕಾಲಿಕ ನೆರೆ ಕೂದಲು ಬರಲು ಕಾರಣ:
ಕೂದಲಿನ ಬುಡದಲ್ಲಿ ಮೆಲಾನಿನ್ ಉತ್ಪತ್ತಿಯಾಗುತ್ತದೆ. ಕೂದಲಿನ ಬಣ್ಣದಲ್ಲಿ ವ್ಯತ್ಯಾಸ ಉಂಟಾಗಲು ಮೆಲಾಲಿನ್ ಕಾರಣ. ಇದರ ಉತ್ಪತ್ತಿ ಕಡಿಮೆಯಾದಂತೆ ಕೂದಲು ಬಿಳಿ ಬಣ್ಣವನ್ನು ಹೊಂದುವುದು.

ನೈಸರ್ಗಿಕ ಡೈ ಬಳಕೆ ಸೂಕ್ತ:
ರಾಸಾಯನಿಕಗಳನ್ನು ಬಳಸಿ ತಯಾರಿಸಿರುವ ಹೇರ್ ಡೈ ಬಳಸುವುದಕ್ಕಿಂತ ನೈಸರ್ಗಿಕ ಡೈ ಕೂದಲಿನ ಆರೋಗ್ಯಕ್ಕೆ ಒಳ್ಳೆಯದು. ರಾಸಾಯನಿಕಗಳನ್ನು ಬಳಸಿ ತಯಾರಿಸದ ಹೇರ್ ಡೈ ಬಳಸಿದರೆ ತಲೆಬುಡದಲ್ಲಿ ತುರಿಕೆ, ಕೂದಲು ಕವಲೊಡೆಯುವುದು, ಹೊಟ್ಟಿನ ಸಮಸ್ಯೆ ಉಂಟಾಗುತ್ತದೆ.

ನೈಸರ್ಗಿಕ ಡೈ ಬಳಸುವ ವಿಧಾನ:

1. ಮೆಹಂದಿ ಎಲೆಯನ್ನು ಸೌತೆಕಾಯಿ ಜೊತೆ ಅರೆದು ತಲೆಗೆ ಹಚ್ಚಿದರೆ ನೆರೆ ಕೂದಲು ಮಾಯವಾಗುವುದು. ಇದರಿಂದ ಕೂದಲು ಮತ್ತಷ್ಟು ಆರೋಗ್ಯಕರವಾಗಿ ಬೆಳೆಯುತ್ತದೆ.

2. ಟೀ ಜೊತೆ ಮೆಹಂದಿ ಎಲೆಯನ್ನು ಹಾಕಿ ಕುದಿಸಿ ಅದು ಆರಿದ ನಂತರ ಆ ಮಿಶ್ರಣವನ್ನು ತಲೆಗೆ ಹಚ್ಚುವುದರಿಂದ ಕೂದಲು ಕಪ್ಪಾಗುತ್ತದೆ. ಈ ರೀತಿ ಮಾಡುವಾಗ ಅಂಗಡಿಗಳಲ್ಲಿ ದೊರೆಯುವ ಮೆಹಂದಿ ಪುಡಿಗಿಂತ ಮನೆಯಲ್ಲಿಯೆ ದೊರೆಯುವ ಮೆಹಂದಿ ಎಲೆಯನ್ನು ಬಳಸುವುದು ಸೂಕ್ತ.

3. ಹರ್ಬಲ್ ಬ್ಯುಟಿ ಸಲೂನ್ ಗಳಲ್ಲಿ ಸಿಗುವ ಹೇರ್ ಡೈ ಕೂಡ ಹಚ್ಚಿ ಕೊಳ್ಳಬಹುದು. ಈ ಡೈ ತಲೆಗೆ ಹಚ್ಚಿಕೊಂಡು ಒಂದು ಗಂಟೆಯ ಬಳಿಕ ತಲೆ ತೊಳೆಯಬೇಕು. ಈ ರೀತಿ ಮಾಡಿದರೆ ಕೂದಲು ಕಪ್ಪಾಗುವುದರ ಜೊತೆಗೆ ತುಂಬಾ ಕಾಲದವರೆಗೆ ಹೊಳಪನ್ನು ಹೊಂದಿರುತ್ತದೆ.

4. ಮಕ್ಕಳಲ್ಲಿ ಅಕಾಲಿಕ ನೆರೆಯನ್ನು ತಡೆಗಟ್ಟಲು ಹಾಗಲಕಾಯಿ, ನಾರಿನ ಪದಾರ್ಥಗಳನ್ನು ಹೆಚ್ಚಾಗಿ ಸೇವಿಸಬೇಕು. ಬೀಟ್ ರೂಟ್ ರಸ, ಟೀ ಮತ್ತು ಮೆಹಂದಿ ಬೆರೆಸಿ ಹಚ್ಚಿದರೆ ಕೂದಲು ಕಪ್ಪಾಗುವುದರ ಜೊತೆಗೆ ಕೂದಲು ಉದುರುವ ಸಮಸ್ಯೆ ನಿವಾರಣೆಯಾಗಿ, ಕೂದಲು ಸೊಂಪಾಗಿ ಬೆಳೆಯುತ್ತದೆ.