ಗುಲಾಬಿ ಬಣ್ಣದ ತುಟಿಗೆ ಒಂದಿಷ್ಟು ಸರಳೋಪಾಯ

ದಾಳಿಂಬೆಯ ಜಾದೂ

ತುಟಿಗಳ ಮೇಲೆ ದಾಳಿಂಬೆಯು ಮಾಡಬಹುದಾದ ಜಾದೂವನ್ನು ಸ್ವತಃ ಅದರ ಬಣ್ಣವೇ ಸೂಚಿಸುತ್ತದೆ. ಒಂದು ಬಟ್ಟಲಿನಲ್ಲಿ ದಾಳಿಂಬೆಯ ಬೀಜಗಳನ್ನು ಕಲೆಹಾಕಿ ಅವನ್ನು ಚೆನ್ನಾಗಿ ಜಜ್ಜಿರಿ. ತದನಂತರ ಹಾಲಿನ ಕೆನೆಯೊಂದಿಗೆ ಬೆರೆಸಿ ನಿಮ್ಮ ತುಟಿಗಳಿಗೆ ಲೇಪಿಸಿರಿ. ಸ್ವಲ್ಪ ಸಮಯದ ನಂತರ ಇದನ್ನು ತೆಗೆಯಿರಿ. ಇದರ ಫಲಿತಾಂಶವು ನಿಮಗೆ ಕೂಡಲೇ ತಿಳಿಯುತ್ತದೆ. ನಿಯಮಿತವಾಗಿ ಹೀಗೆ ಮಾಡುವುದರಿಂದ ನಿಮ್ಮ ತುಟಿಗಳು ಹೊಳೆಯುವ ಗುಲಾಬಿವರ್ಣವನ್ನು ಪಡೆಯುತ್ತವೆ.

ಕಿತ್ತಳೆ ಹಣ್ಣಿನ ಸಿಪ್ಪೆಯ ಮ್ಯಾಜಿಕ್

ಕಿತ್ತಳೆ ಹಣ್ಣಿನ ಸಿಪ್ಪೆಯನ್ನು ನಯವಾಗಿ ತುಟಿಗಳ ಮೇಲೆ ಉಜ್ಜುವುದರಿಂದ ತುಟಿಯ ಹೊಳಪು ಹೆಚ್ಚಾಗುವುದರ ಜೊತೆಗೆ ತೇವವಾಗಿರಿಸುತ್ತವೆ, ಹಾಗಾಗಿ ಕಿತ್ತಳೆ ಹಣ್ಣನ್ನು ಸೇವಿಸುವಾಗ ಈ ಅಂಶವನ್ನು ನೆನಪಿಸಿಕೊಳ್ಳಿ. ಅಲ್ಲದೆ ಸೌತೆಕಾಯಿಯ ರಸ, ಕ್ಯಾರೆಟ್ ರಸ, ಅಥವಾ ಬೀಟ್ ರೂಟ್‌ರಸದಲ್ಲಿ ಹತ್ತಿಯನ್ನು ನೆನೆಸಿ ನಿಮ್ಮ ತುಟಿಗಳ ಮೇಲೆ ಲೇಪಿಸಿಕೊಂಡರೆ ಕೆಲವೇ ದಿನಗಳಲ್ಲಿ ನಿಮಗೆ ನಿಖರವಾದ ಫಲಿತಾಂಶವು ಕಾಣುತ್ತದೆ.

ಸಕ್ಕರೆ ಹಾಗೂ ಆಲಿವೆ ಎಣ್ಣೆಯ ಮಿಶ್ರಣ

ಸಕ್ಕರೆಯ ಸ್ಪಟಿಕಗಳು ತುಟಿಗಳಿಗೆ ಅತ್ಯುತ್ತಮ scrubbing agents ಗಳೆಂದು ಸಾಬೀತಾಗಿದೆ. ಸ್ವಲ್ಪ ಸಕ್ಕರೆಯನ್ನು ಆಲಿವ್ ಎಣ್ಣೆ ಅಥವಾ ಹಾಲಿನ ಕೆನೆಯೊಂದಿಗೆ ಬೆರೆಸಿರಿ ಹಾಗೂ ಈ ಮಿಶ್ರಣವನ್ನು ನಿಮ್ಮ ತುಟಿಗಳ ಮೇಲೆ ನಯವಾಗಿ ಲೇಪಿಸಿರಿ. ಇದು ನಿಮ್ಮ ತುಟಿಗಳ ನಿರ್ಜೀವ ತ್ವಚೆಯನ್ನು ನಿವಾರಿಸುತ್ತದೆ ಹಾಗೂ ಅದೇ ಸಮಯಕ್ಕೆ ನಿಮ್ಮ ತುಟಿಗಳನ್ನು ತೇವವಾಗಿರಿಸುತ್ತದೆ. ಈ ಮಿಶ್ರಣವನ್ನು ನಿಮ್ಮ ತುಟಿಗಳ ಮೇಲೆ ಹಾಗೆಯೇ ಸ್ವಲ್ಪ ಕಾಲ ಇರಗೊಡಿರಿ ಹಾಗೂ ಸ್ವಲ್ಪ ಸಮಯದ ಬಳಿಕ ನಯವಾಗಿ ಉಜ್ಜಿ ತೆಗೆಯಿರಿ.

ಲಿಂಬೆ ಹಣ್ಣು ಹಾಗೂ ಗ್ಲಿಸಿರಿನ್‌ನ ಮಿಶ್ರಣ

ಪ್ರತಿದಿನ ರಾತ್ರಿ ಮಲಗುವ ಮೊದಲು, ಲಿಂಬೆ ರಸ ಹಾಗೂ ಗ್ಲಿಸಿರಿನ್‌ನ ಮಿಶ್ರಣವನ್ನು ನಿಮ್ಮ ತುಟಿಗಳಿಗೆ ಲೇಪಿಸಿರಿ. ಇದನ್ನು, ರಾತ್ರಿ ಪೂರ್ತಿ ಹಾಗೆಯೇ ಇರಗೊಟ್ಟು, ಮರುದಿನ ಬೆಳಗ್ಗೆ ತೊಳೆಯಿರಿ. ಇದು ನಿಮ್ಮ ತುಟಿಗಳಿಗೆ ಹೊಳಪು ನೀಡಲು ಸಹಕಾರಿಯಾಗಿದೆ.

ಶುಂಠಿಯ ಸ್ಕ್ರಬ್

*ಮೊದಲು ಶುಂಠಿಯನ್ನು ಚೆನ್ನಾಗಿ ತೊಳೆಯಿರಿ.ನಂತರ ಶುಂಠಿಯ ಸಿಪ್ಪೆಯನ್ನು ತೆಗೆದು, ಅದನ್ನು ಸಣ್ಣ ತುಂಡುಗಳಾಗಿ ಮಾಡಿಕೊಳ್ಳಿ.

*ಇನ್ನು ಒಂದು ಸಣ್ಣ ಬಟ್ಟಲನ್ನು ತೆಗೆದುಕೊಳ್ಳಿ ಮತ್ತು ಅದಕ್ಕೆ ಕಂದು ಸಕ್ಕರೆಯನ್ನು ಅಗತ್ಯ ಪ್ರಮಾಣದಲ್ಲಿ ಹಾಕಿ. ಈಗ ಅದಕ್ಕೆ ಶುಂಠಿಯ ತುಂಡುಗಳನ್ನು ಹಾಕಿ, ಜೊತೆಗೆ ಜೇನು ತುಪ್ಪವನ್ನು ಬೆರೆಸಿ.

*ಇದಾದ ಮೇಲೆ ಶುಂಠಿ ಜೇನುತುಪ್ಪದ ಮಿಶ್ರಣವನ್ನು ತುಟಿಗಳಿಗೆ ಲೇಪಿಸಿ. ಇದಕ್ಕೆ ಬದಲಿಯಾಗಿ ನೀವು ಟೂಥ್‌ಬ್ರಷ್ ಸಹ ಬಳಸಬಹುದು.

*ಮಿಶ್ರಣವನ್ನು ಲೇಪಿಸುವಾಗ ವೃತ್ತಾಕಾರವಾಗಿ ಲೇಪಿಸಿ.

*ಇದೆಲ್ಲ ಮುಗಿದ ಮೇಲೆ ಒಂದು ಹಳೆ ಟವೆಲ್ ಅಥವಾ ಟಿಶ್ಯೂ ಪೇಪರ್ ತೆಗೆದುಕೊಂಡು, ಮಿಶ್ರಣವನ್ನು ಸ್ವಚ್ಛಗೊಳಿಸಿ.

*ಈ ಟಾನಿಕನ್ನು ವಾರಕ್ಕೊಮ್ಮೆ ಬಳಸಿ, ಹೊಳೆಯುವ ಮೃದುವಾದ ತುಟಿಗಳನ್ನು ನಿಮ್ಮದಾಗಿಸಿಕೊಳ್ಳಿ.