ಈ ಎಣ್ಣೆಗಳಿರುವಾಗ ಸನ್ ಟ್ಯಾನ್ ಚಿಂತೆ ಏಕೆ?

Updated: Wednesday, February 27, 2013, 10:45 [IST]

ಮಾರ್ಚ್ ನಿಂದ ಮೇ ತಿಂಗಳವರೆಗೆ ಹಗಲು 10ರಿಂದ ಸಂಜೆ 3 ಗಂಟೆವರೆಗೆ ಬಳಿಕ ಉರಿ ಬಿಸಿಲಿರುತ್ತದೆ. ಬರೀ ಬಿಸಿಲಿನಲ್ಲಿ ಓಡಾಡಲು ಆಗುವುದಿಲ್ಲ. ಬಿಸಿಲಿನಲ್ಲಿ ಸ್ವಲ್ಪ ನಡೆದರೂ ಮುಖವೆಲ್ಲಾ ಕೆಂಪಾಗಿ ಕಪ್ಪಗಾಗಿ ಹೋಗುತ್ತದೆ. ಸನ್ ಟ್ಯಾನ್ ಉಂಟಾದರೆ ಅದು ಹೋಗಲು ಒಂದು ವಾರ ಕಾಲ ಬೇಕು. ತುಂಬಾ ಟ್ಯಾನ್ ಉಂಟಾದರೆ 1 ತಿಂಗಳಾದರೂ ಬೇಕು.

ಯಾವ ಕ್ರೀಮ್ ಹಚ್ಚಿದರೂ ಸನ್ ಟ್ಯಾನ್ ಬೇಗನೆ ಹೋಗುವುದಿಲ್ಲ. ಆದ್ದರಿಂದ ಬಿಸಿಲಿಗೆ ಹೋಗುವಾಗ ಸನ್ ಸ್ಕ್ರೀನ್ ಲೋಷನ್ ಹಚ್ಚಿ. ಟ್ರಕ್ಕಿಂಗ್, ಬೀಚ್, ಟ್ರಿಪ್ ಅಂತ ಹೋದಾಗ ಸನ್ ಟ್ಯಾನ್ ಉಂಟಾಗದಂತೆ ಎಚ್ಚರಿಕೆವಹಿಸಿ. ಈ ಕೆಳಗಿನ ಎಣ್ಣೆಯಲ್ಲಿ ನಿಮಗೆ ಇಷ್ಟವಾದ ಎಣ್ಣೆಯಿಂದ ಮಸಾಜ್ ಮಾಡಿ. ಏಕೆಂದರೆ ಇವು ಸನ್ ಟ್ಯಾನ್ ಉಂಟಾಗದಂತೆ ತಡೆಯುತ್ತದೆ ಹಾಗೂ ಒಂದು ವೇಳೆ ಸನ್ ಟ್ಯಾನ್ ಉಂಟಾಗಿದ್ದರೆ ಬೇಗನೆ ಹೋಗಲಾಡಿಸುತ್ತದೆ.

ಸಾಸಿವೆ ಎಣ್ಣೆ

ಸಾಸಿವೆ ಎಣ್ಣೆ ತ್ವಚೆಗೆ ಕಾಂತಿಯನ್ನು ನೀಡುತ್ತದೆ. ಸನ್ ಟ್ಯಾನ್ ಉಂಟಾದರೆ ಸಾಸಿವೆ ಎಣ್ಣೆಯಿಂದ ಮಸಾಜ್ ಮಾಡಿದರೆ ತ್ವಚೆ ಸಾಮಾನ್ಯ ಸ್ಥಿತಿಗೆ ಬರುತ್ತದೆ. ಮಕ್ಕಳಿಗೆ ಮಸಾಜ್ ಮಾಡಲು ಈ ಎಣ್ಣೆಯನ್ನು ಬಳಸಬಹುದು.

ಸೂರ್ಯಕಾಂತಿ ಎಣ್ಣೆ

ಸೂರ್ಯಕಾಂತಿ ಎಣ್ಣೆಯಿಂದ ಮಸಾಜ್ ಮಾಡಿದರೆ ಸನ್ ಟ್ಯಾನ್ ಕಡಿಮೆಯಾಗುವುದು. ಇದರಿಂದ ಮಸಾಜ್ ಮಾಡಿದರೆ ತ್ವಚೆಯ ಹೊಳಪು ಹೆಚ್ಚುವುದು.

ಆಲೀವ್ ಎಣ್ಣೆ

ಆಲೀವ್ ಎಣ್ಣೆಯಲ್ಲಿ ವಿಟಮಿನ್ ಇ ಇರುವುದಿಂದ ತ್ವಚೆಗೆ ತುಂಬಾ ಒಳ್ಳೆಯದು. ಬಿಸಿಲು ತಾಗಿ ಮುಖ ಕಪ್ಪಾಗಿದ್ದರೆ ಈ ಎಣ್ಣೆಯನ್ನು ಹಚ್ಚಿದರೆ ಸಾಕು ಕಪ್ಪು ಕಲೆಗಳು ಕಡಿಮೆಯಾಗಿ ತ್ವಚೆಯ ಸೌಂದರ್ಯ ಹೆಚ್ಚುವುದು.

ತೆಂಗಿನೆಣ್ಣೆ

ತೆಂಗಿನೆಣ್ಣೆ ಕೂಡ ತ್ವಚೆಗೆ ಸೂಕ್ತವಾದ ಎಣ್ಣೆಯಾಗಿದೆ. ಇದರಿಂದ ಮಸಾಜ್ ಮಾಡಿದರೆ ತ್ವಚೆಯನ್ನು ಮಾಯಿಶ್ಚರೈಸರ್ ಆಗಿ ಇಡುವುದರಿಂದ ಬಿಸಿಲಿಗೆ ಹೋದರೆ ಬೇಗನೆ ಸನ್ ಟ್ಯಾನ್ ಉಂಟಾಗುವುದಿಲ್ಲ, ಮುಖ ಕಂದಿದ್ದರೆ ಇದನ್ನು ಹಚ್ಚಿ ಸರಿ ಪಡಿಸಬಹುದು.