ಕಡಿಮೆ ಕ್ಯಾಲೋರಿಯ 15 ಭಾರತೀಯ ಆಹಾರಗಳು!

ಮಜ್ಜಿಗೆ

ಊಟದ ಅಂತ್ಯದಲ್ಲಿ ಮಜ್ಜಿಗೆಗೆ ಸ್ವಲ್ಪ ಅನ್ನ ಹಾಕಿಕೊಂಡು ತಿಂದಾಗ ಮಾತ್ರ ಊಟ ಮುಗಿತು ಎಂಬ ಸಂಪ್ರದಾಯ ರೂಢಿಸಿಕೊಂಡಿರುವ ಭಾರತೀಯ ಕುಟುಂಬಗಳು ಇಂದಿಗೂ ಇವೆ.

ಕ್ಯಾಲೋರಿ ಅಂಶ - ಒಂದು ಲೋಟ ಮಜ್ಜಿಗೆಯಲ್ಲಿ 30

ರಾಗಿ ದೋಸೆ ಮತ್ತು ರಾಗಿ ಮುದ್ದೆ

ಇದು ದಕ್ಷಿಣ ಭಾರತದಲ್ಲಿ ಜನಪ್ರಿಯ ಡಿಶ್, ಇದನ್ನು ಅಕ್ಕಿಯಿಂದಲ್ಲ ರಾಗಿಯಿಂದ ಸಿದ್ದ ಮಾಡಲಾಗುತ್ತದೆ. ದೋಸೆ ಪ್ರೇಮಿಗಳ ಮನಗೆದ್ದ ಆಹಾರ ಇದಾಗಿದೆ.

ಕ್ಯಾಲೋರಿ ಅಂಶ - 87

ಓಟ್ಸ್ ಇಡ್ಲಿ

ಬೆಳಗಿನ ತಿಂಡಿಗೆ ಇಡ್ಲಿ ಹೇಳಿ ಮಾಡಿಸಿದ್ದು. ಇದೂ ಕೂಡ ದಕ್ಷಿಣ ಭಾರತದ ಅತ್ಯಂತ ಜನಪ್ರಿಯ ಉಪಹಾರವಾಗಿದೆ, ಅದರಲ್ಲಿ ಇದರ ಜೊತೆಗ ಸಾಂಬಾರ್ ಇದ್ದರೆ ಅದರ ಮಜವೇ ಬೇರೆ. ಆರೋಗ್ಯದ ಕಡೆಗೆ ನಿಮಗೆ ಹೆಚ್ಚು ಆಸಕ್ತಿ ಇದ್ದರೆ ಓಟ್ಸ್ ಇಡ್ಲಿಗಳನ್ನು ಸಿದ್ದ ಮಾಡಿಕೊಳ್ಳಿ, ಇದು ಆರೋಗ್ಯಕರ ಹಾಗೂ ಬೆಳಗಿನ ಉಪಹಾರಕ್ಕೆ ರುಚಿರುಚಿಯಾಗಿರುತ್ತದೆ.

ಕ್ಯಾಲೋರಿ ಅಂಶ - ಒಂದು ಇಡ್ಲಿಯಲ್ಲಿ 26

ಚಿಕನ್ ಟಿಕ್ಕ

ವಿದೇಶಿ ಸ್ಪರ್ಶ ಹೊಂದಿರುವ ಚಿಕನ್ ಟಿಕ್ಕಗೆ ಹೆಚ್ಚಿನ ವಿವರಣೆ ಬೇಕಾಗಿಲ್ಲ ಅನ್ನಿಸುತ್ತದೆ. ಚಿಕನ್ ಟಿಕ್ಕ ಮಸಾಲಗಿಂತಲೂ ಇದು ಹೆಚ್ಚು ಆರೋಗ್ಯಕರವಾದದ್ದು.ಕ್ಯಾಲೋರಿ ಅಂಶ - ಒಂದು ಪ್ಲೇಟ್ ನಲ್ಲಿ 273

ಬೇಳೆ ಸಾರು

ಎಲ್ಲಾ ಭಾರತೀಯರು ಬೇಳೆ ಸಾರು ಹಾಗೂ ಅನ್ನ ಇಷ್ಟಪಡುತ್ತಾರೆ. ಇದು ಹೆಚ್ಚು ಆರೋಗ್ಯಕರ ಹಾಗೂ ಇದು ಬಡವರ ತಿನ್ನುವ ಆಹಾರ ಎಂಬ ಭಾವನೆ ಬೇಡ.

ಕ್ಯಾಲೋರಿ ಅಂಶ - ಒಂದು ಸಣ್ಣ ಕಪ್ ನಲ್ಲಿ 118

ಹಪ್ಪಳ

ಇದನ್ನು ಎಣ್ಣೆಯಲ್ಲಿ ಅಥವಾ ಕೆಂಡದ ಮೇಲೆ ಹಾಗೂ ಗ್ಯಾಸ್ ಸ್ಟೌವ್ ಉರಿಯಲ್ಲೂ , ಮೈಕ್ರೋ ಓವನ್ ನಲ್ಲಿ ಎಣ್ಣೆ ಇಲ್ಲದೆ ಉರಿಯಬಹುದು. ಇದು ತನ್ನಲು ತುಂಬಾ ಕ್ರಿಸ್ಪಿ ಹಾಗೂ ರುಚಿಯಾಗಿರುತ್ತದೆ.

ಕ್ಯಾಲೋರಿ ಅಂಶ - ಒಂದು ಹಪ್ಪಳದಲ್ಲಿ 52

ತಂದೂರಿ ರೋಟಿ

ಇದು ಗೋದಿಯಿಂದ ಸಿದ್ದ ಮಾಡುವಂತದ್ದು, ಮಣ್ಣಿನ ಒಲೆಯಲ್ಲಿ ಇದನ್ನು ತಯಾರು ಮಾಡಲಾಗುವುದರಿಂದ ಇದರ ರುಚಿ ಬಾಯಿ ಚಪ್ಪರಿಸುವಂತಿರುತ್ತದೆ. ಭಾರತೀಯ ಸಾಂಬಾರ್ ಹಾಗೂ ತಂದೂರಿ ಚಿಕನ್ ಜೊತೆಗೆ ಇದು ಬಹಳ ಮಜಬೂತಾದ ಆಹಾರ.

ಕ್ಯಾಲೋರಿ ಅಂಶ - ಒಂದು ತಂದೂರಿ ರೋಟಿಯಲ್ಲಿ 102

ತಂದೂರಿ ಚಿಕನ್

ಭಾರತೀಯ ಆಹಾರದಲ್ಲಿ ತಂದೂರಿ ಚಿಕನ್ ಇಲ್ಲದಿದ್ದರೆ ಅದು ಪರಿಪೂರ್ಣವಾಗುವುದಿಲ್ಲ.ಇದಕ್ಕೆ ವಿಶ್ವದಾದ್ಯಂತ ಪ್ರೇಮಿಗಳಿರುವುದರಿಂದ ಎಲ್ಲರ ಮೆಚ್ಚಿನ ಖಾದ್ಯ ಇದಾಗಿದೆ.

ಕ್ಯಾಲೋರಿ ಅಂಶ - ಒಂದು ತುಂಡಿಗೆ 273

ಮಿಶ್ರ ತರಕಾರಿ ಸಾಂಬಾರ್

ತರಕಾರಿ ಸಾರು ರುಚಿ ಇಲ್ಲ ಎಂದು ಯಾರೂ ಹೇಳಲು ಸಾಧ್ಯವಿಲ್ಲ.ಆದರೆ ಸಿದ್ದ ಮಾಡುವಾಗ ಒಂದು ಟೆಬಲ್ ಸ್ಫೂನ್ ಎಣ್ಣಿಯನ್ನು ಮಾತ್ರ ಬಳಸಿ.

ಕ್ಯಾಲೋರಿ ಅಂಶ - 100 ಗ್ರಾಂ.ಗೆ 95

ಮೀಮೀನು ಸಾರು

ಭಾರತ ದೇಶ ಭೌಗೋಳಿಕವಾಗಿ ಮೂರು ದಿಕ್ಕಿನಿಂದಲೂ ಸಮುದ್ರದಿಂದ ಆವರಿಸಲ್ಪಟ್ಟಿರುವ ದೇಶವಾಗಿರುವ ಫಲವೇ ವಿಧವಿಧವಾದ ಸಮುದ್ರಾಹಾರಗಳು ನಮ್ಮಲ್ಲಿ ಸಿದ್ದವಾಗುತ್ತವೆ. ಮೀನು ಸಾರನ್ನು ಕಡಿಮೆ ಎಣ್ಣೆ ಬಳಸಿ ಒಳ್ಳೇ ಮಸಾಲೆ ಹಾಕಿ ಮಾಡಿದ್ರೆ ಬಹಳ ರುಚಿಯಾಗಿರುತ್ತದೆ.

ಕ್ಯಾಲೋರಿ ಅಂಶ - ಸಣ್ಣ ಕಪ್ ಸಾರಿನಲ್ಲಿ 323

ಮೊಳಕೆ ಕಾಳಿನ ಸಲಾಡ್

ಮೊಳಕೆ ಬಂದ ಕಾಳುಗಳು ಹೆಚ್ಚು ಆರೋಗ್ಯಕರವಾದದ್ದು,ಈ ಪಲ್ಯ ಅಥವಾ ಸಲಾಡಿಗೆ ಸ್ವಲ್ಪ ನಿಂಬೆ ರಸ ಹಾಗೂ ಚಿಟಕಿ ಉಪ್ಪು ಬೆರೆಸಿದರೆ ಅದ್ಭುತವಾಗಿರುತ್ತದೆ.

ಕ್ಯಾಲೋರಿ ಅಂಶ - 100. ಗ್ರಾಂ.ಗೆ 93

ಮೊಸರು ಬಜ್ಜಿ

ಖಾರದ ಊಟ ಇದ್ದರಂತು ಜೊತೆಗೆ ಸೌತೇಕಾಯಿಯ ಮೊಸರು ಬಜ್ಜಿ ಇದ್ದರೆ ಆ ಕಾಂಬಿನೇಶನ್ ಸಕತ್ ಮಜಾ ಕೊಡುತ್ತೆ. ಖಾರದ ಜೊತೆಗೆ ಮೊಸರು ಮಿಶ್ರಿತ ಸೌತೇಕಾಯಿ ಚಟ್ನಿ ದೇಹಕ್ಕೂ ತಂಪಾಗಿರುತ್ತದೆ.

ಕ್ಯಾಲೋರಿ ಅಂಶ - ಸಣ್ಣ ಕಪ್ ನಲ್ಲಿ 38

ಪಾಲಾಕ್ ಪನ್ನೀರ್

ಪಾಲಾಕಿನಲ್ಲಿ ಕಬ್ಬಿಣದ ಅಂಶ ಹೆಚ್ಚಾಗಿರುತ್ತದೆ ಹಾಗೂ ಪನ್ನೀರ್ ಆರೋಗ್ಯಕರ ಡೈರಿ ಪ್ರಾಡೆಕ್ಟ್ ಆಗಿದೆ. ಇದನ್ನು ಯಾವಾಗ ಬೇಕಾದರೂ ಸಸ್ಯಹಾರ ಹಾಗೂ ಮಾಂಸಹಾರದೊಂದಗೆ ಉಪಯೋಗಿಸಬಹುದು.

ಕ್ಯಾಲೋರಿ ಅಂಶ - ಒಂದು ಕಪ್ ಗೆ 189

ರಸಂ

ಇದು ದಕ್ಷಿಣ ಭಾರತೀಯರ ಮೆಚ್ಚುಗೆಯ ಡಿಶ್ ಆಗಿದೆ. ಅನೇಕ ರೀತಿಯ ಮಸಾಲೆ ಪದಾರ್ಥಗಳನ್ನು ಬಳಸಿ ವಿಭಿನ್ನವಾದ ರುಚಿಕರವಾದ ರಸಂ ಮಾಡಬಹುದು.ಇದು ಪಚನ ಕ್ರಿಯೆಗೂ ಉಪಯುಕ್ತವಾದದ್ದು.

ಕ್ಯಾಲೋರಿ ಅಂಶ - ಒಂದು ಸಣ್ಣ ಕಪ್ ಗೆ 60

ದೋಕ್ಲಾ

ಇದು ಗುಜರಾತ್ ರಾಜ್ಯದವರ ಮೆಚ್ಚನ ಆಹಾರ. ಇದನ್ನು ಹುರಿದ ಕಾಳುಗಳ ಹಿಟ್ಟಿನ್ನು ಬಳಸಿ ಸಿದ್ದ ಮಾಡಲಾಗುತ್ತದೆ.

ಕ್ಯಾಲೋರಿ ಅಂಶ - 22

ಚಿತ್ರಾನ್ನ

ಇದೊಂದು ಸಾಧಾರಣವಾದ ಡಿಶ್, ಹೆಚ್ಚು ಖಾರ ಹಾಗೂ ಎಣ್ಣೆ ಬೇಕಾಗಿಲ್ಲ. ಆರೋಗ್ಯಕರವೂ ಆಗಿದೆ.

ಕ್ಯಾಲೋರಿ ಅಂಶ - 185