ಬಿಸಿ-ಬಿಸಿ ಅಪ್ಪುಗೆಯಲ್ಲಿ ಅಡಗಿದೆ ಹತ್ತಾರು ಪ್ರಯೋಜನ

ಒಂದು ಬಿಸಿ ಅಪ್ಪುಗೆ ನಮ್ಮ ಪ್ರೀತಿಪಾತ್ರರಿಂದ ಪಡೆಯಬೇಕೆಂಬ ಆಸೆ ಯಾರಿಗೆ ಇರುವುದಿಲ್ಲ. ಅಮ್ಮ-ಅಪ್ಪನ ಅಪ್ಪುಗೆ ಮಗುವಿಗೆ, ಸಂಗಾತಿಯ ಅಪ್ಪುಗೆ, ಸ್ನೇಹಿತರ ಅಪ್ಪುಗೆ ಹೀಗೆ ಪ್ರತಿ ಅಪ್ಪುಗೆಗೂ ಪದಗಳಿಗೆ ನಿಲುಕದ ಹಲವು ಭಾವನೆಗಳು ಇರುತ್ತವೆ. ವೈದ್ಯರು ಮತ್ತು ಮನೋವಿಜ್ಞಾನಿಗಳು ಸಹ ಅಪ್ಪುಗೆಯ ಪರ ವಕಾಲತ್ತು ವಹಿಸುತ್ತಾರೆ ಎಂದರೆ, ಅಪ್ಪುಗೆಗೆ ನಮಗೆ ತಿಳಿಯದ ಹಲವಾರು ಮಹತ್ವಗಳು ಇರುತ್ತವೆ.

ಮನೋವಿಜ್ಞಾನಿಯೊಬ್ಬರ ಪ್ರಕಾರ "ಸ್ಪರ್ಶ ಎಂಬುದು ನಾವು ಅನುಭವಿಸುವ ಮೊದಲ ಸಂವೇದನೆ, ಇದು ನಾವು ವೀಕ್ಷಿಸುವುದನ್ನು ಕಲಿಯುವ ಮೊದಲು ಅಥವಾ ಮಾತನಾಡುವ ಮೊದಲೇ ನಮಗೆ ಕರಗತವಾಗಿರುತ್ತದೆ".

ಅಪ್ಪುಗೆಯು ಸಹ ಒಂದು ಸಂವಹನ, ತ್ವಚೆಗೆ ತ್ವಚೆಗೆ ಬೆಸೆದುಕೊಂಡರೆ ಮಗು ಮತ್ತು ತಾಯಿಯ ನಡುವೆ ಸಂಬಂಧ ಸದೃಢವಾಗುತ್ತಾ ಸಾಗುತ್ತದೆ. ಹೀಗೆ ಇದೇ ನೆನಪು ಎಂದಿಗೂ ಮಗುವಿನ ಜೊತೆಗೆ ಉಳಿದುಕೊಳ್ಳುತ್ತದೆ.

ಅಪ್ಪುಗೆ ಎಂಬುದು ಕೇವಲ ದೈಹಿಕ ಸ್ಪರ್ಶವಲ್ಲ, ಮಾತುಗಳು ಹೇಳಲು ಆಗದೆ ಇರುವ ಅನೇಕ ಸಂಗತಿಗಳನ್ನು ಅಪ್ಪುಗೆಯು ತಿಳಿಸಿಬಿಡುತ್ತದೆ. ಅಪ್ಪಿಕೊಳ್ಳಲು ಸಹ ಜಿಪುಣತನ ಮಾಡುವುದು ಬೇಡ. ನಿಮ್ಮ ಪ್ರೀತಿ ಪಾತ್ರರನ್ನು ಅಥವಾ ಸಂಗಾತಿಯನ್ನು ಅಪ್ಪಿಕೊಳ್ಳಲು ನಾವು ಹಲವಾರು ಕಾರಣಗಳನ್ನು ನಿಮಗೆ ನೀಡುತ್ತೇವೆ. ಓದಿ, ಹೋಗಿ ನಿಮ್ಮ ಸಂಗಾತಿಗೆ ಒಂದು ಬಿಸಿ ಅಪ್ಪುಗೆ ನೀಡಿ.