ಬಾಯ್‌ಫ್ರೆಂಡ್‌ ಪ್ರೇತಾತ್ಮ ಮದುವೆಯಾದ ಯುವತಿ, ಹೃದಯ ಭಾರವಾಗಿಸುತ್ತೆ ಇವರ ಲವ್‌ ಸ್ಟೋರಿ

ಕೆಲವೊಂದು ಪ್ರೀತಿ ನೋಡುವಾಗ ನಾವು ಓದಿದ ರೋಮಿಯೋ ಜೂಲಿಯಟ್‌ಗಿಂತ ಈ ಜೋಡಿ ಪ್ರೀತಿ ಹೆಚ್ಚು ಎಂದನಿಸುವುದು, ಇಂಥ ಒಳ್ಳೆಯ ಜೋಡಿಯನ್ನು ಜೊತೆಯಾಗಿ ಬದುಕಲು ಬಿಡದ ಆ ವಿಧಿ ಎಷ್ಟೊಂದು ಕ್ರೂರಿ ಅನಿಸುವುದು, ಕೆಲವರು ಪ್ರೀತಿಸಿ ಮದುವೆಯಾಗಿ ಬೇರೆಯಾದರೆ, ಉಸಿರು ನಿಂತರೂ ನಿನ್ನ ಜೊತೆಯೇ ಬಾಳುತ್ತೇನೆ ಎನ್ನುವವರನ್ನು ಆ ವಿಧಿ ಜೊತೆಗೆ ಬಾಳಲು ಬಿಡುವುದಿಲ್ಲ. ಈ ಕತೆಯೂ ಅದೇ ರೀತಿ ಇದೆ, ಈ ಹುಡುಗಿ ತಾನು ಜೀವಕ್ಕಿಂತ ಹೆಚ್ಚು ಪ್ರೀತಿಸಿದ ಪ್ರಿಯತಮನ ಜೊತೆ ಮದುವೆಯಾಗಿದ್ದಾಳೆ, ಆದರೆ ಅವಳು ಮದುವೆಯಾಗಿರುವುದು ಅವನನ್ನಲ್ಲ, ಅವನ ಪ್ರೇತವನ್ನು!

ಇಂಥ ಒಂದು ಮದುವೆಗೆ, ಅಮರ ಪ್ರೀತಿಗೆ ಸಾಕ್ಷಿಯಾಗಿರುವುದು ತೈವಾನ್. ಒಂದು ಭೀಕರ ಅಪಘಾತದಲ್ಲಿ ಆಕೆಯ ಪ್ರಿಯತಮ ಸತ್ತು ಹೋಗುತ್ತಾನೆ, ಆ ಸಂದರ್ಭದಲ್ಲಿ ಈಕೆಯೂ ಆತನ ಜೊತೆ ಇದ್ದಳು ಆದರೆ ಈಕೆ ಮಾತ್ರ ಪ್ರಾಣಾಪಾಯದಿಂದ ಪಾರಾಗುತ್ತಾಳೆ. ಆತನಿಲ್ಲ ಎಂದು ತಿಳಿಯುತ್ತಿದ್ದಂತೆ ಈ ಹುಡುಗಿಗೆ ಆತನಿಲ್ಲದ ಬದುಕು ಸಹಿಸಲು ಸಾಧ್ಯವೇ ಆಗುವುದಿಲ್ಲ. ಪ್ರತಿದಿನ ಅವನ ನೆನಪಿನಲ್ಲಿರುತ್ತಾಳೆ.

ಸ್ವಲ್ಪ ದಿನವಾದ ಬಳಿಕ ನಾನು ಮದುವೆಯಾಗುವ ನಿರ್ಧಾರಕ್ಕೆ ಬರುತ್ತಾಳೆ, ಆದರೆ ಆಕೆ ತೆಗೆದುಕೊಂಡ ನಿರ್ದಾರ ನೋಡಿ, ಮನೆಯವರು, ಆಕೆಯ ಸ್ನೇಹಿತರು ಬೆಚ್ಚಿ ಬೀಳುತ್ತಾರೆ, ಏಕೆಂದರೆ ಆಕೆ ಪ್ರೇತಾತ್ಮ ಜೊತೆ ಮದುವೆಯಾಗುತ್ತೇನೆ, ನನ್ನ ಬಾಯ್‌ಫ್ರೆಂಡ್‌ ಜೀವಂತವಾಗಿ ಇರದಿರಬಹುದು, ಆದರೆ ಆತನ ಪ್ರೇತಾತ್ಮ ಎಂಬುವುದು ಇದೆ ಎಂದು ನಂಬುತ್ತೇನೆ, ಹಾಗಾಗಿ ಪ್ರೇತಾತ್ಮ ಜೊತೆ ಮದುವೆಯಾಗುತ್ತೇನೆ ಎಂದು ಹೇಳುತ್ತಾಳೆ.

ಆಕೆಯ ಹೆಸರು ಜೂ ಇದೇ ಜುಲೈ 15ಕ್ಕೆ ಅವಳ ಬದುಕಿನಲ್ಲ ಕರಳಾ ಘಟನೆ ನಡೆಯಿತು, ಆಕೆಯ ಉಸಿರಾಗಿದ್ದ ಬಾಯ್‌ಫ್ರೆಂಡ್‌ನ ಕಳೆದುಕೊಂಡಳು, ಇದೀಗ ಆತನ ಜೊತೆ ಮದುವೆಯಾಗುವ ನಿರ್ಧಾರ ಮಾಡಿದ್ದು ಯಾರು ಏನೇ ಹೇಳಿದರೂ ಹಿಂದೆ ಸರಿಯುತ್ತಿಲ್ಲ, ಹೀಗಾಗಿ ಎಲ್ಲರೂ ಇವಳ ಹಠದ ಮುಂದೆ ಸೋತಿದ್ದಾರೆ, ಪ್ರೇತ ಜೊತೆಗೆ ಮದುವೆ ಮಾಡಿಸಲು ಒಪ್ಪಿಕೊಂಡಿದ್ದಾರೆ, ಇವರ ಬದುಕಿನಲ್ಲಿ ವಿಧಿ ಆಟವಾಡಿರಬಹುದು, ಆದರೆ ಆ ಕ್ರೂರ ವಿಧಿಗೂ ಇವರ ಪ್ರೀತಿ ಕೊಲ್ಲಲು ಸಾಧ್ಯವಾಗಿಲ್ಲ, ಈ ಜೋಡಿಯ ಪ್ರೀತಿ ಗೆದ್ದಿದೆ.

ಇಲ್ಲ ಎಂದರೂ ಇರುವಂತೆ ಕಲ್ಪನೆಯಲ್ಲಿ ಜೀವಿಸುವವರು ಹಲವರು ಇದ್ದಾರೆ
ತಮಗೆ ಅತ್ಯಾಪ್ತವಾದ ವ್ಯಕ್ತಿ ತೀರಿ ಹೋದಾಗ ಅದನ್ನು ಸ್ವೀಕರಿಸಲು ಮನಸ್ಸು ಸಿದ್ಧವಿರಲ್ಲ, ಅವರು ನಮ್ಮ ಜೊತೆ ಇಲ್ಲವಾದರೂ ಅವರು ಇನ್ನೂ ಇದ್ದಾರೆ ಕಲ್ಪಿಸಿ ಬಾಳುವ ಎಷ್ಟೋ ಜನರಿದ್ದಾರೆ. ಕಳೆದುಕೊಂಡ ಮಕ್ಕಳನ್ನು, ಕಳೆದುಕೊಂಡ ತಾಯಿ, ತಂದೆ, ಸಂಗಾತಿ ಹೀಗೆ ಅವರ ನೆನಪಿನಲ್ಲಿ ಬಾಳುವವರು ಅನೇಕರಿದ್ದಾರೆ.