ಎಆರ್‌ ರಹಮಾನ್ ಬೆಂಗಳೂರು ಕಾನ್ಸರ್ಟ್: ಮೆಟ್ರೋ ಟೈಮಿಂಗ್ಸ್ ಮತ್ತು ಸುರಕ್ಷಿತವಾಗಿ ಮನೆ ಸೇರಲು ಇಲ್ಲಿದೆ ಪಕ್ಕಾ ಪ್ಲಾನ್!

ಇಂದು ರಾತ್ರಿ (ಅಕ್ಟೋಬರ್ 3) ವೈಟ್‌ಫೀಲ್ಡ್‌ನ KTPO ಗ್ರೌಂಡ್‌ನಲ್ಲಿ ಎಆರ್‌ ರಹಮಾನ್ ಲೈವ್ ಕಾನ್ಸರ್ಟ್‌ ನಡೆಯಲಿದೆ. ಸಂಗೀತ ಪ್ರಿಯರ ಅನುಕೂಲಕ್ಕಾಗಿ ಬಿಎಂಆರ್‌ಸಿಎಲ್‌ 'ನಮ್ಮ ಮೆಟ್ರೋ' ಸೇವೆಯನ್ನು ಮಧ್ಯರಾತ್ರಿಯವರೆಗೂ ವಿಸ್ತರಿಸಿದೆ. ಯಾವುದೇ ಕಿರಿಕಿರಿಯಿಲ್ಲದೆ, ಕಡಿಮೆ ಖರ್ಚಿನಲ್ಲಿ, ಮಳೆಯಿಂದ ತೊಂದರೆಯಾಗದಂತೆ ಈ ಇವೆಂಟ್ ಎಂಜಾಯ್ ಮಾಡುವುದು ಹೇಗೆ? ನಿಮಗಾಗಿ ಮೆಟ್ರೋ ರೈಲುಗಳ ಟೈಮಿಂಗ್ಸ್, ಗೇಟ್ ವಿವರ, ಭೇಟಿಯಾಗುವ ಸ್ಥಳ ಹಾಗೂ ಸುರಕ್ಷತೆಯ ಪೂರ್ಣ ಪ್ಲಾನ್‌ ಇಲ್ಲಿದೆ.

ಇಂದು ರಾತ್ರಿ ಪರ್ಪಲ್, ಗ್ರೀನ್ ಮತ್ತು ಯೆಲ್ಲೋ ಲೈನ್‌ಗಳಲ್ಲಿ ಬಿಎಂಆರ್‌ಸಿಎಲ್ ಹೆಚ್ಚುವರಿ ಮೆಟ್ರೋ ರೈಲುಗಳ ಸೇವೆ ಒದಗಿಸುತ್ತಿದೆ. ಕೊನೆಯ ರೈಲುಗಳು ಹೊರಡುವ ಸಮಯದ ಪಟ್ಟಿ ಕೆಳಗಿದೆ. ಮೆಜೆಸ್ಟಿಕ್‌ನಿಂದ ಕನೆಕ್ಟಿಂಗ್ ರೈಲು ರಾತ್ರಿ 12:55ಕ್ಕೆ ಲಭ್ಯವಿರಲಿದೆ. ನೂಕುನುಗ್ಗಲು ತಪ್ಪಿಸಲು ಪ್ಲಾಟ್‌ಫಾರ್ಮ್‌ಗೆ 10 ನಿಮಿಷ ಮುಂಚಿತವಾಗಿ ತಲುಪಿ. ಗೇಟ್‌ಗಳಲ್ಲಿ ವೇಗವಾಗಿ ಸಾಗಲು ಕ್ಯೂಆರ್‌ ಟಿಕೆಟ್‌ ಅಥವಾ ಸ್ಮಾರ್ಟ್‌ ಕಾರ್ಡ್‌ಗಳನ್ನು ರೆಡಿ ಇಟ್ಟುಕೊಳ್ಳಿ.

ಎಆರ್‌ ರಹಮಾನ್ ಬೆಂಗಳೂರು ಕಾನ್ಸರ್ಟ್‌: 'ನಮ್ಮ ಮೆಟ್ರೋ' ಕೊನೆಯ ರೈಲುಗಳ ಸಮಯ ಹೀಗಿದೆ

ಜನದಟ್ಟಣೆಯಲ್ಲಿ ಒಬ್ಬರನ್ನೊಬ್ಬರು ತಪ್ಪಿಸಿಕೊಂಡರೆ ಭೇಟಿಯಾಗಲು KTPO ಗೇಟ್‌ ಮ್ಯಾಪ್‌ ಬಳಸಿ ಒಂದು ನಿರ್ದಿಷ್ಟ ಸ್ಥಳವನ್ನು ಮೊದಲೇ ನಿಗದಿಪಡಿಸಿಕೊಳ್ಳಿ. ಇಲ್ಲಿ A ಯಿಂದ D ವರೆಗೆ ಗೇಟ್‌ಗಳಿದ್ದು, ಬಲಬದಿಯಲ್ಲಿ ರಿಜಿಸ್ಟ್ರೇಷನ್‌ ಡೆಸ್ಕ್‌ಗಳಿವೆ. ಬಲಬದಿಯ ರಿಜಿಸ್ಟ್ರೇಷನ್ ಡೆಸ್ಕ್ ಮೂಲೆಯನ್ನು ಭೇಟಿಯಾಗುವ ಜಾಗವನ್ನಾಗಿ ಆಯ್ಕೆ ಮಾಡಿಕೊಳ್ಳುವುದು ಸೂಕ್ತ. ಕಾನ್ಸರ್ಟ್ ನಡೆಯುವ ಸ್ಥಳಕ್ಕೆ ಹತ್ತಿರದ ಮೆಟ್ರೋ ನಿಲ್ದಾಣಗಳೆಂದರೆ ನಲ್ಲೂರುಹಳ್ಳಿ ಅಥವಾ ಶ್ರೀ ಸತ್ಯಸಾಯಿ ಹಾಸ್ಪಿಟಲ್. ಇಲ್ಲಿಂದ ಆಟೋದಲ್ಲಿ ಸುಲಭವಾಗಿ ವೇದಿಕೆ ತಲುಪಬಹುದು.

ಎಆರ್‌ ರಹಮಾನ್ ಬೆಂಗಳೂರು ಕಾನ್ಸರ್ಟ್‌: ಬಜೆಟ್ ಪ್ಲಾನಿಂಗ್ ಮತ್ತು ಸುರಕ್ಷತೆಯ ಟಿಪ್ಸ್

ಕಾನ್ಸರ್ಟ್ ಮುಗಿಯುವ ಹಂತದಲ್ಲಿದ್ದಾಗಲೇ ಕ್ಯಾಬ್ ಬುಕ್ ಮಾಡಿ ಅಥವಾ ಸ್ವಲ್ಪ ದೂರ ನಡೆದು ಶಾಂತವಾಗಿರುವ ಜಾಗದಿಂದ ಕ್ಯಾಬ್ ಕಾಯ್ದಿರಿಸಿದರೆ ಸರ್ಜ್‌ ಚಾರ್ಜ್ (ಹೆಚ್ಚುವರಿ ದರ) ತಪ್ಪಿಸಬಹುದು. ಬುಕ್ ಮಾಡುವ ಮುನ್ನ ನಮ್ಮ ಯಾತ್ರಿ, ಉಬರ್ ಮತ್ತು ಓಲಾ ಆಪ್‌ಗಳಲ್ಲಿ ದರ ಪರಿಶೀಲಿಸಿ. UPI ಮೂಲಕ ಖರ್ಚನ್ನು ಹಂಚಿಕೊಳ್ಳಿ, ಆಟೋ ಪ್ರಯಾಣಕ್ಕಾಗಿ ಸ್ವಲ್ಪ ಚಿಲ್ಲರೆ ಹಣ ಜೊತೆಯಲ್ಲಿಟ್ಟುಕೊಳ್ಳಿ. ಮದ್ಯಪಾನ ಮಾಡಿ ವಾಹನ ಚಲಾಯಿಸಬೇಡಿ; ಕ್ಯಾಬ್‌ ಬಳಸಿ ಅಥವಾ ಡ್ರೈವರ್‌ ನೇಮಿಸಿಕೊಳ್ಳಿ. ಜೊತೆಗೆ, ಜೊತೆಯಲ್ಲಿರುವವರ ಫೋಟೋ ಪೋಸ್ಟ್ ಮಾಡುವ ಮುನ್ನ ಅವರ ಅನುಮತಿ ಪಡೆಯುವುದನ್ನು ಮರೆಯದಿರಿ.

ಸುರಕ್ಷಿತ ಮನೆ ಸೇರಲು ನಿಮ್ಮ ಲೈವ್ ಲೊಕೇಷನ್‌ ಶೇರ್ ಮಾಡಿ ಹಾಗೂ 30 ಮತ್ತು 60 ನಿಮಿಷಗಳ ಅಂತರದಲ್ಲಿ ಎಸ್‌ಒಎಸ್ ಚೆಕ್-ಇನ್ ನೀಡಿ. ಗುಂಪಿನಲ್ಲಿ ಬೇರೆಯಾದರೆ ಮೊದಲೇ ನಿಗದಿಪಡಿಸಿದ ಡೆಸ್ಕ್ ಮೂಲೆಗೆ ತಲುಪಿ ಮೆಸೇಜ್ ಮಾಡಿ. ಆರಾಮದಾಯಕ ಉಡುಪು, ವಾಟರ್‌ಪ್ರೂಫ್ ಶೂ ಹಾಗೂ ಪೋಲ್ಡಬಲ್ ಜಾಕೆಟ್ ಧರಿಸುವುದು ಒಳ್ಳೆಯದು. ಹವಾಮಾನ ವರದಿ ಪ್ರಕಾರ ರಾತ್ರಿಯಿಡೀ ಮೋಡ ಮುಸುಕಿದ ವಾತಾವರಣವಿದ್ದು, ಮಳೆಯಾಗುವ ಸಾಧ್ಯತೆ ಕಡಿಮೆ ಎನ್ನಲಾಗಿದೆಯಾದರೂ, ವೈಟ್‌ಫೀಲ್ಡ್‌ನಲ್ಲಿ ಯಾವಾಗ ಬೇಕಾದರೂ ತುಂತುರು ಮಳೆ ಬರಬಹುದು. ಮನೆಗೆ ಮರಳಲು ಮೆಟ್ರೋ ಸಾರಿಗೆಯೇ ಅತ್ಯಂತ ವೇಗದ ಮತ್ತು ಆರ್ಥಿಕ ಆಯ್ಕೆಯಾಗಿದೆ.