ಸಣ್ಣ ಪ್ರಾಯದಲ್ಲಿ ಮದುವೆ: ಜೀವನ ಅತಂತ್ರ

Relationship

oi-Reena

By Hema S

Published: Saturday, March 24, 2012, 14:43 [IST]

ಹದಿಹರೆಯದಲ್ಲಿ ಪ್ರೀತಿ-ಪ್ರೇಮದ ಗುಂಗು ಹೆಚ್ಚು. ಆದರೆ ಇದೇ ಗುಂಗಿನಲ್ಲಿ ಎಷ್ಟೊ ಯುವ ಪ್ರೇಮಿಗಳು ಚಿಕ್ಕ ಪ್ರಾಯದಲ್ಲಿಯೆ ಓಡಿ ಹೋಗಿ ಮದುವೆಯಾಗಿ ಬಿಡುತ್ತಾರೆ. ಹೀಗೆ ಹೋದವರಲ್ಲಿ ಹೆಚ್ಚಿನವರ ಜೀವನ ಸ್ವಲ್ಪ ವರ್ಷದ ಬಳಿಕ ನರಕವಾಗಿರುತ್ತದೆ!

ಈ ಮದುವೆಯೆನ್ನುವುದು ಮಕ್ಕಳಾಟಿಕೆಯಲ್ಲ. ಮದುವೆಯಾಗುವಾಗ ಇಬ್ಬರಲ್ಲೂ ಪಕ್ವತೆ ಇದ್ದರೆ ಮಾತ್ರ ಒಬ್ಬರಿಗೊಬ್ಬರು ಪರಸ್ಪರ ಅರ್ಥ ಮಾಡಿಕೊಳ್ಳಲು ಸಾಧ್ಯ. ಆದರೆ ಪ್ರೀತಿ, ಪ್ರೇಮದ ಗುಂಗಿನಲ್ಲಿ ಸಣ್ಣ ಪ್ರಾಯದಲ್ಲಿಯೆ ಮದುವೆಯಾದರೆ ಪಕ್ವತೆ ಇಲ್ಲದೆ ಜೀವನ ನಡೆಸಲು ಕಷ್ಟವಾಗುವುದು.

ಜೀವನದಲ್ಲಿ ಬರುವ ಕಷ್ಟಗಳನ್ನು ಸಮರ್ಥವಾಗಿ ನಿರ್ವಹಿಸುವ ಸಾಮರ್ಥ್ಯವಿರುವುದಿಲ್ಲ, ಆಗಲೇ ಸಮಸ್ಯೆಗಳು ಪ್ರಾರಂಭವಾಗುವುದು. ಬೇಗನೆ ಮದುವೆಯಾದರೆ ಮುಖ್ಯವಾಗಿ ಕಾಣಿಸಿಕೊಳ್ಳುವ ತೊಂದರೆಗಳೇನು ಎಂದು ತಿಳಿಯಲು ಮುಂದೆ ಓದಿ.

1. ಚಿಕ್ಕ ಪ್ರಾಯದಲ್ಲಿ ಮದುವೆಯಾದರೆ ಅವರಿಗೆ ಜೀವನದಲ್ಲಿ ಬರುವ ಸಣ್ಣ-ಪುಟ್ಟ ಸಮಸ್ಯೆಗಳನ್ನು ಎದುರಿಸುವ ಸಾಮರ್ಥ್ಯವಿರುವುದಿಲ್ಲ.

2. ಸಣ್ಣ ಪ್ರಾಯದಲ್ಲಿ ಮದುವೆಯಾದರೆ ಯೌವನದ ಸಂತೋಷ, ಸ್ವಾತಂತ್ರ್ಯವನ್ನು ಅನುಭವಿಸಲು ಸಾಧ್ಯವಿಲ್ಲ. ಮದುವೆಯಾದ ಮೇಲೆ ಜವಬ್ದಾರಿ ಹೆಚ್ಚು ಬರುವುದರಿಂದ ಜೀವನದಲ್ಲಿ ಸ್ವಾರಸ್ಯ ಅನ್ನುವುದು ಕಡಿಮೆಯಾಗುವುದು.

3. ಚಿಕ್ಕ ಪ್ರಾಯದಲ್ಲಿ ತಾಯಿ ಆದರೆ ಹೆಣ್ಣು ಮಕ್ಕಳ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀಳುವ ಸಾಧ್ಯತೆ ಹೆಚ್ಚು.

4. ಪರಸ್ಪರ ಅರ್ಥೈಹಿಸಿಕೊಂಡು ಬಾಳುವಷ್ಟು ಪಕ್ವತೆ ಬೆಳೆದಿರುವುದಿಲ್ಲವಾದ್ದರಿಂದ ಚಿಕ್ಕ ಪ್ರಾಯದಲ್ಲಿ ಮದುವೆಯಾದವರು ವಿಚ್ಛೇದನ ತೆಗೆದು ಕೊಳ್ಳುವ ಸಾಧ್ಯತೆ ಹೆಚ್ಚು, ಒಂದು ವೇಳೆ ಜೊತೆಯಲ್ಲಿಯೆ ಬಾಳಿದರೂ ಸಂತೋಷದಿಂದ ಬಾಳುವುದು ತುಂಬಾ ವಿರಳ.

5. ಬೇಗನೆ ಮದುವೆಯಾಗುವುದರಿಮದ ಹೆಣ್ಣು ಮಕ್ಕಳಿಗೆ ಉನ್ನತ ವಿಧ್ಯಾಭ್ಯಾಸ ಪಡೆಯಲು ಸಾಧ್ಯವಾಗುವುದಿಲ್ಲ.

6. ಬೇಗನೆ ಮದುವೆಯಾದವರಲ್ಲಿ ಹೆಚ್ಚಿನ ಹುಡುಗರು ಸ್ವಲ್ಪ ವರ್ಷದ ಬಳಕ ಮತ್ತೊಂದು ಸಂಬಂಧದತ್ತ ಆಕರ್ಷಿತರಾಗುತ್ತಾರೆ.

ಬೇಗನೆ ಮದುವೆಯಾಗಿ ಜೀವನ ಅತಂತ್ರವಾಗುವ ಬದಲು, ಗಂಡು- ಹೆಣ್ಣಿಗೆ ಜವಬ್ದಾರಿ ಹೊರುವ ಪಕ್ವತೆ ಬಂದ ಮೇಲೆ ಮದುವೆಯಾಗುವುದು ಒಳ್ಳೆಯದು.