ಮೇಕಪ್ ಗಿಂತ ನೈಸರ್ಗಿಕ ಚೆಲುವೆ ಪುರುಷರಿಗೆ ಇಷ್ಟ!

Relationship

oi-Reena

By ಮಂಜು

Published: Thursday, March 1, 2012, 17:21 [IST]

ಮೇಕಪ್ ಮತ್ತು ಹೆಣ್ಣಿಗೆ ಬಿಡಿಸಲಾರದ ನಂಟು. ಮೇಕಪ್ ಮತ್ತಷ್ಟು ಆಕರ್ಷಕವಾಗಿ ಕಾಣುವಂತೆ ಮಾಡುತ್ತದೆ. ಪ್ರತಿಯೊಂದು ಹೆಣ್ಣಿಗೆ ಮೇಕಪ್ ಮಾಡುವಾಗ ನಾನು ಇವತ್ತು ಚೆಂದ ಕಾಣಬೇಕು. ಅವಳನ್ನು ನೋಡಿ ಹುಡುಗರು ಚೆಂದ ಕಾಣೀಸುತ್ತಿದ್ದೀಯ ಅಂತ ಹೇಳಬೇಕೆಂದು ಬಯಸುತ್ತಾರೆ. ಆದರೆ ಹುಡುಗರಿಗೆ ತನ್ನ ಹುಡುಗಿ ಗಾಢವಾಗಿ ಮೇಕಪ್ ಮಾಡುವುದು ಇಷ್ಟಪಡುವುದಿಲ್ಲ.

ಮೇಕಪ್ ವಿಷಯದಲ್ಲಿ ಅನೇಕ ಹುಡುಗಿಯರು ತಪ್ಪಾಗಿ ಅರ್ಥೈಹಿಸಿರುವುದು ಮೇಕಪ್ ಮಾಡಿದರೆ ಪುರುಷರಿಗೆ ತುಂಬಾ ಇಷ್ಟವಾಗುತ್ತದೆ. ಗಾಢವಾಗಿ ಮೇಕಪ್ ಮಾಡಿದಷ್ಟು ತನ್ನ ಗೆಳಯ/ ಗಂಡ ಹೊಗಳುತ್ತಾನೆ. ಆದರೆ ಮೇಕಪ್ ಬಗ್ಗೆ ಪುರುಷರ ಅಭಿಪ್ರಾಯವನ್ನು ತುಂಬಾ ಕೂಲಂಕಷವಾಗಿ ತಿಳಿದು ನೋಡಿ. ಮೇಕಪ್ ಗಿಂತ ನೈಸರ್ಗಿಕ ಚೆಲುವೇ ಅವರಿಗೆ ಇಷ್ಟ.

ಹಿತಮಿತವಾದ ಮೇಕಪ್ ಸೌಂದರ್ಯ ಹೆಚ್ಚಿಸುವುದು. ಆದರೆ ಮಿತಿ ಮೀರಿದರೆ ಅಲ್ಲ ನೈಜತೆ ಎಂಬುವುದು ಮಾಯವಾಗಿ ಕೃತಕತೆ ತುಂಬಿ ತುಳುಕುತ್ತಿರುತ್ತದೆ. ಹೆಣ್ಣು ಗಾಢವಾದ ಮೇಕಪ್ ಮಾಡುವಂತೆ ಪ್ರೇರೇಪಿಸುವುದು ಈ ಪುರುಷರೆ. ಗಮನಿಸಿ ನಿಮ್ಮ ಸ್ನೇಹಿತೆ ಅಥವಾ ಕಲೀಗ್ಸ್ ತುಂಬಾ ಮೇಕಪ್ ಮಾಡುವವರಾದರೆ ಎಲ್ಲರೂ ಅವರನ್ನು ತುಂಬಾ ಚೆಂದ ಕಾಣಿಸುತ್ತಿದ್ದೀರಿ ಎಂದು ಹೊಗಳಿ ಹೊನ್ನ ಶೂಲಕ್ಕೇರಿಸಿರುತ್ತಾರೆ.

ಮಾರನೆ ದಿನ ಅವರ ಮೇಕಪ್ ಮತ್ತಷ್ಟು ಜಾಸ್ತಿಯಗುವುದೇ ಹೊರತು ಕಡಿಮೆಯಾಗುವುದಿಲ್ಲ. ಆದರೆ ಅದೇ ಗೆಳಯರ ಬಳಗ ಗುಂಪು ಸೇರಿ ಮಾತನಾಡುವಾಗ ಅತಿಯಾಗಿ ಮೇಕಪ್ ಮಾಡುವವರಿಗೆ ಒಮ್ಮೆಯೂ ಸುಂದರಿ ಎಂಬ ಪಟ್ಟ ಕೊಡುವುದಿಲ್ಲ ಅದರ ಬದಲು ಮೇಕಪ್ ರಾಣಿ, ಮೇಕಪ್ ಇಲ್ಲ ಅಂದರೆ ಕಂಡರೆ ಗುರುತು ಸಿಗುವುದಿಲ್ಲ ಎಂದು ಲೇವಡಿ ಮಾಡುತ್ತಾರೆ ಅಷ್ಟೆ.

ಒಬ್ಬ ವ್ಯಕ್ತಿಯ ಚೆಲುವು ಇರುವುದು ಅವರ ನಡುವಳಿಕೆಯಲ್ಲಿಯೆ ಹೊರತು ಮೇಕಪ್ ನಲ್ಲಿ ಅಲ್ಲ.