Year Ender 2023: ಈ ವರ್ಷ ಸಿಕ್ಕಾಪಟ್ಟೆ ವೈರಲ್ ಆದ 5 ವಿಚಿತ್ರ ಫುಡ್‌ ಕಾಂಬಿನೇಷನ್

Recipes

oi-Reena TK

Posted By: Reena TK

Published: Sunday, December 17, 2023, 22:13 [IST]

ಕೆಲವೊಂದು ಫುಡ್‌ ಕಾಂಬಿನೇಷನ್‌ ತುಂಬಾನೇ ವಿಚಿತ್ರವಾಗಿರುತ್ತದೆ, ಆ ಕಾಂಬಿನೇಷನ್ ಕೇಳುವಾಗಲೇ ಹೀಗೂ ಇರುತ್ತಾ ಎಂದು ಅಚ್ಚರಿ ಉಂಟು ಮಾಡುವುದು, ಈ ವರ್ಷ ಕೆಲವೊಂದು ವಿಚಿತ್ರ ಫುಡ್‌ ಕಾಂಬಿನೇಷನ್‌ಗಳು ವೈರಲ್ ಆಗಿತ್ತು, ಆ ಫುಡ್‌ ಕಾಂಬಿನೇಷನ್ ಕೇಳುವಾಗ ಹೀಗೂ ತಿನ್ನಬಹುದಾ ಎಂದು ಅನಿಸದೆ ಇರಲ್ಲ. 2023ರಲ್ಲಿ ವೈರಲ್‌ ಆದ ವಿಚಿತ್ರ ಫುಡ್‌ ಕಾಂಬಿನೇಷನ್‌ಗಳು ಇವೇ ನೋಡಿ:

ಟೊಮೆಟೊ ಐಸ್‌ ಕ್ರೀಮ್
ಈ ವೀಡಿಯೋ ಜೂನ್ 2023ರಲ್ಲಿ ತುಂಬಾನೇ ಸೆಳೆದಿತ್ತು, ಬೀದಿ ಬದಿಯ ವ್ಯಾಪಾರಿಯೊಬ್ಬರು ತುಂಬಾನೇ ವಿಭಿನ್ನ ಐಸ್‌ಕ್ರೀಮ್‌ ಮಾಡುತ್ತಿದ್ದರು. ಟೊಮೆಟೊವ್ನು ಕತ್ತರಿಸಿ, ಅದನ್ನು ಐಸ್‌ ಟ್ರೇಗೆ ಹಾಕಿ, ಹಾಲು, ಕಾರಮೆಲ್ ಹಾಕಿ ಎಲ್ಲವನ್ನೂ ಮಿಕ್ಸ್ ಮಾಡಿ, ನಂತರ ಕತ್ತರಿಸಿದ ಟೊಮೆಟೊವನ್ನು ಟಾಪ್‌ನಲ್ಲಿ ಹಾಕಿ , ಕಾರಮಲ್ ಸಾಸ್‌ ಹಾಕಿ ಸರ್ವ್‌ ಮಾಡುತ್ತಿದ್ದರು.

ಒರೆಯೋ ಪಕೋಡಾ
ಇದು ಕೂಡ ತುಂಬಾನೇ ವಿಚಿತ್ರ ಕಾಂಬಿನೇಷನ್‌ ಅಲ್ವಾ? ಒರೆಯೋ, ವಾಕೋಲೆಟ್, ಕ್ರೀಮ್‌ಕುಕ್ಕೀಸ್‌ ಅನ್ನು ಕಡ್ಲೆ ಹಿಟ್ಟಿನಲ್ಲಿ ಅದ್ದಿ ಪಕೋಡಾ ಮಾಡುವುದನ್ನು ಊಹಿಸಿದರನೇ ಸಕತ್ ಕ್ರೇಝಿ ಅನಿಸುತ್ತೆ, ಆದರೆ ಇಂಥದ್ದೊಂದು ಪ್ರಯತ್ನ ಈ ವರ್ಷ ನಡೆದಿದೆ.

ಮೊಸರು ಜೊತೆಗೆ ಗುಲಾಬ್‌ ಜಾಮೂನು
ಎತ್ತಣಿಂದೆತ್ತ ಸಂಬಂಧ ಅಲ್ವೇ? ಎಲ್ಲಿಯ ಮೊಸರು-ಎಲ್ಲಿಯ ಜಾಮೂನು ಆದರೆ ಇವೆರಡರ ಕಾಂಬಿನೇಷನ್ ಹೇಗಿರಬೇಡ. ಈ ರೀತಿಯ ಫುಡ್‌ ಕಾಂಬಿನೇಷನ್ ಜನ ಇಷ್ಟಪಟ್ಟು ಸವಿದಿದ್ದರು. ಒಂದು ಪ್ಲೇಟ್‌ಗೆ 50 ರುಪಾಯಿ ಕೊಟ್ಟು ಜನ ಈ ಕಾಂಬನೇಷನ್ ಸವಿದಿದ್ದಾರೆ, ನೀವು ಮನೆಯಲ್ಲಿಯೇ ಟ್ರೈ ಮಾಡಿ... ನಂತರ ಟೇಸ್ಟ್ ಹೇಗಿತ್ತು ಅಂತ ತಿಳಿಸಿ..

ತಂದೂರಿ ಚಿಕನ್ ಐಸ್‌ಕ್ರೀಮ್
ಐಸ್‌ಕ್ರೀಮ್‌ ತಂದೂರಿ ಚಿಕನ್ ಸಿಕ್ಕರೆ ಹೇಗಿರಬೇಡ, ಆದರೆ ಅಂಥ ಫುಡ್‌ ಕೂಡ ಈ ವರ್ಷದಲ್ಲಿ ಟ್ರೈ ಮಾಡಲಾಗಿದೆ. ಐಸ್‌ಕ್ರೀಮ್ ತಿನ್ನುವಾಗ ಚಾಕೋಲೆಟ್‌ ಸಿಗುವಾಗ ಖುಷಿಯಾಗುತ್ತೆ, ಆದರೆ ಐಸ್‌ಕ್ರೀಮ್ ಸಿಗುವಾಗ ತಂದೂರಿ ಚಿಕನ್ ಸಿಕ್ಕರೆ?

ಮ್ಯಾಂಗೋ ಪಾನಿಪುರಿ
ಪಾನಿಪುರಿ ಟೇಸ್ಟ್‌ ಮಾಡಿರುತ್ತೀರಿ, ಆದರೆ ಮ್ಯಾಂಗೋ ಪಾನಿಪುರಿ ಟೇಸ್ಟ್‌ ಮಾಡಿದ್ದೀರಾ? ಮ್ಯಾಂಗೋಪಾನಿಪುರಿ ಈ ವರ್ಷ ತುಂಬಾನೇ ವೈರಲ್ ಆಗಿತ್ತು. ಪಾನಿಪುರಿ ರಸದ ಜೊತೆಗೆ ಮಾವಿನ ರಸ ಕೂಡ ಹಾಕಿ ನೀಡುತ್ತಿದ್ದರು. ಈ ವೀಡಿಯೋ ತುಂಬಾ ವೈರಲ್ ಆಗಿತ್ತು.