ಖೀರ್ ಸ್ವೀಟ್ ಕುರ್ಮಾ-ಮೊಘಲಾಯಿ ರೆಸಿಪಿ

ಖೀರ್ ಅಥವಾ ಶೀರ್ ಕುರ್ಮಾ ಮೊಘಲಾಯಿ ಶೈಲಿಯಲ್ಲಿ ತಯಾರಿಸುವ ಪಾಯಸವಾಗಿದೆ. ಸಾಮಾನ್ಯವಾಗಿ ನಾವು ಮಾಡುವ ಶ್ಯಾವಿಗೆ ಪಾಯಸದಲ್ಲಿ ಖರ್ಜೂರ ಬಳಸುವುದಿಲ್ಲ, ಆದರೆ ಈ ಮೊಘಲಾಯಿ ಶೈಲಿಯ ಪಾಯಸದಲ್ಲಿ ಖರ್ಜೂರ ಪ್ರಮುಖವಾದ ಪದಾರ್ಥವಾಗಿದೆ.

ಹಬ್ಬ ಹರಿದಿನಗಳಲ್ಲಿ ಸುಲಭವಾಗಿ ಮಾಡಬಹುದಾದ ಸವಿರುಚಿಯ ಪಾಯಸ ಇದಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ:

ಬೇಕಾಗುವ ಸಾಮಾಗ್ರಿಗಳು
ಶ್ಯಾವಿಗೆ-200 ಗ್ರಾಂ
ಹಾಲು 2 ಲೀಟರ್
ಸಕ್ಕರೆ 2 ಚಮಚ
ಏಲಕ್ಕಿ 4
ಚಿಟಿಕೆಯಷ್ಟು ಕೇಸರಿ
ಒಣ ಖರ್ಜೂರ 5
ಬಾದಾಮಿ 5
ಪಿಸ್ತಾ 4
ತುಪ್ಪ 3 ಚಮಚ
ಕೊಬ್ಬರಿ (ಚಿಕ್ಕ-ಚಿಕ್ಕ ತುಂಡುಗಳಾಗಿ ಕತ್ತರಿಸಿದ್ದು)

ತಯಾರಿಸುವ ವಿಧಾನ:

* ಬಾಣಲೆಗೆ 2 ಚಮಚ ತುಪ್ಪ ಹಾಕಿ ಅದಲ್ಲಿ ಶ್ಯಾವಿಗೆ ಹಾಕಿ ಅದು ಸ್ವಲ್ಪ ಕಂದು ಬಣ್ಣ ಬರುವವರೆಗೆ ಹುರಿದು ಬದಿಯಲ್ಲಿಡಿ.

* ಈಗ ಒಂದು ಪಾತ್ರೆಯಲ್ಲಿ ಹಾಲನ್ನು ಹಾಕಿ ಕುದಿಸಿ, ನಂತರ ಹಾಲಿಗೆ ಏಲಕ್ಕಿಯನ್ನು ಪುಡಿ ಮಾಡಿ ಹಾಕಿ, ಕೇಸರಿ ಸೇರಿಸಿ, ಹಾಲು ಸ್ವಲ್ಪ ಮಂದವಾಗುವವರೆಗೆ ಕುದಿಸಿ.

* ಈಗ ಸಕ್ಕರೆಯನ್ನು ಹಾಕಿ, ಸಕ್ಕರೆ ಕರಗುವವರೆಗೆ ಸೌಟ್ ನಿಂದ ತಿರುಗಿಸಿ. ನಂತರ ಶ್ಯಾವಿಗೆ ಹಾಕಿ 5-6 ನಿಮಿಷ ಕುದಿಸಿ ಉರಿಯಿಂದ ಇಳಿಸಿ.

* ಈಗ ಒಂದು ಚಮಚ ತುಪ್ಪವನ್ನು ಬಾಣಲೆಯಲ್ಲಿ ಹಾಕಿ ಬಿಸಿ ಮಾಡಿ, ಅದರಲ್ಲಿ ಬಾದಾಮಿ ಪಿಸ್ತಾ , ಖರ್ಜೂರ (ಖರ್ಜೂರವನ್ನು ಕತ್ತರಿಸಿ ಹಾಕಿ), ಒಣ ಕೊಬ್ಬರಿಯ ತುಂಡುಗಳನ್ನು ಹಾಕಿ 2-3 ನಿಮಿಷ ಹುರಿದು ಪಾಯಸಕ್ಕೆ ಹಾಕಿದರೆ ಸ್ವೀಟ್ ಕುರ್ಮಾ ಸವಿಯಲು ರೆಡಿ.