ಮಳೆಗಾಲದ ತಿಂಡಿ-ಪಾಲಾಕ್ ಪಕೋಡ

ಮಳೆಗಾಲವನ್ನು ಪಕೋಡ ಸೀಸನ್ ಎಂದೇ ಕರೆಯಬಹುದು. ಈ ಸಮಯದಲ್ಲಿಯೇ ಹೆಚ್ಚಾಗಿ ಪಕೋಡ ಮಾಡಿ ತಿನ್ನಲು ಇಷ್ಟಪಡುತ್ತೇವೆ. ಹೊರಗಡೆ ಮಳೆ ಸುರಿಯುತ್ತಿರುವಾಗ ಬಿಸಿ- ಬಿಸಿ ಪಕೋಡ ಮಾಡಿ, ಬಿಸಿ ಕಾಫಿ ಅಥವಾ ಟೀ ಜೊತೆ ಹೀರುವ ಮಜಾನೇ ಬೇರೆ ಅಲ್ವಾ?

ಪಕೋಡವನ್ನು ನೂರಕ್ಕೂ ಹೆಚ್ಚಿನ ರುಚಿಯಲ್ಲಿ ಮಾಡಬಹುದು. ಇಲ್ಲಿ ನಾವು ಸರಳವಾಗಿ ಮಾಡಬಹುದಾದ ಪಾಲಾಕ್ ಪಕೋಡದ ರೆಸಿಪಿ ನೀಡಿದ್ದೇವೆ ನೋಡಿ:

ಬೇಕಾಗುವ ಸಾಮಾಗ್ರಿಗಳು
ಪಾಲಾಕ್ 2 ಕಟ್ಟು
ಕಡಲೆ ಹಿಟ್ಟು ಒಂದೂವರೆ ಕಪ್
ಈರುಳ್ಳಿ 1
ಸೋಂಪು 1 ಚಮಚ
ಜೀರಿಗೆ 1 ಚಮಚ
ಖಾರದ ಪುಡಿ 1 ಚಮಚ
ರುಚಿಗೆ ತಕ್ಕ ಉಪ್ಪು
ನೀರು 1 ಕಪ್
ಎಣ್ಣೆ

ತಯಾರಿಸುವ ವಿಧಾನ:

* ಪಾಲಾಕ್ ಸೊಪ್ಪಿನ ಎಲೆ ಕಿತ್ತು ಚೆನ್ನಾಗಿ ತೊಳೆದು, ಎಲೆಯನ್ನು ಚಿಕ್ಕದಾಗಿ ಕತ್ತರಿಸಿ ಬಟ್ಟಲಿಗೆ ಹಾಕಿ.

* ಈಗ ಅದೇ ಬಟ್ಟಲಿಗೆ ಕಡಲೆ ಹಿಟ್ಟು, ಖಾರದ ಪುಡಿ, ಜೀರಿಗೆ, ಸೋಂಪು, ಈರುಳ್ಳಿ, ರುಚಿಗೆ ತಕ್ಕ ಉಪ್ಪು, ಒಂದು ಗ್ಲಾಸ್ ನೀರು ಹಾಕಿ ಮಿಶ್ರಣವನ್ನು ಗಟ್ಟಿಯಾಗಿ ಕಲೆಸಿ.

* ನಂತರ ಆ ಮಿಶ್ರಣದಿಂದ ಉಂಡೆ ಕಟ್ಟಿ.

* ಬಾಣಲೆಯಲ್ಲಿ ಎಣ್ಣೆ ಹಾಕಿ ಕಾಯಿಸಿ.

* ಈಗ ಕಾದ ಎಣ್ಣೆಗೆ ಉಂಡೆ ಹಾಕಿ ಕಂದು ಬಣ್ಣ ಬರುವಾಗ ತೆಗೆದರೆ ಪಾಲಾಕ್ ಪಕೋಡ ರೆಡಿ.