ಕುರುಕಲು ತಿಂಡಿಗಿಂತ ವಾಸಿ ಈ ಬಾದಾಮಿ ರೋಸ್ಟ್

Snacks

oi-Reena

By Hema S

Published: Saturday, March 31, 2012, 15:10 [IST]

ಬಾದಾಮಿಯನ್ನು ಹಾಗೇ ತಿನ್ನುವುದಕ್ಕಿಂತ ರೋಸ್ಟ್ ಮಾಡಿ ತಿಂದರೆ ಮತ್ತಷ್ಟು ರುಚಿಕರವಾಗಿರುತ್ತದೆ. ಈ ರೀತಿ ರೋಸ್ಟ್ ಮಾಡಲು ಹೆಚ್ಚಿನ ಶ್ರಮ ಬೇಕಾಗಿಲ್ಲ. ಖಾರ ಇಷ್ಟ ಪಡುವವರಿಗೆ ಈ ರೀತಿ ರೋಸ್ಟ್ ಮಾಡಿದ ಬಾದಾಮಿಯ ರುಚಿಯನ್ನು ಸವಿಯಲು ಕೊಟ್ಟರೆ ಇದರ ರುಚಿಗೆ ಮಾರು ಹೋಗುವುದು ಗ್ಯಾರಂಟಿ. ರುಚಿಕರ ಮತ್ತು ಆರೋಗ್ಯಕರವಾದ ಬಾದಾಮಿ ರೋಸ್ಟ್ ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* 2 ಕಪ್ ಬಾದಾಮಿ
* 1 ಚಮಚ ಕೆಂಪು ಮೆಣಸಿನ ಪುಡಿ
* 1 ಚಮಚ ಕರಿಮೆಣಸಿನ ಪುಡಿ
* 1/2 ಚಮಚ ಜೀರಿಗೆ ಪುಡಿ
* 1/4 ಚಮಚ ಚಕ್ಕೆ ಪುಡಿ
* 1 ಚಮಚ ಎಣ್ಣೆ
* ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಬಾಣಲೆಯಲ್ಲಿ ಎಣ್ಣೆಯನ್ನು ಬಿಸಿ ಮಾಡಬೇಕು. ಈಗ ಜೀರಿಗೆ ಪುಡಿ, ಕರಿಮೆಣಸಿನ ಪುಡಿ, ಚಕ್ಕೆ ಪುಡಿ, ಕೆಂಪು ಮೆಣಸಿನ ಪುಡಿ ಹಾಕಿ ನಂತರ ಬಾದಾಮಿ ಮತ್ತು ರುಚಿಗೆ ತಕ್ಕ ಉಪ್ಪು ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು.

2. ಈ ಮಿಶ್ರಣವನ್ನು ಸೌಟ್ ನಿಂದ ಆಡಿಸುತ್ತಾ ಕಡಿಮೆ ಉರಿಯಲ್ಲಿ 5 ನಿಮಿಷ ಹುರಿಯಬೇಕು.

3. ಈಗ ಹುರಿದ ಬಾದಾಮಿಯನ್ನು ಉರಿಯಿಂದ ತೆಗದು ಆರಿದ ಮೇಲೆ ಡಬ್ಬದಲ್ಲಿ ಹಾಕಿ ಮುಚ್ಚಿಡಿ. ಕುರುಕಲು ತಿಂಡಿಯ ಬದಲು ಈ ರೀತಿ ರೋಸ್ಟ್ ಮಾಡಿದ ಬಾದಾಮಿ ತಿಂದರೆ ಬಾಯಿಗೆ ರುಚಿ ಮತ್ತು ಆರೋಗ್ಯಕ್ಕೂ ಒಳ್ಳೆಯದು.