ಕಡಿಮೆ ಕ್ಯಾಲೋರಿಯ ಪಿಜ್ಜಾ ಮಾಡುವ ವಿಧಾನ

Snacks

oi-Reena

By Hema S

Published: Wednesday, January 25, 2012, 14:34 [IST]

ಶಾಪಿಂಗ್ ಮಾಲ್ ಗಳಿಗೆ ಹೋದಾಗ ಅಥವಾ ಫ್ರೆಂಡ್ಸ್ ಗಳ ಜೊತೆ ವೀಕೆಂಡ್ ನಲ್ಲಿ ಅಡ್ಡಾಡುವಾಗ ಪಿಜ್ಜಾ ತಿನ್ನುವುದು ಯುವ ಜನಾಂಗಕ್ಕೆ ಫ್ಯಾಷನ್ ಆಗಿದೆ. ಪಿಜ್ಜಾ ಲೈಫ್ ಸ್ಟೈಲ್ ಯುವಕರಿಗೆ ಮಾತ್ರವಲ್ಲಿ ಹಿರಿಯರು ಕಿರಿಯರೆನ್ನದೆ ಎಲ್ಲರು ಇಷ್ಟ ಪಡುವ ಪದಾರ್ಥ ಆಗಿದೆ. ಅಂಗಡಿಗಳಲ್ಲಿ ಮಾಡುವ ಪಿಜ್ಜಾದಲ್ಲಿ ಮೈದಾ ಹಾಕಿರುವುದರಿಂದ ಅದನ್ನು ಸೇವಿಸಿದಾಗ ಜೀರ್ಣವಾಗಲು ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತದೆ. ಆರೋಗ್ಯಕರವಾದ ಕಡಿಮೆ ಕ್ಯಾಲೋರಿಯ ಪಿಜ್ಜಾ ಮಾಡುವ ವಿಧಾನ ಇಲ್ಲಿದೆ. ಇದನ್ನು ಮಾಡಿ ಆರೋಗ್ಯಕರ ಪಿಜ್ಜಾ ರುಚಿ ಸವಿಯಿರಿ.

ಬೇಕಾಗುವ ಸಾಮಾಗ್ರಿಗಳು:

* 1/2 ಕಪ್ ಗೋಧಿ ಪುಡಿ
* 1/2 ಕಪ್ ಅಕ್ಕಿ ಪುಡಿ
* 1/4 ಕಪ್ ಮೈದಾ
* 2 ಚಮಚ ಜೋಳದ ಪುಡಿ
* 2 ಚಮಚ ಓಟ್ಸ್ ಪುಡಿ
* ಒಂದು ಚಮಚ ಸಕ್ಕರೆ
* ಒಂದು ಚಮಚ ಆಲೀವ್ ಎಣ್ಣೆ
* ಒಂದು ಚಮಚ ಉಪ್ಪು

ಪಿಜ್ಜಾ ತಯಾರಿಸುವ ವಿಧಾನ:

1. ಎಣ್ಣೆಯನ್ನು ಬಿಟ್ಟು ಎಲ್ಲಾ ಸಾಮಗ್ರಿಗಳನ್ನು ಒಂದು ಬಟ್ಟಲಿನಲ್ಲಿ ಹಾಕಿ ಮಿಶ್ರ ಮಾಡಬೇಕು. ಆ ಮಿಶ್ರಣ ಮೃದುವಾಗುವವರೆಗೆ ಕಲಿಸಬೇಕು.

2. ಆ ಮಿಶ್ರಣವನ್ನು ಒದ್ದೆ ಬಟ್ಟೆ ಅದರಲ್ಲೂ ಮ್ಲೀನ್ ಬಟ್ಟೆಯಲ್ಲಿ ಸುತ್ತಿ ಅರ್ಧ ಗಂಟೆ ಇಡಬೇಕು.

3. ನಂತರ ಆ ಮಿಶ್ರಣವನ್ನು 2 ಸಮ ಭಾಗಗಳಾಗಿ ವಿಂಗಡಿಸಬೇಕು.

4. ಆ ಎರಡು ಭಾಗಗಳನ್ನು ಪ್ರತ್ಯೇಕವಾಗಿ ವೃತ್ತಾಕಾರವಾಗಿ ಸುತ್ತಬೇಕು.

5. ರೌಂಡಾಗಿ ಸ್ವಲ್ಪ ದಪ್ಪವಾಗಿ ಸುತ್ತಿದ ಮಿಶ್ರಣವನ್ನು ಫೋರ್ಕ್ ಬಳಸಿ ಗೀರಿದಂತೆ ಮಾಡಬೇಕು. ಈ ರೀತಿ ಮಾಡಿದರೆ ಪಿಜ್ಜಾ ಬೇಗನೆ ಬೇಯುವುದು.

6. 150ºc ನಲ್ಲಿ ಮಿಶ್ರಣವನ್ನು 7 ನಿಮಿಷ ಬೇಯಿಸಿದರೆ ಸಾಕು ಪಿಜ್ಜಾ ರೆಡಿ.

ಅಂಗಡಿ ಪಿಜ್ಜಾ ಏಕೆ? ಮನೆಯಲ್ಇಯೆ ಆರೋಗ್ಯಕರವಾಗಿ ಪಿಜ್ಜಾ ಮಾಡಿ ರುಚಿಯನ್ನು ಸವಿಯಿರಿ.