ರುಚಿಕರವಾದ ರೈಸ್ ಕಿಚಡಿ ರೆಸಿಪಿ

Rice

oi-Reena

By Hema S

Published: Thursday, August 2, 2012, 13:16 [IST]

ರೈಸ್ ಕಿಚಡಿ ರುಚಿ ನೋಡಿದ್ದೀರಾ? ರುಚಿ ನೋಡಿರುವವರಿಗೆ ಇದನ್ನು ಮಾಡುವ ವಿಧಾನದ ಬಗ್ಗೆ ತಿಳಿಯಬೇಕೆನಿಸುವುದು ಸಹಜ, ಏಕೆಂದರೆ ಈ ರೈಸ್ ಕಿಚಡಿ ಬೆಳಗಿನ ತಿಂಡಿಯಾಗಿ ತಿನ್ನಲು ತುಂಬಾ ರುಚಿಯಾಗಿರುತ್ತದೆ. ನಿಮಗೂ ಕೂಡ ಈ ರೈಸ್ ಕಿಚಡಿ ಮಾಡುವುದು ಹೇಗೆ ಎಂಬ ಕುತೂಹಲವಿರಬಹುದಲ್ಲವೇ? ಇದನ್ನು ಸುಲಭವಾಗಿ ತಯಾರಿಸಬಹುದಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* 2 ಕಪ್ ಅಕ್ಕಿ
* 1 ಕಪ್ ತೊಗರಿ ಬೇಳೆ
* 5-6 ಬೆಳ್ಳುಳ್ಳಿ ಎಸಳು
* ಕತ್ತರಿಸಿದ ಬೆಳ್ಳುಳ್ಳಿ 2
* 6-8 ಸ್ವಲ್ಪ ಚಿಕ್ಕ ಗಾತ್ರದ ಟೊಮೆಟೊ
* ಹಸಿಮೆಣಸಿನ ಕಾಯಿ 4 (ಉದ್ದವಾಗಿ ಕತ್ತರಿಸಿರಬೇಕು)
* ಸ್ವಲ್ಪ ಮೆಂತೆ ಸೊಪ್ಪು ಮತ್ತು ಸ್ವಲ್ಪ ಕೊತ್ತಂಬರಿ ಸೊಪ್ಪು
* ಒಂದೂವರೆ ಚಮಚ ಶುಂಠಿ ಪೇಸ್ಟ್
* ರುಚಿಗೆ ತಕ್ಕ ಉಪ್ಪು
* ಎಣ್ಣೆ
* 3 ಕಪ್ ನೀರು
* 1/4 ಚಮಚ ಅರಿಶಿಣ ಪುಡಿ

ತಯಾರಿಸುವ ವಿಧಾನ:

1. ತೊಗರಿಬೇಳೆಯನ್ನು ಚೆನ್ನಾಗಿ ತೊಳೆದು ಅದಕ್ಕೆ ಅರಿಶಿಣ ಪುಡಿ ಹಾಕಿ ಬೇಯಿಸಿ ಒಂದು ಪಾತ್ರೆಯಲ್ಲಿ ಹಾಕಿಡಬೇಕು. ತೊಗರಿ ಬೇಳೆ ಬೇಯಿಸಿದ ನೀರು ಬಿಸಾಡಬೇಡಿ.

2. ನಂತರ ಒಂದು ಪಾತ್ರೆಗೆ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಈರುಳ್ಳಿ, ಬೆಳ್ಳುಳ್ಳಿ, ಚಕ್ಕೆ ಮತ್ತು ಏಲಕ್ಕಿ ಹಾಕಿ ಈರುಳ್ಳಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು. ನಂತರ ಸ್ವಲ್ಪ ಮೆಂತೆ ಸೊಪ್ಪು ಮತ್ತು ಸ್ವಲ್ಪ ಕೊತ್ತಂಬರಿ ಸೊಪ್ಪು ಹಾಕಬೇಕು.

3. ನಂತರ ರುಚಿಗೆ ತಕ್ಕ ಉಪ್ಪು, ಶುಂಠಿ ಪೇಸ್ಟ್ ಹಾಕಿ 2 ನಿಮಿಷ ಕಾಲ ಹುರಿಯಬೇಕು. ನಂತರ ಟೊಮೆಟೊ ಹಾಕಿ ಟೊಮೆಟೊ ಮೆತ್ತಗಾಗುವವರೆಗೆ ಹುರಿದು ನಂತರ ತೊಳೆದ ಅಕ್ಕಿಯನ್ನು ಹಾಕಿ 2 ನಿಮಿಷ ಹುರಿಯಬೇಕು.

4. ನಂತರ ಬೇಯಿಸಿದ ತೊಗರಿ ಬೇಳೆ ಹಾಕಿ 3 ಕಪ್ ನೀರು ಹಾಕಿ ಬೇಯಿಸಬೇಕು. ತೊಗರಿ ಬೇಳೆ ನೀರು ಸೇರಿಸಿ ಬೇಯಿಸಿ. ಈಗ ಕಿಚಡಿ ರೆಡಿ. ಇದನ್ನು ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ರುಚಿಕರವಾದ ಕಿಚಡಿ ತಿನ್ನಲು ರೆಡಿ.