ಪೈನಾಪಲ್ ರೈಸ್ ಟ್ರೈ ಮಾಡಿದ್ದೀರಾ?

Rice

oi-Reena

By Hema S

Updated: Wednesday, February 13, 2013, 13:09 [IST]

ವಾಂಗೀಬಾತ್, ಪುಳಿಯೋಗರೆ , ಚಿತ್ರಾನ್ನ ಈ ರೀತಿಯ ರೈಸ್ ರೆಸಿಪಿಗಳ ಸಾಲಿಗೆ ಈ ಪೈನಾಪಲ್ ರೈಸ್ ಅನ್ನು ಸೇರಿಸಬಹುದು. ಇದರಿಂದ ಚಟ್ನಿ, ರಾಯತ, ಸಾರು ಈ ರೀತಿಯ ಅಡುಗೆಗಳನ್ನೂ ತಯಾರಿಸಬಹುದು. ಇಲ್ಲಿ ನಾವು ಪೈನಾಪಲ್ ರೈಸ್ ಬಗ್ಗೆ ಹೇಳಿದ್ದೇವೆ.

ಈ ಪೈನಾಪಲ್ ರೈಸ್ ಅನ್ನು ಬೆಳಗ್ಗೆ ಮಾಡಿದರೆ ಬ್ರೇಕ್ ಫಾಸ್ಟ್ ಗೆ ಮಾತ್ರವಲ್ಲ, ಲಂಚ್ ಬಾಕ್ಸ್ ಗೂ ತುಂಬಿಕೊಂಡು ತರಬಹುದು. ಈ ಪೈನಾಪಲ್ ರೈಸ್ ಮಾಡುವುದು ಹೇಗೆ ಎಂದು ನೋಡೋಣ ಬನ್ನಿ:

ಬೇಕಾಗುವ ಸಾಮಾಗ್ರಿಗಳು:
ಅನ್ನ 1 ಕಪ್
ಪೈನಾಪಲ್ 1 ಕಪ್ (ಚಿಕ್ಕದಾಗಿ ಕತ್ತರಿಸಿದ್ದು)
ಬೇಯಿಸಿದ ಬಟಾಣಿ ಮತ್ತು ಜೋಳ ಅರ್ಧ ಕಪ್
ಈರುಳ್ಳಿ 1 (ಕತ್ತರಿಸಿದ್ದು)
ಕ್ಯಾರೆಟ್ 1
ಸ್ವಲ್ಪ ಕೊತ್ತಂಬರಿ ಸೊಪ್ಪು
ಸ್ವಲ್ಪ ಪುದೀನಾ ಸೊಪ್ಪು
ಖಾರದ ಪುಡಿ ಅರ್ಧ ಚಮಚ
ಕರಿ ಮೆಣಸಿನ ಪುಡಿ 1 ಚಮಚ
ಎಣ್ಣೆ 1 ಚಮಚ
ನಿಂಬೆ ರಸ 1 ಚಮಚ
ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

* ಅನ್ನ ಮಾಡಿ ಆರಲು ಇಡಬೇಕು.

* ತಳ ದಪ್ಪವಿರುವ ಪಾತ್ರೆಯನ್ನು ಉರಿಯಲ್ಲಿಟ್ಟು ಅದಕ್ಕೆ ಎಣ್ಣೆ ಹಾಕಿ ಎಣ್ಣೆ ಬಿಸಿಯಾದಾಗ ಕ್ಯಾರೆಟ್ ಮತ್ತು ಪೈನಾಪಲ್ ತುಂಡುಗಳನ್ನು ಹಾಕಿ 2-3 ನಿಮಿಷ ಹುರಿದಿ ಈರುಳ್ಳಿ , ಬೆಳ್ಳುಳ್ಳಿ ಪೇಸ್ಟ್ ಮತ್ತು ಕತ್ತರಿಸಿ ಈರುಳ್ಳಿ ಹಾಕಿ, ಈರುಳ್ಳಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು. ನಂತರ ಬೇಯಿಸಿದ ಬಟಾಣಿ ಮತ್ತು ಜೋಳವನ್ನು ಹಾಕಿ, ಪುದೀನಾ ಮತ್ತು ಕೊತ್ತಂಬರಿ ಸೊಪ್ಪನ್ನು ಹಾಕಿ .

* ನಂತರ ಖಾರದ ಪುಡಿ ಹಾಗೂ ಕರಿ ಮೆಣಸಿನ ಪುಡಿ ಹಾಕಿ ಮಿಶ್ರ ಮಾಡಬೇಕು, ರುಚಿಗೆ ತಕ್ಕ ಉಪ್ಪಿನ ಪುಡಿ ಹಾಕಿ, ಅದಕ್ಕೆ ಅರ್ಧ ಗ್ಲಾಸ್ ನೀರು ಹಾಕಿ 4 ನಿಮಿಷ ಬೇಯಿಸಿ.

* ನಂತರ ಅನ್ನವನ್ನು ಹಾಕಿ ಮಿಶ್ರಣ ಮಾಡಿ ನಿಂಬೆ ರಸವನ್ನು ಹಿಂಡಿದರೆ ಪೈನಾಪಲ್ ರೈಸ್ ರೆಡಿ.