ದಿಲ್‌ಖುಷ್‌ ಪಲಾವ್‌

ಬೇಕಾಗುವ ಪದಾರ್ಥಗಳು :
ಬಾಸುಮತಿ ಅಕ್ಕಿ- 1ಕಪ್‌
ತುಪ್ಪ - 1/4ಕಪ್‌
ಉಪ್ಪು - ರುಚಿಗೆ ತಕ್ಕಷ್ಟು
ಸೇಬು - 8 ಅಥವಾ 10 ಹೋಳು
ಪೈನಾಪಲ್‌ ಹೋಳು - 1/2 ಕಪ್‌
ಸೀಡ್‌ಲೆಸ್‌ ದ್ರಾಕ್ಷಿ - 1/2 ಕಪ್‌
ಕೊತ್ತಂಬರಿ ಸೊಪ್ಪು - ಸ್ವಲ್ಪ
ಕಿತ್ತಳೆ ಹಣ್ಣಿನ ರಸ - 1/2 ಕಪ್‌
ಚಕ್ಕೆ, ಲವಂಗ- ಸ್ವಲ್ಪ
ಹೆಚ್ಚಿದ ಈರುಳ್ಳಿ- 2

ಮಾಡುವ ವಿಧಾನ :
ಭಾಸುಮತಿ ಅಕ್ಕಿಯನ್ನು ತೊಳೆದು ಐದು ನಿಮಿಷಗಳವರೆಗೂ ನೀರಿನಲ್ಲಿ ನೆನೆಸಿ. ಬಾಣಲೆಯಲ್ಲಿ ತುಪ್ಪವನ್ನು ಹಾಕಿ ದ್ರಾಕ್ಷಿ, ಗೋಡಂಬಿಯನ್ನು ಕೆಂಪು ಬಣ್ಣಕ್ಕೆ ಹುರಿದಿಟ್ಟುಕೊಳ್ಳಿ. ಅದೇ ತುಪ್ಪದಲ್ಲಿ ಎರಡು ಸಣ್ಣಗೆ ಕತ್ತರಿಸಿದ ಈರುಳ್ಳಿಗಳನ್ನು, ಎರಡು-ಮೂರು ನಿಮಿಷಗಳವರೆಗೂ ಹಾಕಿ ಹುರಿಯಿರಿ. ಅದರೊಳಗೆ ಖಾರದ ಪುಡಿ ಬೆರೆಸಿಕೊಳ್ಳಿ. ಒಂದೆರಡು ನಿಮಿಷದ ನಂತರ ಅಕ್ಕಿಯನ್ನು ಹಾಕಿ. ರುಚಿಗೆ ತಕ್ಕಷ್ಟು ಉಪ್ಪನ್ನು ಹಾಕಿ ನಾಲ್ಕು ಅಥವಾ ಐದು ನಿಮಿಷಗಳವರೆಗೂ ಕೈಯಾಡಿಸಿ.

1/2 ಕಪ್‌ನಷ್ಟು ಕಿತ್ತಳೆ ರಸ, ಒಂದೂ ಕಾಲು ಕಪ್‌ ನೀರು, ಸೀಡ್‌ಲೆಸ್‌ ದ್ರಾಕ್ಷಿಯನ್ನು ಹಾಕಿ ಚೆನ್ನಾಗಿ ಮೇಲಿಂದ ಮೇಲೆ ಕಲುಕುತ್ತಿರಿ. ಆನಂತರ ದ್ರಾಕ್ಷಿ, ಗೋಡಂಬಿ ಹಾಗೂ ಕೊತ್ತಂಬರಿ ಸೊಪ್ಪನ್ನು ಮೇಲೆ ಉದುರಿಸಿ ಅಲಂಕರಿಸಿ. ಬಿಸಿಯಾಗಿರುವಾಗಲೇ ಪಲಾವ್‌ನ ರುಚಿನೋಡಿ... ದಿಲ್‌ ಖುಷ್‌ ಮಾಡಿ...