ಉಪ್ಪಿಟ್ಟು ಮೇಲೆ ಮುನಿಸೇ, ಬಿರಿಯಾನಿ ತಿನ್ನು ಕೂಸೇ..!

Rice

oi-Reena

By Hema S

Published: Monday, January 30, 2012, 12:30 [IST]

ತಿಂಡಿಗೆ ಉಪ್ಪಿಟ್ಟು ಅಂದಾಕ್ಷಣ ಮುಖ ಕಪ್ಟಿಟ್ಟು ಮಾಡ್ಕೋಬೇಡಿ. ಉಪ್ಪಿಟ್ಟು ಇಷ್ಟ ಇಲ್ಲದಿದ್ರೆ ಬಿರಿಯಾನಿ ಮಾಡಿ ತಿಂದ್ರಾಯ್ತು. ಬಿರಿಯಾನಿ ಮಾಡೋದು ಉರಿಗಡೆಲೆ ಉರಿದಷ್ಟು ಸುಲಭನಾ ಎಂದು ಕೋಪಿಸದಿರಿ. ಕನ್ನಡ ಬೋಲ್ಡ್ ಸ್ಕೈ ನಿಮಗಾಗಿ ಸುಲಭವಾಗಿ ವಿಶೇಷ ಬಿರಿಯಾನಿ ಮಾಡಲು ಹೇಳಿಕೊಡುತ್ತಿದೆ. ಉಪ್ಪಿಟ್ಟು, ಚಿತ್ರಾನ್ನದ ಮೇಲೆ ಮುನಿಸಿದ್ದಾಗ ಬಿರಿಯಾನಿ ಮಾಡಿರಿ.

ಬೇಕಾಗುವ ಸಾಮಾಗ್ರಿಗಳು:
*ಬಾಸುಮತಿ ಅಕ್ಕಿ
* ಬಟಾಣಿ 1/2 ಕಪ್
* ಬೀನ್ಸ್, ಕ್ಯಾರೆಟ್, ಹೂಕೋಸು( ಒಂದು ಬಟ್ಟಲು)
* ತುಪ್ಪ 2 ಚಮಚ
* ಈರುಳ್ಳಿ 1
* ಟೊಮೆಟೊ 1
* ಹಸಿ ಮೆಣಸು 5-6
* ಬೆಳ್ಳುಳ್ಳಿ ಎಸಳು 7-8
* ಗರಂ ಮಸಾಲ ಪುಡಿ ಅಥವಾ ಚಕ್ಕೆ, ಲವಂಗ, ಪಲಾವ್ ಎಲೆ
* ಕೆಂಪು ಮೆಣಸಿನ ಪುಡಿ (ನಿಮ್ಮ ಖಾರದ ಅಳತೆಗೆ ತಕ್ಕಷ್ಟು)
* ಅರಿಶಿಣ ಪುಡಿ 1/2 ಚಮಚ
* ಉಪ್ಪು
* ಕೊತ್ತಂಬರಿ ಸೊಪ್ಪು
* ಗೋಡಂಬಿ
* ಒಣದ್ರಾಕ್ಷಿ
* ಬೇಯಿಸಿದ ಮೊಟ್ಟೆ 2 ( ಬೇಕಿದ್ದರೆ)

ತಯಾರಿಸುವ ವಿಧಾನ:

1. 2 ಕಪ್ ಅಕ್ಕಿಯನ್ನು ತೊಳೆದು ಒಂದು ಗಂಟೆ ನೀರಿನಲ್ಲಿ ನೆನೆ ಹಾಕಬೇಕು.

2. ನಂತರ ನೀರನ್ನು ಚೆಲ್ಲಿ ಅಕ್ಕಿಯನ್ನು ಒಂದು ಪಾತ್ರೆಯಲ್ಲಿಡಿ.

3. ಫ್ರೆಶರ್ ಕುಕ್ಕರಿನಲ್ಲಿ ತುಪ್ಪವನ್ನು ಬಿಸಿ ಮಾಡಿ, ಅದಕ್ಕೆ ಈರುಳ್ಳಿ, ಬೆಳ್ಳುಳ್ಳಿ, ಶುಂಠಿಯನ್ನು ಹುರಿಯಿರಿ.

4. ಎಲ್ಲಾ ಮಸಾಲ ಪುಡಿಯನ್ನುಸೇರಿಸಿ

5. ಹಸಿ ಮೆಣಸು ಮತ್ತು ಟೊಮೆಟೊ ಹಾಕಿ 2-3 ನಿಮಿಷ ಸೌಟಿನಿಂದ ಆಡಿಸುತ್ತಾ ಇರಬೇಕು. ಆಗ ಮಸಾಲೆ ಮತ್ತು ಟೊಮೆಟೊ ಚೆನ್ನಾಗಿ ಮಿಶ್ರ ಆಗುತ್ತದೆ.

6. ಈಗ ಆ ಮಿಶ್ರಣಕ್ಕೆ ತರಕಾರಿಗಳನ್ನು ಸೇರಿಸಿ 2-3 ನಿಮಿಷ ಹುರಿಯಬೇಕು.

7.ರುಚಿಗೆ ತಕ್ಕ ಉಪ್ಪು ಹಾಕಿ.

8. ಈಗ ಅಕ್ಕಿಯನ್ನು ಆ ಮಿಶ್ರಣಕ್ಕೆ ಹಾಕಿ 1-2 ನಿಮಿಷ ಹುರಿದು 4 ಕಪ್ ನೀರು ಹಾಕಿ ಕುಕ್ಕರಿನಲ್ಲಿ 2 ವಿಶಲ್ ಬರುವವರೆಗೆ ಬೇಯಿಸಿ.

9. ಈಗ ಕುಕ್ಕರ್ ನಿಂದ ಆವಿ ಚೆನ್ನಾಗಿ ಹೋದ ಮೇಲೆ ಕುಕ್ಕರ್ ಓಪನ್ ಮಾಡಿ ಗೋಡಂಬಿ, ಒಣದ್ರಾಕ್ಷಿಗಳನ್ನು ಸೇರಿಸಿದರೆ ಬಿರಿಯಾನಿ ರೆಡಿ.

ಇದಕ್ಕೆ ಬೇಕಾದರೆ ಬೇಯಿಸಿದ ಮೊಟ್ಟೆಗಳನ್ನು ಕತ್ತರಿಸಿ ಸೇರಿಸಬಹುದು.