ಸಿಂಧಿ ಶೈಲಿಯಲ್ಲಿ ರುಚಿಯಾದ ಚನ್ನಾ ಮಸಾಲ

ಚನ್ನಾ ಮಸಾಲೆ/ಲ ಸಾಮಾನ್ಯವಾಗಿ ಎಲ್ಲರಿಗೆ ಇಷ್ಟವಾಗುವ ಖಾದ್ಯವಾಗಿದೆ. ಚನ್ನಾ ಮಸಾಲವನ್ನು 10ಕ್ಕೂ ಮಿಗಿಲಾದ ರುಚಿಯಲ್ಲಿ ತಯಾರಿಸಬಹುದು. ಗ್ರೇವಿ ರೀತಿ ಮಾಡುವ ಚನ್ನಾ ಮಸಾಲವನ್ನು ಅನ್ನ, ಚಪಾತಿ, ಪೂರಿ ಜೊತೆ ತಿನ್ನಲು ರುಚಿಕರವಾಗಿರುತ್ತದೆ.

ಇಲ್ಲಿ ನಾವು ಸಿಂಧಿ ಶೈಲಿಯಲ್ಲಿ ಚನ್ನಾ ಮಸಾಲ ಮಾಡುವ ವಿಧಾನ ಹೇಳಿದ್ಧೇವೆ. ಕೊತ್ತಂಬರಿ ಸೊಪ್ಪನ್ನು ರುಬ್ಬಿ ಮಾಡುವುದೇ ಇದರ ಪ್ರತ್ಯೇಕ ರುಚಿಗೆ ಕಾರಣವಾಗಿದೆ. ರೆಸಿಪಿ ನೋಡಿ ಇಲ್ಲಿದೆ:

ಬೇಕಾಗುವ ಸಾಮಾಗ್ರಿಗಳು
ಚನ್ನಾ(ದೊಡ್ಡ ಕಡಲೆ) 2 ಕಪ್
ಈರುಳ್ಳಿ 2
ಸ್ವಲ್ಪ ಕೊತ್ತಂಬರಿ ಸೊಪ್ಪು
ಟೊಮೆಟೊ 2
ಹಸಿ ಮೆಣಸಿನಕಾಯಿ 2-3
ಶುಂಠಿ
ಬೆಳ್ಳುಳ್ಳಿ
ಒಣ ಮಾವಿನ ಪುಡಿ 1 ಚಮಚ
ಕೊತ್ತಂಬರಿ ಪುಡಿ 1 ಚಮಚ
ಅರಿಶಿಣ ಪುಡಿ
ಎಣ್ಣೆ 2 ಚಮಚ
ನೀರು
ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

* ಚನ್ನಾವನ್ನು 6 ಗಂಟೆಗಳ ನೀರಿನಲ್ಲಿ ನೆನೆ ಹಾಕಿ.

* ನಂತರ ಚೆನ್ನಾವನ್ನು ತೊಳೆದು ಚನ್ನಾ ಬೇಯಲು ತಕ್ಕ ನೀರು ಹಾಕಿ, ಸ್ವಲ್ಪ ಉಪ್ಪು ಹಾಕಿ 3 ವಿಶಲ್ ಬರುವವರೆಗೆ ಬೇಯಿಸಿ.

* ಈಗ ಸ್ವಲ್ಪ ಕೊತ್ತಂಬರಿ ಸೊಪ್ಪು, ಹಸಿ ಮೆಣಸಿನಕಾಯಿ, ಈರುಳ್ಳಿ, ಬೆಳ್ಳುಳ್ಳಿ, ಶುಂಠಿ ಹಾಕಿ ರುಬ್ಬಿ.

* ಈಗ ಎಣ್ಣೆಯನ್ನು ಬಿಸಿ ಮಾಡಿ ಅದಕ್ಕೆ ಈ ಪೇಸ್ಟ್ ಹಾಕಿ 2 ನಿಮಿಷ ಹುರಿದು, ಟೊಮೆಟೊ ಹಾಕಿ, ಟೊಮೆಟೊ ಮೆತ್ತಗಾಗುವವರೆಗೆ ಹುರಿಯಿರಿ.

* ಈಗ ಬೇಯಿಸಿದ ಚನ್ನಾವನ್ನು ಹಾಕಿ, ಅದನ್ನು ಬೇಯಿಸಿದ ನೀರನ್ನು ಗ್ರೇವಿಗೆ ತಕ್ಕಷ್ಟು ಹಾಕಿ, ರುಚಿಗೆ ತಕ್ಕ ಉಪ್ಪು, ಸ್ವಲ್ಪ ಅರಿಶಿಣ, ಒಣ ಮಾವಿನ ಪುಡಿ ಸೇರಿಸಿ ಮತ್ತೆ 5 ನಿಮಿಷ ಬೇಯಿಸಿದರೆ ಚನ್ನಾ ಮಸಾಲ ರೆಡಿ.