ಬಾಯಾಲ್ಲಿ ನೀರೂರಿಸುತ್ತೆ ಈ ಗರಿಗರಿಯಾದ ಆಲೂಗಡ್ಡೆ ದೋಸೆ

ತಯಾರಿಸುವ ವಿಧಾನ:

ಮೊದಲಿಗೆ, ಮಿಕ್ಸಿ ಜಾರ್ ಗೆ 3 ಬೇಯಿಸಿದ ಆಲೂಗಡ್ಡೆಯನ್ನು ಕತ್ತರಿಸಿ, ಹಾಕಿ. ಅದಕ್ಕೆ 1 ಕಪ್ ನೀರು ಸೇರಿಸಿ, ನಯವಾದ ಪೇಸ್ಟ್ ತಯಾರಿಸಿ, ಬಟ್ಟಲಿಗೆ ಹಾಕಿಕೊಳ್ಳಿ.

ಅದಕ್ಕೆ 1½ ಕಪ್ ಅಕ್ಕಿ ಹಿಟ್ಟು, ¼ ಕಪ್ ರವೆ ಮತ್ತು 1 ಟೀಸ್ಪೂನ್ ಉಪ್ಪು ಸೇರಿಸಿ, 5 ಕಪ್ ನೀರು ಹಾಕಿ, ಚೆನ್ನಾಗಿ ಮಿಕ್ಸ್ ಮಾಡಿ.

ಮಿಶ್ರಣದಲ್ಲಿ ಗಂಟಿಲ್ಲ ಎಂಬುದನ್ನು ಸರಿಯಾಗಿ ಗಮನಿಸಿ, ಮತ್ತಷ್ಟು ಮಿಶ್ರಣ ಮಾಡಿ.

ಮುಂದೆ ಇದಕ್ಕೆ 1 ಈರುಳ್ಳಿ, ಕೊತ್ತಂಬರಿ ಸೊಪ್ಪು, 2 ಮೆಣಸಿನಕಾಯಿ, ಕರಿಬೇವು ಮತ್ತು 1 ಟೀಸ್ಪೂನ್ ಜೀರಿಗೆ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ, ರವೆ ಚೆನ್ನಾಗಿ ನೆನೆಯಲು 10 ನಿಮಿಷಗಳ ಕಾಲ ಹಾಗೆಯೇ ಬಿಡಿ.

10 ನಿಮಿಷಗಳ ನಂತರ, ಅಗತ್ಯವಿದ್ದರೆ ನೀರನ್ನು ಸೇರಿಸಿ, ಹಿಟ್ಟು ನೀರು ದೋಸೆಯ ಹದದಲ್ಲಿರಲಿ.

ನಂತರ ಪ್ಯಾನ್ ಬಿಸಿಗಿಟ್ಟು, ಹಿಟ್ಟನ್ನು ಪ್ಯಾನ್ ಮೇಲೆ ಸುರಿಯಿರಿ.

ಅದರ ಮೇಲೆ 1 ಟೀಸ್ಪೂನ್ ಎಣ್ಣೆಯನ್ನು ಹಾಕಿ, 2 ನಿಮಿಷಗಳ ಕಾಲ ಅಥವಾ ದೋಸೆ ಗರಿಗರಿಯಾಗುವವರೆಗೆ ಹುರಿಯಲು ಬಿಡಿ.

ಕೊನೆಯದಾಗಿ ಚಟ್ನಿಯೊಂದಿಗೆ ಸವಿಯಲು ಗರಿಗರಿಯಾದ ಆಲೂ ದೋಸೆ ಸವಿಯಲು ಸಿದ್ಧ.