ಪಾಕಶಾಲೆ:ಎಳೆ ಕ್ಯಾರಟ್ ರಸಾಯನ

ತರಕಾರಿ ಬೆಲೆ ಏನೋ ಗಗನಕ್ಕೇರಿದೆ ಆದರೆ ನಾಲಿಗೆ ಇದನ್ನೆಲ್ಲಾ ಕೇಳುವ ಸ್ಥಿತಿಯಲ್ಲಿಲ್ಲ ಎನ್ನುತ್ತಿದ್ದಾರೆ ಪಾಕ ಪ್ರವೀಣೆ ಬೆಂಗಳೂರಿನ ಶ್ರೀರಕ್ಷಾ! ಅಂದಹಾಗೆ ಈ ಕ್ಯಾರಟ್ ರಸಾಯನವನ್ನು ಅನ್ನಹುಳಿಯೊಂದಿಗೆ ವ್ಯಂಜನವಾಗಿ ಬಳಸಬಹುದು.

ಬೇಕಾಗುವ ಪದಾರ್ಥಗಳು
ಎಳೆ ಕ್ಯಾರೆಟ್: 2 ಕಪ್ಪು (ಚಕ್ರಾಕಾರದಲ್ಲಿ ಹೆಚ್ಚಿದ)
ಕೊತ್ತಂಬರಿ ಸೊಪ್ಪು: ½ ಹಿಡಿ
ನಿಂಬೆ ಹಣ್ಣಿನ ಹೋಳು: 2

ಮಸಾಲೆ ಪದಾರ್ಥಗಳು
ಸಾಸಿವೆ ಕಾಳು: ¼ ಟೀ ಚಮಚ
ಉದ್ದಿನ ಬೇಳೆ: ½ ಟೀ ಚಮಚ
ಹೆಚ್ಚಿಕೊಂಡ ಹಸಿ ಮೆಣಸಿನ ಕಾಯಿ: 1
ಈರುಳ್ಳಿ: 1 ಸಣ್ಣಗೆ ಹೆಚ್ಚಿಕೊಳ್ಳಬೇಕು
ಉಪ್ಪು: ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ
1. ವೃತ್ತಾಕಾರದಲ್ಲಿ ಹೆಚ್ಚಿಕೊಂಡ ಎಳೆ ಕ್ಯಾರಟ್ ನ್ನು ಒಂದು ಪಕ್ಕಕ್ಕಿಟ್ಟುಕೊಳ್ಳಿ
2. ಬಾಣಲೆಯಲ್ಲಿ 1 ಟೀ ಚಮಚ ಎಣ್ಣೆ ,1 ಟೀ ಚಮಚ ಸಾಸಿವೆ, ½ ಟೀ ಚಮಚ ಉದ್ದಿನ ಬೇಳೆ ಹಾಗೂ ಹೆಚ್ಚಿಕೊಂಡ 1 ಹಸಿ ಮೆಣಸಿನಕಾಯಿ ಹಾಕಿ ಬಿಸಿ ಮಾಡಿ.
3. ಸಣ್ಣಗೆ ಹೆಚ್ಚಿಕೊಂಡ ಈರುಳ್ಳಿಯನ್ನು ಹಾಕಿ ಬೇಯಿಸಿ ಸ್ವಲ್ಪ ಸಮಯ ಬಿಟ್ಟು ವೃತ್ತಾಕಾರದಲ್ಲಿ ಹೆಚ್ಚಿಕೊಂಡ ಕ್ಯಾರೆಟನ್ನು ಹಾಕಿ ಚೆನ್ನಾಗಿ ಬೇಯಿಸಿ.
4. ರುಚಿಗೆ ತಕ್ಕಷ್ಟು ಉಪ್ಪು, ಹೆಚ್ಚಿಕೊಂಡ ಕೊತ್ತಂಬರಿ ಸೊಪ್ಪು ಹಾಗೂ ನಿಂಬೆ ಹಣ್ಣಿನ ರಸ ಹಿಂಡಿ ಬಡಿಸಿ.