ನಂಜನಗೂಡ್‌ ಬನಾನಾ ಕಬಾಬ್‌ : ಸಸ್ಯಾಹಾರಿಗಳಿಗೆ ಮಾತ್ರ!

ಚಿಕ್ಕನ್‌ ಕಬಾಬ್‌, ಮಟನ್‌ ಕಬಾಬ್‌ ಎಂದು ಬಾಯಿ ಚಪ್ಪರಿಸಿ ಮಾಂಸಹಾರಿಗಳು ತಿನ್ನುವಾಗ, ನೀವೇಕೆ ಬನಾನಾ ಕಬಾಬ್‌ ಸವಿಯಬಾರದು?

ದಪ್ಪನೆಯ ನೇಂದ್ರ ಬಾಳೆ ಕಾಯಿ: ಒಂದು ಕಿಲೋ
ಮೈದಾ: 2ಕಪ್‌
ಅರಿಶಿಣ ಪುಡಿ: ಅರ್ಧ ಚಮಚ
ಏಲಕ್ಕಿ ಪುಡಿ: ಒಂದು ಚಮಚ
ಸಕ್ಕರೆ: 4 ಚಮಚ
ಉಪ್ಪು: ರುಚಿಗೆ ತಕ್ಕಷ್ಟು
ಸೋಡಾ: ಚಿಟಿಕೆ
ಕರಿಯಲು ಎಣ್ಣೆ

ಮಾಡುವ ವಿಧಾನ ಸಹ ಬಹಳ ಸುಲಭ:

ಮೊದಲು ಬಾಳೆ ಕಾಯಿಯ ಸಿಪ್ಪೆಯನ್ನು ತೆಗೆದು ಬಿಡಿ. ಸಿಪ್ಪೆ ತೆಗೆದ ಬಾಳೆಹಣ್ಣನ್ನು ನಿಮ್ಮ ಮನಸ್ಸಿಗೆ ಇಷ್ಟವಾದಂತೆ ಉದ್ದುದ್ದಕ್ಕೆ ಅಥವಾ ಅಡ್ಡಡ್ಡಕ್ಕೆ ಸೀಳಿ. ಸರಿ ಅವನ್ನೆಲ್ಲ ಒಂದು ಪಾತ್ರೆಯಲ್ಲಿ ಹಾಕಿಡಿ.

ಆಮೇಲೆ ಮೈದಾ ಹಿಟ್ಟುನೊಂದಿಗೆ ನಾವು ಮೊದಲೇ ಹೇಳಿದ ಎಲ್ಲ ಪದಾರ್ಥಗಳ ಬೆರೆಸಿ. ಅಂದ ಹಾಗೇ ನೀರು ಸೇರಿಸಿ ಚೆನ್ನಾಗಿ ಕಲಸಿ, ಅದು ದೋಸೆ ಹಿಟ್ಟಿನ ಹದಕ್ಕೆ ಬರವವರೆಗೆ ಈ ಕೆಲಸ ಮುಂದುವರೆಸಿ.

ಅಲ್ಲಿಗೆ ಶೇ.70ರಷ್ಟು ಕೆಲಸ ಮುಗಿದು ಹೋಯಿತು. ಬಾಣಲಿಯಲ್ಲಿನ ಎಣ್ಣೆ ಕಾದ ನಂತರ, ಬಾಳೇ ಕಾಯಿ ತುಂಡುಗಳನ್ನು ಹಿಟ್ಟಿನಲ್ಲಿ ಅದ್ದಿ ಬೋಂಡಾ ಕರಿದಂತೆ ಕೆಂಪಗಾಗುವ ತನಕ ಕರಿಯಿರಿ. ಆಮೇಲೆ ಅಂದದ ತಟ್ಟೆಗೆ ಬಿಸಿಬಿಸಿ ಬನಾನಾ ಕಬಾಬ್‌ ಬಾಕಿಕೊಂಡು ರುಚಿ ನೋಡಿ !