ಬೊಂಬಾಟ್ ರುಚಿಗೆ ಮೆಣಸಿನಕಾಯಿ ರಾಯತ

Published: Monday, February 6, 2012, 16:09 [IST]

ಅನ್ನ ಅಥವಾ ರೊಟ್ಟಿಗೆ ಮೆಣಸಿನ ಕಾಯಿ ರಾಯತ ತುಂಬಾ ರುಚಿಕರವಾಗಿರುತ್ತೆ. ಮೆಣಸಿಕಾಯಿ ಮತ್ತು ಮೊಸರು ಬಳಸಿ ತಯಾರಿಸುವ ಈ ರಾಯತ ಬಾಯಿ ರುಚಿಯನ್ನು ಹೆಚ್ಚಿಸುತ್ತದೆ. ಇವತ್ತು ನಾವು ಸುಲಭವಾಗಿ ತಯಾರಿಸಬಹುದಾದ ಮೆಣಸಿಕಾಯಿ ರಾಯತ ತಯಾರಿಸುವ ವಿಧಾನ ನೋಡೋಣ.

ಬೇಕಾಗುವ ಸಾಮಾಗ್ರಿಗಳು:
* 2 ಕಪ್ ಮೊಸರು
* 1/2 ಕಪ್ ದೊಡ್ಡ ಮೆಣಸು ( ಅದರ ಬೀಜಗಳನ್ನು ತೆಗೆದಿರಬೇಕು)
* 1/2 ಚಮಚ ಸಾಸಿವೆ
* 1/2 ಚಮಚ ಜೀರಿಗೆ
* ಉಪ್ಪು ರುಚಿಗೆ ತಕ್ಕಷ್ಟು
* 2 ಕೆಂಪು ಒಣ ಮೆಣಸಿನ ಕಾಯಿ
* 1/2 ಚಮಚ ಸಕ್ಕರೆ

ತಯಾರಿಸುವ ವಿಧಾನ:

1. ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆ ಹಾಕಿ ಅದು ಬಿಸಿಯಾದಾಗ ಸಾಸಿವೆ ಮತ್ತು ಜೀರಿಗೆ ಹಾಕಬೇಕು. ಅದಕ್ಕೆ ಒಣ ಕೆಂಪು ಮೆಣಸನ್ನು ಮುರಿದು ಹಾಕಬೇಕು. ನಂತರ ದೊಡ್ಡ ಮೆಣಸು( ಕ್ಯಾಪ್ಸಿಕಂ) ಹಾಕಿ ಸೌಟ್ ನಿಂದ ಆಡಿಸಬೇಕು.

2. ಹೀಗೆ ಆಡಿಸುತ್ತಾ ದೊಡ್ಡ ಮೆಣಸು ಮೃದುವಾಗುವವರೆಗೆ ಹುರಿಯಬೇಕು.

3. ಮೊಸರಿಗೆ ಸಕ್ಕರೆ ಹಾಕಿ ಸ್ಪೂನ್ ನಿಂದ ಚೆನ್ನಾಗಿ ಕಲಿಸಬೇಕು. ಅದಕ್ಕೆ ಸ್ವಲ್ಪ ಉಪ್ಪು ಹಾಕಿ ಮಿಶ್ರ ಮಾಡಬೇಕು.

4. ಈಗ ಹುರಿದ ಕ್ಯಾಪ್ಸಿಕಂ ಮಿಶ್ರಣವನ್ನು ಮೊಸರಿನ ಮಿಶ್ರಣಕ್ಕೆ ಸೇರಿಸದರೆ ರಾಯತ ರೆಡಿ.