ವೆಜೆಟೇಬಲ್ ಚೀಸ್ ಆಮ್ಲೇಟ್

Non Vegetarian

oi-Reena

By Hema S

Updated: Saturday, September 1, 2012, 17:21 [IST]

ಆಮ್ಲೇಟ್ ಅನ್ನು ಅನೇಕ ರೀತಿಯಲ್ಲಿ ತಯಾರಿಸಬಹುದು. ಸಾಮಾನ್ಯವಾಗಿ ಮೊಟ್ಟೆಗೆ ಈರುಳ್ಳಿ ಹಾಕಿ ಆಮ್ಲೇಟ್ ತಯಾರಿಸುತ್ತೇವೆ. ಪ್ರತಿಬಾರಿಯೂ ಆಮ್ಲೇಟ್ ತಯಾರಿಸುವಾಗ ಒಂದೇ ರುಚಿಯಲ್ಲಿ ಮಾಡಿ ತಿನ್ನುವ ಬದಲು ಚೀಸ್ ಮತ್ತು ತರಕಾರಿ ಹಾಕಿ ಆಮ್ಲೇಟ್ ಟ್ರೈ ಮಾಡಿ, ಇದು ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ. ಈ ವೆಜೆಟೇಬಲ್ ಚೀಸ್ ಆಮ್ಲೇಟ್ ಮಾಡುವ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು
ಮೊಟ್ಟೆ 3
ಕಾಲು ಗ್ಲಾಸ್ ಶುದ್ಧ ನೀರು
ರುಚಿಗೆ ತಕ್ಕ ಉಪ್ಪು
ಅಣಬೆ 2
ಟೊಮೆಟೊ ಒಂದು (ಚಿಕ್ಕದಾಗಿ ಕತ್ತರಿಸಿದ್ದು)
ಕರಿಮೆಣಸಿನ ಪುಡಿ ಅರ್ಧಚಮಚ
ಹಸಿಮೆಣಸಿನ ಕಾಯಿ 2
ದೊಡ್ಡ ಮೆಣಸು ಒಂದು
ಈರುಳ್ಳಿ ಒಂದು
ಬೆಳ್ಳುಳ್ಳಿ 2 ಎಸಳು
ಅರ್ಧ ಕಪ್ ಚೀಸ್
ಸ್ವಲ್ಪ ಎಣ್ಣೆ

ತಯಾರಿಸುವ ವಿಧಾನ:

1. ಮೊಟ್ಟೆಯಲ್ಲಿ ಒಂದು ಬಟ್ಟಲಿನಲ್ಲಿ ಒಡೆದು ಹಾಕಿ ಚಿಟಿಕೆಯಷ್ಟು ಉಪ್ಪು ಹಾಕಿ ಚೆನ್ನಾಗಿ ಕದಡಬೇಕು.

2. ಒಂದು ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಈರುಳ್ಳಿ, ಬೆಳ್ಳುಳ್ಳಿಯನ್ನು ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು. ನಂತರ ಹಸಿ ಮೆಣಸಿನ ಕಾಯಿ ಮತ್ತು ದುಂಡು ಮೆಣಸಿನ ಕಾಯಿ ನಂತರ ಕತ್ತರಿಸಿದ ಟೊಮೆಟೊ ಅಣಬೆ ಮತ್ತು ರುಚಿಗೆ ತಕ್ಕ ಉಪ್ಪು ಹಾಕಿ, ಸ್ವಲ್ಪ ನೀರು ಸೇರಿಸಿ ಹುರಿಯಬೇಕು.

3. ನಂತರ ಚೆನ್ನಾಗಿ ಕದಡಿದ ಮೊಟ್ಟೆಯನ್ನು ಈ ತರಕಾರಿಗೆ ಹಾಕಬೇಕು. ಆಮ್ಲೇಟ್ ಸ್ವಲ್ಪ ಬೆಂದ ಮೇಲೆ ತುರಿದ ಚೀಸ್ ಹಾಕಿ ಮಗುಚಿ ಹಾಕಬೆಕು. ಆಮ್ಲೇಟ್ ನ ಎರಡೂ ಬದಿ ಬೆಂದ ಮೇಲೆ ತೆಗೆದರೆ ಸವಿಯಲು ರುಚಿಕರವಾದ ವೆಜೆಟೇಬಲ್ ಚೀಸ್ ಆಮ್ಲೇಟ್ ರೆಡಿ.