ರುಚಿಯಾದ ಮಟನ್ ರೋಸ್ಟ್ -ವೀಕೆಂಡ್ ಸ್ಪೆಷೆಲ್

Non Vegetarian

oi-Reena

By Hema S

Updated: Friday, August 31, 2012, 16:51 [IST]

ಮಟನ್ ಕಬಾಬ್ ಅನ್ನು ಸುಲಭದಲ್ಲಿ ಮಾಡಬಹುದು, ಆದರೆ ಕಬಾಬ್ ಅಥವಾ ರೋಸ್ಟ್ ಅನ್ನು ತುಂಬಾ ರುಚಿಕರವಾಗಿ ಮಾಡಬೇಕಾದರೆ ಮಸಾಲೆಯನ್ನು ಸರಿಯಾದ ರೀತಿಯಲ್ಲಿ ಹಾಕಬೇಕು. ಮಟನ್ ಕಬಾಬ್ ಅನ್ನು ಎಣ್ಣೆಯಲ್ಲಿ ಕರೆದು ತಿನ್ನುವುದಕ್ಕಿಂತ ಕೆಂಡದಲ್ಲಿ ರೋಸ್ಟ್ ಮಾಡಿ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ. ಮಟನ್ ಕಬಾಬ್ ಮಾಡಲು ಬಯಸುವುದಾದರೆ ರೆಸಿಪಿ ನೋಡಿ ಇಲ್ಲಿದೆ:

ಬೇಕಾಗುವ ಸಾಮಾಗ್ರಿಗಳು

ಅರ್ಧ ಕೆಜಿ ಮಟನ್ (ಬೋನ್ ಲೆಸ್)
2 ಚಮಚ ಕೊತ್ತಂಬರಿ ಬೀಜ
4-5 -ಒಣಮೆಣಸು
2 ಚಮಚ ಗಸೆಗಸೆ
1 ಚಮಚ ಜೀರಿಗೆ
3 ಚಮಚ ಮೊಸರು
1 ಚಮಚ ಬೆಳ್ಳುಳ್ಳಿ ಪೇಸ್ಟ್
1 ಚಮಚ ಶುಠಿ ಪೇಸ್ಟ್
1 ಚಮಚ ಈರುಳ್ಳಿ ಪೇಸ್ಟ್
ಸ್ವಲ್ಪ ಕರಿಮೆಣಸಿನಕಾಳು
4 ಲವಂಗ
ರುಚಿಗೆ ತಕ್ಕ ಉಪ್ಪು
ಎಣ್ಣೆ

ತಯಾರಿಸುವ ವಿಧಾನ:

1. ಕೊತ್ತಂಬರಿ ಬೀಜ, ಒಣ ಮೆಣಸು, ಗಸೆಗಸೆ, ಜೀರಿಗೆ , ಕಾಳು ಮೆಣಸು , ಲವಂಗ ಇವುಗಳನ್ನು ಹುರಿದು ಮಿಕ್ಸಿಯಲ್ಲಿ ಹಾಕಿ ಪೇಸ್ಟ್ ರೀತಿ ಮಾಡಬೇಕು.

2. ನಂತರ ಮಾಂಸವನ್ನು ತೊಳೆದು ಕುಕ್ಕರ್ ನಲ್ಲಿ ಹಾಕಿ ಒಂದು ವಿಷಲ್ ವರೆಗೆ ಬೇಯಿಸಬೇಕು. ನಂತರ ಮಟನ್ ಮಾಂಸದ ತುಂಡಿಗೆ ಪುಡಿ ಮಾಡಿದ ಮಿಶ್ರಣ, ಬೆಳ್ಳುಳ್ಳಿ, ಈರುಳ್ಳಿ, ಶುಂಠಿ ಪೇಸ್ಟ್ , ಮೊಸರು ಹಾಕಿ ಮಿಶ್ರ ಮಾಡಿ , ರುಚಿಗೆ ತಕ್ಕ ಉಪ್ಪು ಹಾಕಿ ಚೆನ್ನಾಗಿ ಮಿಶ್ರ ಮಾಡಿ 2-3 ಗಂಟೆ ಕಾಲ ಇಡಬೇಕು.

3. ಬಾಣಲೆಯಲ್ಲಿ ಎಣ್ಣೆ ಹಾಕಿ ಮಟನ್ ಅನ್ನು ಬೇಯುವವರೆಗೆ ಕರೆದರೆ ರುಚಿಕರವಾದ ಮಟನ್ ಕಬಾಬ್ ರೆಡಿ.

ಮತ್ತೊಂದು ವಿಧಾನ: ಮಸಾಲೆ ಮಿಶ್ರಣ ಮಾಡಿಟ್ಟ ಮಟನ್ ಅನ್ನು ಒಂದು ತಂತಿಗೆ ಚುಚ್ಚಿ ಅದರ ಮೇಲೆ ಎಣ್ಣೆ ಸವರಿ ಕೆಂಡದಲ್ಲಿ ರೋಸ್ಟ್ ಮಾಡಿದರೂ ಕೂಡ ತುಂಬಾ ರುಚಿಕರವಾಗಿರುತ್ತದೆ. ತಯಾರಿಸಿದ ಮಟನ್ ರೋಸ್ಟ್ ಅನ್ನು ನಿಂಬೆ ಹಣ್ಣಿನ ತುಂಡಿನ ಜೊತೆ ಸರ್ವ್ ಮಾಡಿ.