ಸವಿರುಚಿಯ ಚಿಕನ್ ಚಿಲ್ಲಿ ರೆಸಿಪಿ

ಚಿಕನ್ ನಿಂದ ಸಾರು, ಗ್ರೇವಿ, ಸ್ಟ್ಯಾಕ್ಸ್ ಐಟಮ್ , ಬಿರಿಯಾನಿ ಹೀಗೆ ಅನೇಕ ಬಗೆಯ ಅಡುಗೆಗಳನ್ನು ತಯಾರಿಸಬಹುದು. ಚಿಕನ್ ನಿಂದ ವಿಧ-ವಿಧದದ ಸ್ಟ್ರಾಟರ್ಸ್ ತಯಾರಿಸಬಹುದು.

ಅವುಗಳಲ್ಲಿ ಚಿಕನ್ ಚಿಲ್ಲಿ ತುಂಬಾ ಜನಪ್ರಿಯವಾದ ನಾನ್ ವೆಜೆಟೇರಿಯನ್ ಸ್ನ್ಯಾಕ್ಸ್ ಐಟಮ್ ವಾಗಿದೆ. ಈ ಚಿಕನ್ ಚಿಲ್ಲಿಯನ್ನು ಮನೆಯಲ್ಲಿಯೇ ತಯಾರಿಸಬಹುದುದು. ನೀವು ಈ ಚಿಕನ್ ಚಿಲ್ಲಿ ಮಾಡಬಯಸುವುದಾದರೆ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು

ಅರ್ಧ ಕೆಜಿ ಬೋನ್ ಲೆಸ್ ಚಿಕನ್
2 ಚಮಚ ಸೋಯಾ
ಮೊಟ್ಟೆ 2
2 ಚಮಚ ಜೋಳದ ಹಿಟ್ಟು
2 ಈರುಳ್ಳಿ
ಹಸಿ ಮೆಣಸು (ಖಾರಕ್ಕೆ ತಕ್ಕಷ್ಟು)
1. ದುಂಡು ಮೆಣಸಿನ ಕಾಯಿ 1
1 ಚಮಚ ಬೆಳ್ಳುಳ್ಳಿ ಪೇಸ್ಟ್
ರುಚಿಗೆ ತಕ್ಕ ಉಪ್ಪು
ಅರ್ಧ ಚಮಚ ಕರಿ ಮೆಣಸಿನ ಪುಡಿ
1 ಚಮಚ ಸಕ್ಕರೆ
ಚಿಟಿಕೆಯಷ್ಟು ಅಜ್ವೈನ್
1 ಚಮಚ ಎಣ್ಣೆ
ಎಣ್ಣೆ (ಫ್ರೈ ಮಾಡಲು)
ನಿಂಬೆ ರಸ 1 ಚಮಚ

ತಯಾರಿಸುವ ವಿಧಾನ:

1. ಒಂದು ಬಟಲಿನಲ್ಲಿ ಸೋಯಾ ಸಾಸ್, 1 ಚಮಚ ಜೋಳದ ಹಿಟ್ಟು, ಉಪ್ಪು, ಮೊಟ್ಟೆ ಹಾಕಿ ಚೆನ್ನಾಗಿ ಕದಡಿ ಅದರಲ್ಲಿ ಕ್ಲೀನ್ ಮಾಡಿದ ಚಿಕನ್ ತುಂಡುಗಳನ್ನು ಹಾಕಿ 10-15 ನಿಮಿಷ ಕಾಲ ಇಡಬೇಕು.

2. ಬಾಣಲೆಯಯಲ್ಲಿ ಎಣ್ಣೆಯನ್ನು ಹಾಕಿ ಎಣ್ಣೆ ಕುದಿ ಬರುವಾಗ ಅದರಲ್ಲಿ ಚಿಕನ್ ಹಾಕಿ ಕಂದು ಬಣ್ಣ ಬರುವವರೆಗೆ ಕರಿಯಬೇಕು. ನಂತರ ಅವುಗಳನ್ನು ತೆಗದು ಒಂದು ಬಟ್ಟಲಿನಲ್ಲಿ ಹಾಕಿಡಿ.

3. ಈಗ ಪಾತ್ರೆಯನ್ನು ಉರಿ ಮೇಲೆ ಇಟ್ಟು ಅದಕ್ಕೆ 1 ಚಮಚ ಎಣ್ಣೆ ಹಾಕಿ , ಎಣ್ಣೆ ಬಿಸಿಯಾದಾಗ ಕತ್ತರಿಸಿದ ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು. ನಂತರ ಕತ್ತರಿಸಿದ ದುಂಡು ಮೆಣಸಿನ ಕಾಯಿ ಹಾಕಿ, ಹಸಿ ಮೆಣಸಿನ ಕಾಯಿ ಮತ್ತು ಬೆಳ್ಳುಳ್ಳಿ ಪೇಸ್ಟ್ ಹಾಗೂ ಚಿಟಿಕೆಯಷ್ಟು ಅಜ್ವೈನ್, 1 ಚಮಚ ಜೋಳದ ಹಿಟ್ಟು, ರುಚಿಗೆ ತಕ್ಕ ಉಪ್ಪು ಹಾಕಿ 2-3 ನಿಮಿಷ ಚೆನ್ನಾಗಿ ಹುರಿಯಬೇಕು, ನಂತರ ಸೋಯಾ ಸಾಸ್ , ಕರಿ ಮೆಣಸಿನ ಪುಡಿ ಹಾಕಿ ಅರ್ಧ ಕಪ್ ನೀರು ಸೇರಸಿ ಕುದಿಸಿ.

4. ಮಿಶ್ರಣ ಸ್ವಲ್ಪ ಗಟ್ಟಿಯಾದಾಗ ಫ್ರೈ ಮಾಡಿದ ಚಿಕನ್ ತುಂಡುಗಳನ್ನು ಹಾಕಿ ಮಿಕ್ಸ್ ಮಾಡಿ 2 ನಿಮಿಷ ಬಿಸಿ ಮಾಡಿ ನಂತರ ನಿಂಬೆ ರಸ ಹಿಂಡಿದರೆ ಸವಿರುಚಿಯ ಚಿಕನ್ ಚಿಲ್ಲಿ ರೆಡಿ.