ನಾನ್‌ವೆಜ್ ಸ್ಪೆಷೆಲ್-ಚಿಕನ್ ಬಾಲ್

Non Vegetarian

oi-Reena

By Hema S

Updated: Saturday, September 22, 2012, 14:00 [IST]

ಈ ವೀಕೆಂಡ್ ಗೆ ಏನಾದರೂ ನಾನ್ ವೆಜೆಟೇರಿಯನ್ ಸ್ಪೆಷೆಲ್ ಮಾಡಬಯಸುವುದಾದರೆ ಚಿಕನ್ ಬಾಲ್ ಸ್ಟ್ರಾಟರ್ಸ್ ಟ್ರೈ ಮಾಡಬಹುದು. ಮೈಕ್ರೋಓವನ್ ನಿಂದ ತಯಾರಿಸುವ ಈ ಚಿಕನ್ ಬಾಲ್ ಅನ್ನು ಸುಲಭವಾಗಿ ತಯಾರಿಸಬಹುದಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* ಬೋನ್ ಲೆಸ್ ಚಿಕನ್ ಅರ್ಧ ಕೆಜಿ
* ಈರುಳ್ಳಿ 2
* ಬೆಳ್ಳುಳ್ಳಿ 2-3 ಎಸಳು
* ಬ್ರೆಡ್ ಚೂರು ಅರ್ಧ ಕಪ್
* ಚೀಸ್ ಅರ್ಧ ಕಪ್
* ಮೊಟ್ಟೆ 1
* ಕರಿಮೆಣಸಿನ ಪುಡಿ 1 ಚಮಚ
* ರುಚಿಗೆ ತಕ್ಕ ಉಪ್ಪು
* ಬೆಣ್ಣೆ 1 ಚಮಚ

ತಯಾರಿಸುವ ವಿಧಾನ:

* ಪಾತ್ರೆಯನ್ನು ಬಿಸಿ ಮಾಡಿ , ಗ್ಯಾಸ್ ಅನ್ನು ಕಡಿಮೆ ಉರಿಯಲ್ಲಿಟ್ಟು ಬಣ್ಣೆ ಹಾಕಬೇಕು. ನಂತರ ಕತ್ತರಿಸಿದ ಈರುಳ್ಳಿ ಮತ್ತು ಜಜ್ಜಿದ ಬೆಳ್ಳುಳ್ಳಿ ಹಾಕಿ ಈರುಳ್ಳಿ ಸ್ವಲ್ಪ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು. ನಂತರ ಉರಿಯನ್ನು ಆಫ್ ಮಾಡಿ ಈ ಹುರಿದ ಈರುಳ್ಳಿ ಮತ್ತು ಬೆಳ್ಳುಳ್ಳಿಯನ್ನು ಒಂದು ಬಟ್ಟಲಿಗೆ ಹಾಕಬೇಕು.

* ನಂತರ ಬಟ್ಟಲಿಗೆ ಮೊಟ್ಟೆ, ಬ್ರೆಡ್ ನ ಚೂರುಗಳು, ಚೀಸ್, ರುಚಿಗೆ ತಕ್ಕ ಉಪ್ಪು, ಕರಿಮೆಣಸಿನ ಪುಡಿ ಹಾಕಿ ಸ್ಪೂನ್ ನಿಂದ ಚೆನ್ನಾಗಿ ಕದಡಿ ನಂತರ ಚಿಕನ್ ಹಾಕಿ ಕೈಯಿಂದ ಚೆನ್ನಾಗಿ ಕಲೆಸಿ ಉಂಡೆಗಳನ್ನು ಕಟ್ಟಬೇಕು.

* ನಂತರ ತಟ್ಟೆಗೆ ಎಣ್ಣೆ ಸವರಿ ಅದರಲ್ಲಿ ಈ ಚಿಕನ್ ಉಂಡೆಗಳನ್ನು ಇಟ್ಟು ಮೈಕ್ರೋಓವನ್ ನಲ್ಲಿ ಬೇಯಿಸಿದರೆ ರುಚಿಕರವಾದ ಚಿಕನ್ ಬಾಲ್ ರೆಡಿ.

ಈ ಚಿಕನ್ ಸ್ಟ್ರಾಟರ್ಸ್ ಅನ್ನು ಚಟ್ನಿ ಜೊತೆ ಸವಿಯಲು ತುಂಬಾ ರುಚಿಕರವಾಗಿರುತ್ತದೆ.