ವಾವ್ ಚೀಸ್ ಹಾಕಿದ ಎಗ್ ಪೋಚ್!

ಮೊಟ್ಟೆಯನ್ನು ಫ್ರೈ ಮಾಡಿ ತಿನ್ನುವ ಬದಲು ಬೇಯಿಸಿ ತಿಂದರೆ ಹಚ್ಚು ಆರೋಗ್ಯಕರ. ಆದರೆ ಮೊಟ್ಟೆಯನ್ನು ಹಾಗೇ ಬೇಯಿಸಿ ತಿನ್ನುವ ಬದಲು ಅದರಿಂದ ಎಗ್ ಪೋಚ್ ತಯಾರಿಸಿ ತಿಂದರೆ ಹೆಚ್ಚು ರುಚಿಕರವಾಗಿರುತ್ತದೆ.

ಈ ಎಗ್ ಪೋಚ್ ಗೆ ಚೀಸ್ ಹಾಕಿ ಮಾಡಿದರೆ ಮತ್ತಷ್ಟು ರುಚಿಕರವಾಗಿರುತ್ತದೆ. ಈ ಎಗ್ ಪೋಚ್ ಅನ್ನು ಸುಲಭವಾಗಿ ತಯಾರಿಸಬಹುದಾಗಿದ್ದು ಚೀಸ್ ಎಗ್ ಪೋಚ್ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
ಮೊಟ್ಟೆ 2
ನೀರು ಒಂದೂವರೆ ಕಪ್
ವಿನಿಗರ್ 1 ಚಮಚ
ರುಚಿಗೆ ತಕ್ಕ ಉಪ್ಪು
ಕರಿಮೆಣಸಿನ ಪುಡಿ ರುಚಿಗೆ ತಕ್ಕ
ಚೀಸ್ 2 ಚಮಚ
ಪುದೀನಾ ಎಲೆ 1 ಚಮಚ (ಕತ್ತರಿಸಿದ್ದು)

ತಯಾರಿಸುವ ವಿಧಾನ

1. ನೀರನ್ನು ಬಿಸಿ ಮಾಡಿ ಅದರಲ್ಲಿ ವಿನಿಗರ್ ಹಾಕಬೇಕು. ಇದರಿಂದ ಮೊಟ್ಟೆಯ ಹಳದಿ ಬೇಗನೆ ಗಟ್ಟಿಯಾಗುತ್ತದೆ.

2. ನೀರು ಕುದಿಯಲಾರಂಭಿಸಿದಾಗ ಮೊಟ್ಟೆಯನ್ನು ಒಡೆದು ಹಾಕಿ. ಮೊಟ್ಟೆಯನ್ನು ಪೋಚ್ ಮಾಡುವಾಗ ಕುದಿಯುವ ನೀರಿಗೆ ಹಾಕಿದರೆ ಮಾತ್ರ ಚೆನ್ನಾಗಿ ಬೇಯುತ್ತದೆ.

3. ನಂತರ ಬೆಂದ ಮೊಟ್ಟೆಯನ್ನು ತೆಗೆದು ಅದನ್ನು ಒಂದು ತಟ್ಟೆಯಲ್ಲಿ ಹಾಕಿ ಬಿಸಿ ಮೊಟ್ಟೆಗೆ ತುರಿದ ಚೀಸ್ ಹಾಕಿ ಚೀಸ್ ಕರಗಿದ ನಂತರ ಕರಿಮೆಣಸಿನ ಪುಡಿ, ಉಪ್ಪು ಹಾಕಿ ಕೊತ್ತಂಬರಿ ಸೊಪ್ಪನ್ನು ಉದುರಿಸಿದರೆ ರುಚಿಕರವಾದ ಎಗ್ ಪೋಚ್ ರೆಡಿ.