Just In
Don't Miss
- News ಈ ವರ್ಷ ಜಗತ್ತಿನಲ್ಲಿ ಒಳ್ಳೆಯದಕ್ಕಿಂತ ಕೆಟ್ಟದ್ದೇ ಕೇಳೋದು ಬಹಳ ಐತಿ; ಮಳೆ,ಬೆಳೆಯ ಕುರಿತು ಬಸವೇಶ್ವರ ಕಾರ್ಣಿಕ ಹೇಳಿದ್ದೇನು?
- Movies ರಾಜಕೀಯ ಆಯಾಮ ಬೇಡ, ಜನಸಾಮಾನ್ಯರ ಕೈಗೆ ಒಪ್ಪಿಸಿ ಎಂದ ರಚಿತಾ ರಾಮ್ ; #JusticeForNeha ಎಂದ ರಿಷಬ್ ಶೆಟ್ಟಿ..!
- Automobiles ಭಾರತದಲ್ಲಿ 80 ಲಕ್ಷ ಸ್ಕೂಟರ್ ಮಾರಿದ ಜಪಾನ್ ಕಂಪನಿ: ವಿಶ್ವಗುರು ಭಾರತದಲ್ಲಿ ಎಲ್ಲವೂ ಸಾಧ್ಯ!
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Sports ಧೋನಿ ಎದುರು ಬಂದಾಗ ಕೆ.ಎಲ್ ರಾಹುಲ್ ಕ್ಯಾಪ್ ತೆಗೆದಿದ್ದೇಕೆ?: ಕಾರಣವೇನು?
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರೆಸಿಪಿ: ಬಂಗುಡೆ ಮೀನಿನ ಸಾರು
ಮೀನಿನ ಸಾರು ಮಾಡುವುದರಲ್ಲಿ ಮಂಗಳೂರಿನವರು ಹಾಗೂ ಕೇರಳದವರು ಎತ್ತಿದ ಕೈ. ಈ ಕಡೆ ಸಿಗುವ ಮೀನು ಸಾರಿನ ರುಚಿಯೇ ಭಿನ್ನವಾಗಿರುತ್ತೆ. ನಾವು ಇಲ್ಲಿ ಬಂಗುಡೆ ಮೀನಿನ ಸಾರಿನ ರೆಸಿಪಿ ನೀಡಿದ್ದೇವೆ.
ಬಂಗುಡೆ ಮೀನನ್ನು ನೀವು ತೆಂಗಿನಕಾಯಿ ಹಾಕದೆ ಸ್ವಲ್ಪ ಗ್ರೇವಿ ಟೇಸ್ಟ್ನಲ್ಲಿ ಮಾಡ ಬಯಸುವುದಾದರೆ ಈ ರೆಸಿಪಿ ನಿಮಗಾಗಿ. ಸುಲಭವಾಗಿ ಮಾಡಬಹುದಾದ ಮೀನಿನ ಸಾರಿನ ರೆಸಿಪಿ ಇದಾಗಿದ್ದು, ಕಾಚಂಪುಳಿ ಹಾಕಿ ಮಾಡಿದರೆ ಈ ಮೀನು ಸಾರು ತುಂಬಾ ರುಚಿಯಾಗಿರುತ್ತೆ.
ನಾವಿಲ್ಲಿ ಕಾಚಂಪುಳಿ ಹಾಕಿ ಮಾಡುವ ಬಂಗುಡೆ ಮೀನಿನ ಸಾರಿನ ರೆಸಿಪಿ ನೀಡಿದ್ದೇವೆ ನೋಡಿ:
Recipe By: Reena TK
Recipe Type: Curry
Serves: 4
-
ಬೇಕಾಗುವ ಸಾಮಗ್ರಿ
ಬಂಗುಡೆ (Mackerel Fish) ಅರ್ಧ ಕೆಜಿ
ಕಾಚಂಪುಳಿ (ತುಳುವಿನಲ್ಲಿ ಮಂತ್ ಪುಳಿ, ಇಂಗ್ಲಿಷ್ನಲ್ಲಿ gamboge)
(ಇದು ಇಲ್ಲದಿದ್ದರೆ ಹುಣಸೆಹಣ್ಣು ಬಳಸುಬಹುದು)
ತೆಂಗಿನೆಣ್ಣೆ 2 ಚಮಚ
ಶುಂಠಿ (1 ಇಂಚಿನಷ್ಟು ದೊಡ್ಡದ್ದು, ಚಿಕ್ಕದಾಗಿ ಕತ್ತರಿಸಿದ್ದು)
ಬೆಳ್ಳುಳ್ಳಿ 4 ಎಸಳು
ಚಿಕ್ಕ ಈರುಳ್ಳಿ 4-5
ಹಸಿ ಮೆಣಸಿನಕಾಯಿ 2
ಸ್ವಲ್ಪ ಕರಿಬೇವು
ಖಾರದ ಪುಡಿ 3 ಚಮಚ (ನಿಮ್ಮ ಖಾರಕ್ಕೆ ತಕ್ಕಷ್ಟು)
ಕೊತ್ತಂಬರಿ ಪುಡಿ 1 ಚಮಚ
ಅರಿಶಿಣ ಪುಡಿ ಅರ್ಧ ಚಮಚ
ಮೆಂತೆ ಪುರಿ 1/4 ಚಮಚ
ಕಾಳುಮೆಣಸಿನ ಪುಡಿ ಅರ್ಧ ಚಮಚ
ರುಚಿಗೆ ತಕ್ಕ ಉಪ್ಪು
ನೀರು ( ನಿಮ್ಮ ಗ್ರೇವಿ ಟೇಸ್ಟ್ಗೆ ತಕ್ಕಂತೆ)
ಸ್ವಲ್ಪ ಕರಿಬೇವು
-
ಮಾಡುವ ವಿಧಾನ:
* ಎಲ್ಲಾ ಮಸಾಲೆಯನ್ನು 1 ಕಪ್ಗೆ ಹಾಕಿ ಅದಕ್ಕೆ 1 ಚಮಚ ನೀರು ಹಾಕಿ ಪೇಸ್ಟ್ ಮಾಡಿ ಬದಿಯಲ್ಲಿ ತೆಗೆದಿಡಿ.
* ದಪ್ಪ ತಳವಿರುವ ಪ್ಯಾನ್ (ಮಣ್ಣಿನ ಮಡಕೆಯಾದರೆ ತುಂಬಾ ಒಳ್ಳೆಯದು)ಎಣ್ಣೆಯನ್ನು ಬಿಸಿ ಮಾಡಿ ಅದಕ್ಕೆ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಕತ್ತರಿಸಿದ ಶುಂಠಿ, ಬೆಳ್ಳುಳ್ಳಿ, ಈರುಳ್ಳಿ, ಹಸಿ ಮೆಣಸಿನಕಾಯಿ, ಕರಿಬೇವು ಹಾಕಿ ಫ್ರೈ ಮಾಡಿ.
* ಈರುಳ್ಳಿ ಫ್ರೈಯಾಗಿ ಕಂದು ಬಣ್ಣಕ್ಕೆ ತಿರುಗುವಾಗ ಪೇಸ್ಟ್ ಮಾಡಿಟ್ಟ ಮಸಾಲೆ ಹಾಕಿ ಅದರ ಹಸಿ ವಾಸನೆ ಹೋಗಲು 2-3 ನಿಮಿಷ ಫ್ರೈ ಮಾಡಿ, ನಂತರ ನೀರು ಹಾಕಿ ರುಚಿಗೆ ತಕ್ಕ ಉಪ್ಪು ಸೇರಿಸಿ. ಈಗ ನೀರಿನಲ್ಲಿ ನೆನೆಸಿಟ್ಟ ಕಾಚಂಪುಳಿ ಹಾಕಿ (ಕಾಚಂಪುಳಿ ಇಲ್ಲದಿದ್ದರೆ ಎರಡು ನಿಂಬೆ ಹಣ್ಣಿನ ಗಾತ್ರ ಹುಣಸೆಹಣ್ಣಿನ ರಸ ಹಾಕಿ) ಮಿಶ್ರ ಮಾಡಿ ಕುದಿಸಿ.
* ಮಿಶ್ರಣ ಕುದಿ ಬರಲಾರಂಭಿಸಿದಾಗ ಮೀನನ್ನು ಹಾಕಿ ಸಾಧರಣ ಉರಿಯಲ್ಲಿ 10 ನಿಮಿಷ ಬೇಯಿಸಿ (ತುಂಬಾ ಬೇಯಿಸಿದ್ದರೆ ಮೀನಿನ ಮಾಂಸ ಮುಳ್ಳಿನಿಂದ ಬೇರ್ಪಡುವುದು).
* ಈಗ 1 ಚಮಚ ತೆಂಗಿನೆಣ್ಣೆ ಹಾಕಿ, ಉರಿಯಿಂದ ಇಳಿಸಿ ಇಡಿ.
- * ಮೀನನ್ನು ಹಾಕಿದ ಮೇಲೆ ಪಾತ್ರೆಯ ಬಾಯಿ ಮುಚ್ಚದೆ ಬೇಯಿಸಿ * ಗ್ರೇವಿ ಗಟ್ಟಿಯಾಗಿ ಬೇಕಿದ್ದರೆ ಗ್ರೇವಿ ಸ್ವಲ್ಪ ಗಟ್ಟಿಯಾದ ಬಳಿಕವಷ್ಟೇ ಮೀನು ಹಾಕಿ ಬೇಯಿಸಿ, ಇಲ್ಲದಿದ್ದರೆ ಮೀನು ತುಂಬಾ ಬೆಂದು ಹೋಗುವುದು. * ಮೀನನ್ನು ಹಾಕಿದ ಬಳಿಕ ಆಗಗ ಸೌಟ್ನಿಂದ ತಿರುಗಿಸಬೇಡಿ. ಒಂದು ಅಥವಾ ಎರಡು ಬಾರಿ ಮೆಲ್ಲನೆ ತಿರುಗಿಸಿದರೆ ಸಾಕು. * ರೆಡಿಯಾದ ಮೀನಿನ ಸಾರು ಮರಗೆಣಸು ಬೇಯಿಸಿದ್ದು ಅಥವಾ ಅನ್ನದ ಜೊತೆ ಸವಿಯಲು ರುಚಿಯಾಗಿರುತ್ತೆ.
- ಸರ್ವ್ - ಅರ್ಧ ಕೆಜಿ
- ಕ್ಯಾಲೋರಿ: - 115ಕ್ಯಾ
- ಕೊಬ್ಬು - 140ಗ್ರಾಂ
- ಪ್ರೊಟೀನ್ - 89ಗ್ರಾಂ
- ಕಾರ್ಬ್ಸ್: - 0